ଆଜି ଦିଲ୍ଲୀ ଏବଂ ହାଇଦ୍ରାବାଦ ମଧ୍ୟରେ ପ୍ରଥମ ମ୍ୟାଚ, ଜାଣନ୍ତୁ ପିଚ୍ ରିପୋର୍ଟ ଏବଂ ସମ୍ଭାବ୍ୟ ଖେଳାଳି

Published: Mar 30, 2025, 11:37 am IST

ନୂଆଦିଲ୍ଲୀ: ଆଜି IPL ର ୨ ଟି ମ୍ୟାଚ୍ ଖେଳାଯିବ। ପ୍ରଥମ ମ୍ୟାଚ୍ ରେ ସନରାଇଜର୍ସ ହାଇଦ୍ରାବାଦ ସହ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ମୁକାବିଲା ହେବ। ବିଶାଖପାଟନମରେ ଉଭୟ ଦଳ ମୁହାଁମୁହିଁ ହେବେ। ଏହି ମ୍ୟାଚ୍ ଅପରାହ୍ନ ୩.୩୦ ରେ ଆରମ୍ଭ ହେବ। ଲକ୍ଷ୍ନୌ ସୁପର ଜଏଣ୍ଟସକୁ ପରାସ୍ତ କରି ଦିଲ୍ଲୀ କ୍ୟାପିଟାଲ୍ ଟୁର୍ଣ୍ଣାମେଣ୍ଟର ଅଭିଯାନ ଆରମ୍ଭ କରିଥିଲା।

ସନରାଇଜର୍ସ ହାଇଦ୍ରାବାଦ ରାଜସ୍ଥାନ ରୟାଲ୍ସକୁ ପରାସ୍ତ କରିଥିବାବେଳେ ଦ୍ୱିତୀୟ ମ୍ୟାଚରେ ପ୍ୟାଟ୍ କମିନ୍ସଙ୍କ ଅଧିନାୟକତ୍ୱରେ ସନରାଇଜର୍ସ ହାଇଦ୍ରାବାଦକୁ ଲକ୍ଷ୍ନୌ ସୁପର ଜିଆଣ୍ଟସ୍ ପରାସ୍ତ କରିଛି।

ବର୍ତ୍ତମାନ ଦିଲ୍ଲୀ କ୍ୟାପିଟାଲ୍ସ ଏବଂ ସନରାଇଜର୍ସ ହାଇଦ୍ରାବାଦର ସମାନ ୨-୨ ପଏଣ୍ଟ ରହିଛି, କିନ୍ତୁ ଭଲ ନେଟ ରନ୍ ଆଧାରରେ ଦିଲ୍ଲୀ କ୍ୟାପିଟାଲ୍ସ ପଞ୍ଚମ ସ୍ଥାନରେ ଥିବାବେଳେ ସନରାଇଜର୍ସ ହାଇଦ୍ରାବାଦ ଷଷ୍ଠ ସ୍ଥାନରେ ରହିଛି।

ଜାଣନ୍ତୁ ପିଚ୍‌ର ସ୍ଥିତି:

ବାସ୍ତବରେ ହାଇଦ୍ରାବାଦର ପିଚ୍ ଏକ ସନ୍ତୁଳନ ପିଚ୍ ଭାବରେ ଜଣାଶୁଣା। ଏହି ପିଚରେ ବ୍ୟାଟ୍ସମ୍ୟାନ୍ ଏବଂ ବୋଲରଙ୍କ ପାଇଁ ସମାନ ସୁଯୋଗ ଅଛି। ତେବେ ଏହି ପିଚ୍‌ର ରେକର୍ଡ ଦର୍ଶାଏ ଯେ ବ୍ୟାଟିଂ କିଛି ମାତ୍ରାରେ ସହଜ ହୋଇଛି। ପ୍ରଥମ ଇନିଂସରେ ହାରାହାରି ସ୍କୋର ହେଉଛି ୧୬୭ ରନ୍। କିନ୍ତୁ ଏହା ବ୍ୟତୀତ ଦ୍ରୁତ ବୋଲରମାନେ ପିଚରୁ ଉପକୃତ ହୁଅନ୍ତି। ଏହି ପିଚରେ ଦ୍ରୁତ ବୋଲରଙ୍କ ପାଇଁ ପ୍ରାରମ୍ଭିକ ଓଭରରେ ଖେଳିବା କଷ୍ଟକର।

ଦିଲ୍ଲୀ କ୍ୟାପିଟାଲ୍ସର ସମ୍ଭାବ୍ୟ ଖେଳାଳି ଏକାଦଶ:

ଜେକେ ଫ୍ରେଜର-ମ୍ୟାକଗର୍କ, ଫାଫ ଡୁ ପ୍ଲେସିସ୍, ଅଭିଷେକ ପୋରେଲ (ୱିକେଟ୍ କିପର), କେ.ଏଲ୍ ରାହୁଲ, ଅକ୍ସର ପଟେଲ (ଅଧିନାୟକ), ଟ୍ରିଷ୍ଟନ ଷ୍ଟବ୍ସ, ବିପରାଜ ନିଗମ, ମିଚେଲ ଷ୍ଟାର୍କ, କୁଲଦୀପ ଯାଦବ, ମୋହିତ ଶର୍ମା ଏବଂ ମୁକେଶ କୁମାର।

ଇମ୍ପାକ୍ଟ ପ୍ଲେୟାର- ଆଶୁତୋଷ ଶର୍ମା

ସନରାଇଜର୍ସ ହାଇଦ୍ରାବାଦର ସମ୍ଭାବ୍ୟ ଖେଳାଳି ଏକାଦଶ:

ଅଭିଷେକ ଶର୍ମା, ଟ୍ରାଭିସ୍ ହେଡ୍, ଇଶାନ୍ କିଶାନ୍, ନୀତୀଶ କୁମାର ରେଡ୍ଡୀ, ହେନ୍ରିକ କ୍ଲାସେନ୍ (ୱିକେଟ୍ କିପର), ଅନିକେତ ବର୍ମା, ପ୍ୟାଟ୍ କମିନ୍ସ (ଅଧିନାୟକ), ସିମରଜିତ୍ ସିଂ, ରାହୁଲ ଚହର, ମହମ୍ମଦ ଶାମି ଏବଂ ଆଦାମ ଜାମ୍ପା।

ଇମ୍ପାକ୍ଟ ପ୍ଲେୟାର-

ସଚିନ୍ ବେବି / ଅଭିନାଭ ମନୋହର।

Related posts