ଭୁବନେଶ୍ଵର: ପ୍ରଧାନମନ୍ତ୍ରୀ ସୂର୍ଯ୍ୟ ଘର ଯୋଜନା ଭାରତ ସରକାରଙ୍କ ଏକ ଜନ କଲ୍ୟାଣ ଜାରୀ ଯୋଜନା। ଏହି ଯୋଜନାରେ ଘର ଉପରେ ସୌର ପ୍ୟାନେଲ୍ ସ୍ଥାପନ କରି ମାଗଣା ବିଦ୍ୟୁତ୍ ସେବା ଯୋଗାଇବାକୁ ଲକ୍ଷ୍ୟ ରଖାଯାଇଛି। ନବରଙ୍ଗପୁର ଜିଲ୍ଲାରେ ପିଏମ ସୂର୍ଯ୍ୟ ଘର ଯୋଜନା କାର୍ଯ୍ୟକ୍ଷମ ହୋଇଛି। ପ୍ରଥମ ପଦକ୍ଷେପ ସ୍ୱରୂପ ଜିଲ୍ଲା ର 4 ଟି ଘରେ ଏହି ଯୋଜନାକୁ କାର୍ଯ୍ୟକ୍ଷମ କରାଯାଇଛି।
ନବରଙ୍ଗପୁର ସହରରେ ଥିବା ଶଵାନା ବେଗମ ଙ୍କ ଘରେ ପିଏମ ସୂର୍ଯ୍ୟ ଘର ଯୋଜନା ରେ ସୋଲାର ପାନେଲ ଲଗାଯାଇଛି। 3 କିଲୋ ୱାଟ ବିଶିଷ୍ଟ ଏହି ପ୍ୟାନେଲ ଘରର ଛାତ ଉପରେ ବସା ଯାଇଛି। ଏହି ପ୍ୟାନେଲ ଜରିଆରେ ଉତ୍ପାଦିତ ବିଜୁଳି ଶବାନାଙ୍କ ଘର କୁ ଆଲୋକିତ କରୁଛି। ଟିଭି, ଫ୍ରିଜ ଏସି ସବୁ କିଛି ଚାଲିପାରୁଛି। ଏଥିପାଇଁ ମୋଟ 2 ଲକ୍ଷ 20 ହଜାର ଟଙ୍କା ଖର୍ଚ୍ଚ ହୋଇଥିବା ବେକେ ଶବାନା ଏକ ଲକ୍ଷ 80 ହଜାର ଟଙ୍କାର ଋଣ ବ୍ୟାଙ୍କରୁ ପାଇଥିଲେ। ଶବାନା ପିଏମ ସୂର୍ଯ୍ୟ ଘର ଯୋଜନାରେ 3 କିଲୋ ୱାଟ ପାନେଲ ବସାଇ ଥିବାରୁ କେନ୍ଦ୍ର ସରକାରଙ୍କ ପକ୍ଷରୁ 78 ହଜାର ଟଙ୍କା ସବ ସିଡ଼ି ମିଳିବ।
ଘରର ଛାତରେ ସୋଲାର ପ୍ୟାନେଲ୍ ସ୍ଥାପନ କରି ଘର ର ବିଦ୍ୟୁତ୍ ବିଲ୍ କମାଇବା ସହିତ ବିଜୁଳି ଉପଯୋଗ କ୍ଷେତ୍ରରେ ଆତ୍ମନିର୍ଭର ହେବେ ବୋଲି ଶାବନା ବେଗମ କହିବା ସହ ଏହି ଯୋଜନା ଏକ ସ୍ୱାଗତ ଯୋଗ୍ୟ ପଦକ୍ଷେପ ବୋଲି କହିଛନ୍ତି। ଏଥି ସହ ପିଏମ ସୂର୍ଯ୍ୟ ଘର ଯୋଜନା କୁ ରାଜ୍ୟ ସରକାର ପ୍ରୋତ୍ସାହିତ କରୁଥିବାରୁ ଘୋଷଣା ମୁତାବକ 60 ହଜାର ଟଙ୍କା ର ଅତିରିକ୍ତ ସବସିଡି ପାଇବେ ବୋଲି ଆଶା ରଖିଛନ୍ତି।
