ନୂଆଦିଲ୍ଲୀ: ଗତ ମାସରେ ନୂଆଦିଲ୍ଲୀ ରେଳ ଷ୍ଟେସନରେ ଘଟିଥିବା ଦଳାଚକଟା ମାମଲାରେ କେନ୍ଦ୍ର ସରକାର ଆଜି ବଡ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ଏହି ମାମଲାରେ ରେଳ ମନ୍ତ୍ରଣାଳୟ ଦିଲ୍ଲୀର ଡିଭିଜନାଲ ରେଳ ମ୍ୟାନେଜର (ଡିଆରଏମ) ସୁଖବିନ୍ଦର ସିଂଙ୍କୁ ସ୍ଥାନାନ୍ତର କରିଛି।
ଜୁଲାଇ ୨୦୨୩ ରେ ସୁଖବିନ୍ଦର ସିଂଙ୍କୁ ଦିଲ୍ଲୀ ଡିଭିଜନର DRM ଭାବରେ ନିଯୁକ୍ତ କରାଯାଇଥିଲା ଏବଂ ତାଙ୍କର କାର୍ଯ୍ୟକାଳ ୨୦୨୫ ପର୍ଯ୍ୟନ୍ତ ଥିଲା, କିନ୍ତୁ ବର୍ତ୍ତମାନ ତାଙ୍କୁ ସମୟ ପୂର୍ବରୁ ହଟାଇ ଦିଆଯାଇଛି। ରେଳ ମନ୍ତ୍ରଣାଳୟର ନିର୍ଦ୍ଦେଶ ଅନୁଯାୟୀ ବର୍ତ୍ତମାନ ଉତ୍ତର କେନ୍ଦ୍ରୀୟ ରେଳ ଅଧିକାରୀ ପୁଷ୍ପ ଆର ତ୍ରିପାଠୀ ତାଙ୍କ ସ୍ଥାନରେ ନୂତନ ଡିଆରଏମ ହେବେ। ବର୍ତ୍ତମାନ ସୁଖବିନ୍ଦର ସିଂଙ୍କ ନୂତନ ପୋଷ୍ଟିଂ ସମ୍ପର୍କରେ ମନ୍ତ୍ରଣାଳୟ ପକ୍ଷରୁ କୌଣସି ସୂଚନା ଦିଆଯାଇ ନାହିଁ।