ନୂଆଦିଲ୍ଲୀ / ଭୁବନେଶ୍ୱର: ରିଲାଏନ୍ସ ଜିଓର ଜିଓ ଏୟାରଫାଇବର ସେବା ଭାରତରେ ଫିକ୍ସଡ୍ ୱାୟାରଲେସ୍ ଆକ୍ସେସ୍ (ଏଫଡ଼ବ୍ଲୁଏ) ସେବା ମାଧ୍ୟମରେ ଘରଗୁଡ଼ିକୁ ହାଇ ସ୍ପିଡ଼ ବ୍ରଡ଼ବ୍ୟାଣ୍ଡ ସଂଯୋଗ କରିବାର ଗତିକୁ ଏକ ନୂତନ ସ୍ତରକୁ ନେଇଯାଇଛି। ସଦ୍ୟତମ ତଥ୍ୟ ଅନୁଯାୟୀ, ଜିଓ ଡିସେମ୍ବର ୨୦୨୪ ରେ ଶେଷ ହୋଇଥିବା ତ୍ରୈମାସିକରେ ୨୦ ଲକ୍ଷ ନୂତନ ଘରକୁ ବ୍ରଡ଼ବ୍ୟାଣ୍ଡ ସଂଯୋଗ ସହ ଯୋଡିଛି, ଯାହା ଏହାର ନିକଟତମ ପ୍ରତିଦ୍ବନ୍ଦୀ ଭାରତୀ ଏୟାରଟେଲ ତୁଳନାରେ ତିନି ଗୁଣ ଅଧିକ।
ଜିଓ ପକ୍ଷରୁ ପ୍ରକାଶ କରାଯାଇଛି ଯେ ଏହାର ୪୫ ଲକ୍ଷ ଘର ଏବେ ୫ଜି ଫିକ୍ସଡ୍ ୱାୟାରଲେସ୍ ଆଧାରିତ ଜିଓ ଏୟାରଫାଇବର ସହିତ ସଂଯୁକ୍ତ, ଯାହା ଏହି ତ୍ରୈମାସିକରେ ମୋଟ ନୂତନ ସଂଯୋଗର ୮୫% ଅଟେ। ସବୁଠାରୁ ବଡ କଥା ହେଉଛି ଏହି ଗ୍ରାହକମାନଙ୍କ ମଧ୍ୟରୁ ୭୦% ଦେଶର ୧,୦୦୦ ବଡ ସହର ବାହାରର, ଯାହା ସ୍ପଷ୍ଟ କରିଛି ଯେ ଛୋଟ ସହର ଏବଂ ଗ୍ରାମାଞ୍ଚଳରେ ଏହି ସେବାର ବହୁତ ଚାହିଦା ଅଛି।
ଜିଓ ଭାରତର ସର୍ବବୃହତ ହୋମ୍ ବ୍ରଡବ୍ୟାଣ୍ଡ ଅପରେଟର ପାଲଟିଛି
ସିଏଲଏସଏ ରିସର୍ଚ୍ଚ ଅନୁଯାୟୀ, ଜିଓର ମୋଟ ୧.୭ କୋଟି ଘରୋଇ ବା ହୋମ ବ୍ରଡ଼ବ୍ୟାଣ୍ଡ ଗ୍ରାହକ ଅଛନ୍ତି, ଯାହା ଏହାର ନିକଟତମ ପ୍ରତିଦ୍ବନ୍ଦୀ ଏୟାରଟେଲର ୯୨ ଲକ୍ଷ ଗ୍ରାହକଙ୍କଠାରୁ ୯୦% ଅଧିକ ରହିଛି। ଭାରତର ଘରୋଇ ବ୍ରଡବ୍ୟାଣ୍ଡ ବଜାରରେ ଉଭୟ କମ୍ପାନୀର ମିଳିତ ଭାବରେ ପ୍ରାୟ ୬୦% ଅଂଶ ରହିଛି। ରିପୋର୍ଟ ଅନୁଯାୟୀ, ଜିଓର ୫ଜି ଷ୍ଟାଣ୍ଡଏଲୋନ୍ ପ୍ରଯୁକ୍ତି ଏବଂ ସାରା ଭାରତରେ ଏଫଡ଼ବ୍ଲୁଏ ଉପଲବ୍ଧତା ଏହାକୁ ଅନ୍ୟ କମ୍ପାନୀଗୁଡ଼ିକ ତୁଳନାରେ ଅଗ୍ରଣୀ କରିଛି।
ଜିଓ ଏୟାରଫାଇବର ଖୁବ୍ଶୀଘ୍ର ବିଶ୍ୱର ସର୍ବବୃହତ ଏଫଡ଼ବ୍ଲୁଏ ପ୍ରଦାନକାରୀ ହେବ
ମୋତିଲାଲ ଓସୱାଲର ଏକ ରିପୋର୍ଟ ଅନୁଯାୟୀ, “ବହୁତ କମ ସମୟ ମଧ୍ୟରେ, ଜିଓ ଏହାର ଏଫଡ଼ବ୍ଲୁଏ ସେବା ଜିଓ ଏୟାରଫାଇବରକୁ ୪୫ ଲକ୍ଷ ଘରେ ପହଞ୍ଚାଇଛି ଏବଂ ଆଗାମୀ କିଛି ତ୍ରୟମାସ ମଧ୍ୟରେ ବିଶ୍ୱର ସର୍ବବୃହତ ଏଫଡ଼ବ୍ଲୁଏ ସେବା ପ୍ରଦାନକାରୀ ହେବାର ଆଶା କରାଯାଉଛି।”
କାଉଣ୍ଟରପଏଣ୍ଟ ରିସର୍ଚ୍ଚ ଅନୁଯାୟୀ, ଭାରତ ୨୦୨୭ ସୁଦ୍ଧା ଆମେରିକାକୁ ପଛରେ ପକାଇ ବିଶ୍ୱର ସର୍ବବୃହତ ୫ଜି ଏଫଡ଼ବ୍ଲୁଏ ବଜାର ହୋଇପାରିବ। “ଜିଓ ଏୟାରଫାଇବରର ଦ୍ରୁତ ବଢ଼ୁଥିବା ଲୋକପ୍ରିୟତା ଏବଂ ଗ୍ରାହକଙ୍କ ପରିବର୍ତ୍ତନଶୀଳ ବିଷୟବସ୍ତୁ ବ୍ୟବହାର ଅଭ୍ୟାସ ଘରୋଇ ବ୍ରଡବ୍ୟାଣ୍ଡ ବଜାରରେ ଏକ ବିଶାଳ ଅଭିବୃଦ୍ଧି ଆଣିବ ବୋଲି ଆଶା କରାଯାଉଥିବା ସିଏଲଏସଏ ଏହାର ରିପୋର୍ଟରେ କହିଛି। ସିଏଲଏସଏ ଆକଳନ କରିଛି ଯେ ଘରୋଇ ଯୋଗାଯୋଗ ସଂଯୋଗ ଏବଂ ବଣ୍ଡଲ୍ଡ଼ କଣ୍ଟେଣ୍ଟରୁ ବାର୍ଷିକ ୧୧ ରୁ ୧୫ ବିଲିୟନ ଡଲାର ରାଜସ୍ୱ ମିଳିପାରିବ।
ଜିଓର ଆକ୍ରମଣାତ୍ମକ ରଣନୀତି ଏବଂ ବ୍ୟାପକ ୫ଜି ନେଟୱାର୍କ ବିସ୍ତାର ଏହାକୁ ଭାରତର ଡିଜିଟାଲ୍ ଦୃଶ୍ୟପଟରେ ଆହୁରି ମଜଭୁତ ଶକ୍ତି ଭାବରେ ପ୍ରସ୍ତୁତ କରୁଛି ଏବଂ ବର୍ତ୍ତମାନ ସମୟରେ ଜିଓ ଭାରତରେ ଘରୋଇ ବା ହୋମ ବ୍ରଡବ୍ୟାଣ୍ଡ କ୍ଷେତ୍ରରେ ଏକ ସ୍ପଷ୍ଟ ଅଗ୍ରଣୀ ସ୍ଥାନ ନେଇସାରିଛି।