ନୂଆଦିଲ୍ଲୀ: ମହିଳା ପ୍ରିମିୟର ଲିଗ୍ 2025 (WPL 2025) ଆଜିଠାରୁ ଆରମ୍ଭ ହେବ। ଏଥର ଟୁର୍ଣ୍ଣାମେଣ୍ଟର ତୃତୀୟ ସିଜନ୍ ଖେଳାଯିବ। ଅନ୍ୟ ଦୁଇଟି ସଂସ୍କରଣ ପରି, ଏଥର ମଧ୍ୟ ସମୁଦାୟ 5 ଟି ଦଳ ପରସ୍ପର ବିପକ୍ଷରେ ପ୍ରତିଦ୍ୱନ୍ଦିତା କରିବେ। ପୂର୍ବ ପରି ଏହି ଟୁର୍ଣ୍ଣାମେଣ୍ଟରେ ମୋଟ 22 ଟି ମ୍ୟାଚ୍ ଖେଳାଯିବ, ଯେଉଁଥିରେ 20 ଟି ଲିଗ୍ ମ୍ୟାଚ୍, 1 ଟି ଏଲିମେଟର୍ ଏବଂ 1 ଟି ଫାଇନାଲ୍ ହେବ। ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚ୍ ଡିଫେଣ୍ଡିଂ ଚାମ୍ପିଅନ୍ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ଗୁଜୁରାଟ ଜିଆଣ୍ଟସ୍ ମଧ୍ୟରେ ଖେଳାଯିବ। ତେବେ ଏହି ମ୍ୟାଚ୍ ସହିତ ଜଡିତ ସମ୍ପୂର୍ଣ୍ଣ ବିବରଣୀ ଜାଣିବା….
ପିଚ୍ ରିପୋର୍ଟ:
ଆରସିବି ଏବଂ ଗୁଜୁରାଟ ମଧ୍ୟରେ ମ୍ୟାଚ୍ ବଡୋଦରାର କୋଟାମ୍ବି ଷ୍ଟାଡିୟମରେ ଖେଳାଯିବ। ଭାରତୀୟ ସମୟ ଅନୁଯାୟୀ ମ୍ୟାଚ ସନ୍ଧ୍ୟା 7:30 ରେ ଆରମ୍ଭ ହେବ। କୋଟାମ୍ବୀ ଷ୍ଟାଡିୟମରେ ଏପର୍ଯ୍ୟନ୍ତ ମହିଳା ଟି -20 ମ୍ୟାଚ୍ ଖେଳାଯାଇ ନାହିଁ। ଏଠାରେ କେବଳ ତିନିଟି ମହିଳା ଏକଦିବସୀୟ ଖେଳାଯାଇଛି, ଯେଉଁଥିରେ ପ୍ରଥମ ଇନିଂସର ହାରାହାରି ସ୍କୋର 278 ରନ୍ ହୋଇଛି। ସେହି ଗ୍ରାଉଣ୍ଡରେ ODI ର ଉଚ୍ଚ ସ୍କୋର ଥିଲା 358/5 ରନ୍।
ଲାଇଭ୍ ଷ୍ଟ୍ରିମିଂ:
ଗୁଜୁରାଟ ଜଏଣ୍ଟସ୍ ଏବଂ ଆରସିବି ମଧ୍ୟରେ ଖେଳାଯାଉଥିବା ମ୍ୟାଚ୍ ସ୍ପୋର୍ଟସ୍ ନେଟୱାର୍କ 18 ମାଧ୍ୟମରେ ଭାରତରେ ଟିଭିରେ ସିଧା ପ୍ରସାରଣ ହେବ। ଏହା ବ୍ୟତୀତ ମ୍ୟାଚଗୁଡ଼ିକର ଲାଇଭ୍ ଷ୍ଟ୍ରିମିଂ ଜିଓ ସିନେମାରେ ହେବ।
ଆରସିବି ବନାମ ଗୁଜୁରାଟ:
ଗୁଜୁରାଟ ଜଏଣ୍ଟସ୍ ଏବଂ ଆରସିବି ମଧ୍ୟରେ ଏପର୍ଯ୍ୟନ୍ତ ମୋଟ 4 ଟି ମ୍ୟାଚ୍ ଖେଳାଯାଇଛି। ଏହି ମ୍ୟାଚଗୁଡିକରେ ଉଭୟ ଦଳ 2-2 ମ୍ୟାଚ୍ ଜିତିଛନ୍ତି।
