ଭୁବନେଶ୍ୱର: ରାଜ୍ୟରେ ଆୟୁଷ ସର୍ଜନ ଙ୍କ ଭତ୍ତା ଵୃଦ୍ଧି ପାଇଁ ବହୁଦିନରୁ ଦାବୀ ରହିଥିଲା।ଏ ସମ୍ପର୍କରେ ଭୁବନେଶ୍ୱର, ବ୍ରହ୍ମପୁର, ସମ୍ବଲପୁର, ରାଉରକେଲା ରେ ଥିବା ୪ଟି ସରକାରୀ ହୋମିଓପ୍ୟାଥିକ ଓ ପୁରୀ, ଅଙ୍କୁଶପୁର,ବଲାଙ୍ଗୀରରେ ଥିବା୩ଟି ଆୟୁର୍ବେଦ ଭେଷଜ ମହାବିଦ୍ୟାଳୟ ଛାତ୍ର ଛାତ୍ରୀଙ୍କ ପକ୍ଷରୁ ଏକ ମାସ ଧରି ସମସ୍ତ ସରକାରୀ ଆୟୁର୍ବେଦ ଓ ହୋମିଓପ୍ୟାଥିକ ଭେଷଜ ମହାବିଦ୍ୟାଳୟ ବନ୍ଦ ଡାକରା ଦେଇ ଭୁବନେଶ୍ୱର ସ୍ଥିତ ଲୋୟର ପିଏମଜି ରେ ଆନ୍ଦୋଳନ କରାଯାଇଥିଲା।
ଏମବିବିଏସ ଓ ବିଡିଏସ ଛାତ୍ର ଛାତ୍ରୀ ଙ୍କ ଭତ୍ତା ଯଥେଷ୍ଟ ବୃଦ୍ଧି ପାଇଥିବା ବେଳେ ଆୟୁଷ ହାଉସ ସର୍ଜନ ଙ୍କୁ ପୂର୍ଣ ମାତ୍ରାରେ ଉପେକ୍ଷା କରାଯାଉଥିବା ନେଇ ତୀବ୍ର ସମାଲୋଚନା କରିଥିଲେ।
ତେବେ ନୂତନ ସରକାର ଆସିବା ପରେ ଅଲ ଓଡ଼ିଶା ଆୟୁଷ ଷ୍ଟୁଡେଣ୍ଟ ଆସୋସିଏସନ ପକ୍ଷ ରୁ ପୂର୍ବରୁ ଆୟୁଷ ହାଉସ ସର୍ଜନ ଙ୍କ ଥିବା୧୭ହଜାର ଟଙ୍କା ଭତ୍ତା କୁ ଆୟୁଷ ମେଡ଼ିକାଲ ଅଫିସର ଙ୍କ ମାସିକ ବେତନ ର ୫୦/ ହାରରେ ଵୃଦ୍ଧି କରି ଡାଇନାମିକ ଷ୍ଟାଇପେଣ୍ଡ ଦେବାକୁ ନେଇ ମୁଖ୍ୟମନ୍ତ୍ରୀ,ସ୍ୱାସ୍ଥ୍ୟ ମନ୍ତ୍ରୀ, ସ୍ୱାସ୍ଥ୍ୟ ସଚିବ, ଆୟୁଷ ନିର୍ଦେଶକ ଙ୍କ ସହିତ ଆଲୋଚନା, ଦାବୀ ପତ୍ର ପ୍ରଦାନ କରି ଆୟୁଷ ଛାତ୍ର ସଂସଦ ପ୍ରତିନିଧି ମାନେ ଆଲୋଚନା କରିଥିଲେ।
ଏ ନେଇ ଆୟୁଷ ନିର୍ଦେଶକ ରାଜ୍ୟର ସାତୋଟି ସରକାରୀ ଆୟୁଷ କଲେଜ ଅଧ୍ୟକ୍ଷ ଙ୍କୁ ଗତ ତା୧୮.୧୧.୨୦୨୪ରେ ପତ୍ର ସଂଖ୍ୟା -୭୬୯୯ ଦେଇ ଭତ୍ତା ବୃଦ୍ଧି ପାଇଁ ମତାମତ ଲୋଡିଥିଲେ।ସାତୋଟି ସରକାରୀ ଆୟୁଷ କଲେଜ ଅଧ୍ୟକ୍ଷ ଆୟୁଷ ହାଉସ ସର୍ଜନ ଭତ୍ତା କୁ ଯଥେଷ୍ଟ ମାତ୍ରାରେ ବୃଦ୍ଧି କରି ଦେବାକୁ ରାଜ୍ୟ ସରକାରଙ୍କ ଆୟୁଷ ନିର୍ଦେଶକ ଙ୍କୁ ପତ୍ର ପ୍ରଦାନ କରିଥିଲେ।
ରାଜ୍ୟ ସ୍ୱାସ୍ଥ୍ୟ ମନ୍ତ୍ରୀ ମଧ୍ୟ ଆୟୁଷ ହାଉସ ସର୍ଜନ ଙ୍କୁ ଡାଇନାମିକ ଭତ୍ତା ବୃଦ୍ଧି କୁ ସମର୍ଥନ କରୁଥିବା ବେଳେ ଆୟୁଷ ନିର୍ଦେଶକ ଙ୍କ କାର୍ଯ୍ୟାଳୟ ପକ୍ଷରୁ ଏହାକୁ କମ କରି ଫାଇଲ ପ୍ରୋସେସିଂ କରୁଥିବା ଖବର ପାଇ ଆଜି ଶତାଧିକ ଆୟୁଷ ଛାତ୍ର ସଂସଦ ପ୍ରତିନିଧି ଆୟୁଷ ନିର୍ଦେଶକ ଙ୍କ କାର୍ଯ୍ୟାଳୟ ଯାଇ ନିର୍ଦ୍ଦେଶକ ଙ୍କୁ ମନମାନି ର କାରଣ ପଚାରିଥିଲେ।
ତୁରନ୍ତ ଏ ସମ୍ପର୍କରେ କାର୍ଯ୍ୟନୁଷ୍ଠାନ ପାଇଁ ଅଡି ବସିଥିଲେ। ଆୟୁଷ ଛାତ୍ର ସଂସଦ ପକ୍ଷ ରୁ ଏ ନେଇ ପୂର୍ଣାଙ୍ଗ ଆଲୋଚନା, ଦାବୀ ପତ୍ର ପ୍ରଦାନ କରାଯାଇଥିଲା।ଶେଷ ରେ ଆୟୁଷ ନିର୍ଦେଶକ ଭୟରେ ପୋଲିସ ଉପସ୍ଥିତ ରେ ଆଲୋଚନା କରିବା ସହିତ ଆୟୁଷ ହାଉସ ସର୍ଜନ ଛାତ୍ର ଛାତ୍ରୀ ଙ୍କୁ ଡାଇନାମିକ ଷ୍ଟାଇପେଣ୍ଡ ଦେବା ପାଇଁ ଫାଇଲ୍ ସରକାରଙ୍କୁ ପଠାଇବେ ବୋଲି ପ୍ରତିଶ୍ରୁତି ଦେବା ପରେ ଛାତ୍ର ଛାତ୍ରୀ ମାନେ ପ୍ରତ୍ୟାବର୍ତ୍ତନ କରିଥିଲେ।ଏହାପରେ ଛାତ୍ରଛାତ୍ରୀମାନେ ବିଜେପି ସଭାପତି ମନମୋହନ ସାମଲ ଙ୍କୁ ସାକ୍ଷାତ କରି ଆୟୁଷ ନିର୍ଦ୍ଦେଶକ କାର୍ଯ୍ୟାଳୟର ମନମାନି ବିଷୟରେ ଅବଗତ କରିଥିଲେ ।
ଶ୍ରୀ ସାମଲ କହିଥିଲେ ଯେ ସରକାର ତୁମ ସାଙ୍ଗରେ ଅଛି ତୁମେମାନେ କିରାଣି ଙ୍କ କାର୍ଯ୍ୟକଳାପ କୁ ଦେଖି ବ୍ୟସ୍ତବିବ୍ରତ ହୁଅନି କହିଥିଲେ। ସେଥିରେ ନିଖିଳ ଓଡ଼ିଶା ଆୟୁଷ ଛାତ୍ର ସଂସଦ ର ସଭାପତି ଡା. ଶୁଭେନ୍ଦୁ କୁମାର ସାହୁ ସାଧାରଣ ସମ୍ପାଦକ ଶ୍ରୀ ସୁବ୍ରତ କୁମାର ସାମଲ ମିଡିଆ ଉପଦେଷ୍ଠା ଡା. ଶୌରଭ ମହାରଣା ମୁଖପାତ୍ର ଶ୍ରୀ ଗିରିଧରି ବିଶ୍ଵାଳ ନେତୃତ୍ୱ ନେଇଥିଲେ।