କୋଲକାତାରେ ଏକ ଦୁର୍ଘଟଣାରେ ୫ ଜଣ ଓଡିଆ ପ୍ରାଣ ହରାଇଛନ୍ତି। କୋଲକାତା ହାୱଡାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୫ ଜଣ ଓଡ଼ିଆ ଯୁବକ ପ୍ରାଣ ହରାଇଥିବା ଜଣାପଡ଼ିଛି। ଏହା ସହିତ ଅନ୍ୟ ୩ ଜଣ ଗୁରୁତର ଯୁବକଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ସୂଚନା ମୁତାବକ ସମସ୍ତ ମୃତକ ଯାଜପୁର ଏବଂ ଭଦ୍ରକ ଜିଲ୍ଲାର ଅଟନ୍ତି। ଭଦ୍ରକ ଓ ଯାଜପୁର ଜିଲ୍ଲାରୁ ୮ ଜଣ ଯୁବକ ହାୱଡ଼ାରୁ ବାହାଘର ଭୋଜି ଖାଇ ଫେରୁଥିବାବେଳେ ହାୱଡା ନିକଟସ୍ଥ ଶଙ୍କରାଇଠାରେ ସେମାନଙ୍କ ଗାଡ଼ି ଦୁର୍ଘଟଣା ଗ୍ରସ୍ତ ହୋଇଥିଲା। ପ୍ରାଥମିକ ଭାବରେ ୪ ଜଣଙ୍କର ମୃତ୍ୟୁ ଘଟିଥିବା ବେଳେ ଚିକିତ୍ସାଧୀନ ଅବସ୍ଥାରେ ଜଣଙ୍କର ମୃତ୍ୟୁ ଘଟିଛି।
