ନୂଆଦିଲ୍ଲୀ: ରବିବାର ରାତିରେ ପାକିସ୍ତାନର କ୍ୱେଟାରେ ଇସଲାମ ପଣ୍ଡିତ ତଥା ଜମିୟତ ଉଲେମା-ଏ-ଇସଲାମ ନେତା ମୁଫତି ଅବଦୁଲ ବାକି ନୁରଜଇଙ୍କୁ ଆକ୍ରମଣ କରାଯାଇଛି। କିଛି ଅଜ୍ଞାତ ଆକ୍ରମଣକାରୀ କ୍ୱେଟା ବିମାନବନ୍ଦରରେ ତାଙ୍କ ଉପରକୁ ଗୁଳି ଚଳାଇଥିଲେ, ପରେ ତାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନା ନିଆଯାଇଥିଲା। କ୍ୱେଟା ବିମାନବନ୍ଦରରେ ହୋଇଥିବା ଆକ୍ରମଣରେ ମୁଫତି ଅବଦୁଲ ବାକି ନୁରଜଇଙ୍କ ମୃତ୍ୟୁ ଘଟିଥିବା କୁହାଯାଉଛି।
ବର୍ତ୍ତମାନ ପର୍ଯ୍ୟନ୍ତ ଏହି ଘଟଣା ସମ୍ପର୍କରେ ପୋଲିସ ପକ୍ଷରୁ କୌଣସି ସରକାରୀ ବିବୃତ୍ତି ଆସିନାହିଁ। ସେଠାରେ ଏକ ଟିଭି ଚ୍ୟାନେଲ କହିଛି ଯେ, ରବିବାର ବିଳମ୍ବିତ ରାତିରେ କ୍ୱେଟାର ବିମାନବନ୍ଦର ରୋଡରେ ମୁଫତି ଅବଦୁଲ ବାକିଙ୍କୁ ଆକ୍ରମଣ କରାଯାଇଥିଲା। ଅଜ୍ଞାତ ଆକ୍ରମଣକାରୀମାନେ ତାଙ୍କ ଉପରକୁ ଗୁଳି ଚଳାଇ ପଳାଇ ଯାଇଥିଲେ, ପରେ ତାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନା ନିଆଯାଇଥିଲା।
ମୁଫତି ଅବଦୁଲ ବାକିଙ୍କ ପୂର୍ବରୁ ଭାରତର ମୋଷ୍ଟ ବାଣ୍ଟେଡ଼ ହାଫିଜ ସଇଦଙ୍କ ଡାହାଣ ହାତ ଥିବା ଅବୁ କତାଲଙ୍କୁ ହତ୍ୟା କରାଯାଇଥିଲା। ପଞ୍ଜାବର ଜେଲମ୍ ଜିଲ୍ଲାରେ ଅଜଣା ଆକ୍ରମଣକାରୀଙ୍କ ଦ୍ୱାରା ତାଙ୍କୁ ହତ୍ୟା କରାଯାଇଥିଲା। ଅବୁ କତାଲ ଲଶ୍କର-ଇ-ତୋଇବାର ଏକ ଗୁରୁତ୍ୱପୂର୍ଣ୍ଣ ସଦସ୍ୟ ଭାବରେ ବିବେଚନା କରାଯାଉଥିଲା। ହାଫିଜ ତାଙ୍କୁ ଲଶ୍କର ଅପରେସନ୍ କମାଣ୍ଡର କରିଥିଲେ। ଆତଙ୍କବାଦୀ ନିଯୁକ୍ତି ଏବଂ ସୀମାରେ ଅନୁପ୍ରବେଶ କରିବାର ତାଙ୍କର ଦାୟିତ୍ଵ ଥିଲା।
ରାଜୌରୀ ଏବଂ ରିୟାସି ବସ୍ ଆକ୍ରମଣର ମାଷ୍ଟରମାଇଣ୍ଡ ଥିଲେ କି?:
ରାଜୌରୀ ଏବଂ ରିୟାସି ବସ୍ ଆକ୍ରମଣର ମାଷ୍ଟରମାଇଣ୍ଡ ଥିଲା ଅବୁ କତାଲ। ରାଜୌରୀ ଆକ୍ରମଣରେ ଏନଆଇ ତାଙ୍କ ବିରୋଧରେ ଏକ ଚାର୍ଜସିଟ୍ ଦାଖଲ କରିଥିଲା। ସେ ଦୀର୍ଘ ଦିନ ଧରି ଭାରତୀୟ ସୁରକ୍ଷା ଏଜେନ୍ସିର ଟାର୍ଗେଟରେ ଥିଲା। ରାଜୌରୀ ଆକ୍ରମଣରେ ୭ ଜଣଙ୍କର ମୃତ୍ୟୁ ହୋଇଥିବାବେଳେ ୧୩ ଜଣ ଗୁରୁତର ଆହତ ହୋଇଥିଲେ। ରିୟାସିରେ ତୀର୍ଥଯାତ୍ରୀ ଭରପୂର ବସ୍ ଉପରେ ହୋଇଥିବା ଆକ୍ରମଣ ପଛରେ ଅବୁ କତାଲ ମାଷ୍ଟରମାଇଣ୍ଡ ଥିଲା। ଏହି ଆକ୍ରମଣରେ ୯ ଜଣଙ୍କର ମୃତ୍ୟୁ ହୋଇଥିବାବେଳେ ୩୦-୩୫ ଜଣ ଆହତ ହୋଇଥିଲେ।