ଭୁବନେଶ୍ଵର: ନୂଆପଡ଼ା ଜିଲ୍ଲା କୋମନା ବ୍ଲକ ଅନ୍ତର୍ଗତ ମାଠିଆ ପଦର ଗ୍ରାମ ତିଖାଲି ଲୋଅର ଇନ୍ଦ୍ର ଜଳ ସେଚନ ପ୍ରକଳ୍ପ ପ୍ରଭାବିତ ଗ୍ରାମ ହୋଇଅଛି। ଏହି ଗ୍ରାମର ଘରୋଇ ଜମି ସହ ସରକାରୀ ଜମି ପ୍ରକଳ୍ପ ଜଳ ରାଶି ରେ ଜଳମଗ୍ନ ହୋଇଥିବା ବେଳେ ଗ୍ରାମକୁ ବୁଡ଼ାଇ ଗ୍ରାମ ମାନ୍ୟତା ଦିଆଯାଇନାହିଁ। ଫଳରେ ଗ୍ରାମବାସୀ ଚାଷ ଉପରେ ନିର୍ଭରଶୀଳ।
ଗ୍ରାମର ୫୬.୬୫ ଏକର ଚାଷ ଜମିଥିବା ବେଳେ ଏହି ଜମି ମଧ୍ୟରୁ ୨୩.୯୪ ଏକର ଜମି ଜଳ ସମ୍ପଦ ବିଭାଗ ଜମି ଅଧିଗ୍ରହଣ କରିଛନ୍ତି। ୧୭୩.୫୭ ଏକର ଜମି ସରକାରୀ ଜମି ରହିଅଛି। ଗ୍ରାମବାସୀଙ୍କ ଜୀବିକା ନିର୍ବାହ କରୁଥିବା ଜମି ଅଧିଗ୍ରହଣ କରିଥିବା ବେଳେ ଗ୍ରାମବାସୀ ଙ୍କୁ ଅନ୍ୟତ୍ର ସ୍ଥାନାନ୍ତର କରି ଗ୍ରାମ କୁ ସମ୍ପୂର୍ଣ୍ଣ ବୁଡି ଗ୍ରାମ ମାନ୍ୟତା ଦେବାକୁ ଗ୍ରାମବାସୀ ମାନେ ଦାବୀ କରୁଛନ୍ତି।
ରବି ମଙ୍ଗରାଜଙ୍କ ନେତୃତ୍ୱରେ ଗ୍ରାମବାସୀ ମାନେ ଆସି ଅତିରିକ୍ତ ଜିଲ୍ଲାପାଳ ସୁବାଷ ଚନ୍ଦ୍ର ରଇତାଙ୍କୁ ଏକ ସ୍ମାରକପତ୍ର ପ୍ରଦାନ କରିଛନ୍ତି। ତୁରନ୍ତ ପଦକ୍ଷେପ ଗ୍ରହଣ କରନ୍ତୁ ଏବଂ ସରକାରଙ୍କୁ ସୁପାରିଶ କରିବାକୁ ଦାବୀ ଦେଇଥିଲେ। ନଚେତ୍ ଆସନ୍ତା ଦିନ ରେ ତୀବ୍ର ଆନ୍ଦୋଳନ କରିବାକୁ ପ୍ରକାଶ କରିଛନ୍ତି।ସନ୍ତୋଷ ବନ୍ଦିଛୋର ଗୋବିନ୍ଦ କଟା,ପୁଶ ଶଗରିଆ, ମୁନୁ କଟା, ଗ୍ରାମବାସୀ ସାମିଲ ହୋଇଥିଲେ।
