ନୂଆପଡା: ଦୀର୍ଘ ବାର ବର୍ଷ ବ୍ୟବଧାନ ପରେ ନୂଆପଡା ଜିଲ୍ଲାରେ ମାରାଗୁଡା ଲୋକ ମହୋତ୍ସବ ଉପଲକ୍ଷେ ପଲ୍ଲୀଶ୍ରୀ ମେଳା ସ୍ଥାନୀୟ ମିନି ଷ୍ଟାଡିୟମ୍ ପଡ଼ିଆରେ ସନ୍ଧ୍ୟାରୁ ଦର୍ଶକଙ୍କ ଗହଳି ଚହଳି ଲାଗି ରହୁଛି। ପଲ୍ଲୀଶ୍ରୀ ମେଳା ଯୋଗୁଁ ଗୃହ ସାଜସଜ୍ଜା ସାମଗ୍ରୀ ସହ ରାଜ୍ୟ ସ୍ତରୀୟ ପଲ୍ଲୀଶ୍ରୀ ମେଳା ମହିଳା ଗୋଷ୍ଠୀଙ୍କ ଉତ୍ପାଦିତ ଦ୍ରବ୍ୟ ବିକ୍ରି ବଜାର ସୁଯୋଗ ସୃଷ୍ଟି ହୋଇଅଛି। ପ୍ରଥମ ସନ୍ଧ୍ୟାରେ ଏହାକୁ ଜିଲ୍ଲା ପରିଷଦ ଅଧ୍ୟକ୍ଷା ଡଲି ମାଝୀ ଉଦ୍ଘାଟନ କରିଥିଲେ।
ଜିଲ୍ଲାପାଳ ମଧୁସୂଦନ ଦାଶ, ପୂର୍ବତନ ସାଂସଦ ବସନ୍ତ ପଣ୍ଡା ଏବଂ ଅନ୍ୟାନ୍ୟ ଅତିଥି ମାନଙ୍କ ଉପସ୍ଥିତି ଜାହିର କରିଥିଲେ। ନୁଆପଡାରେ ପ୍ରଥମ ଥର ପାଇଁ ଲାଗିଛି ପୁସ୍ତକ ମେଳା। ମୋଟ ୧୬୦ ଗୋଟି ଷ୍ଟଲ୍ ରେ ମେଳା ଲାଗିଛି। ଜିଲ୍ଲାବାସୀ ଏହି ସୁଯୋଗକୁ ହାତଛଡ଼ା ନକରି ମନଖୁସିରେ ପଲ୍ଲୀଶ୍ରୀ ମେଳାରୁ ନିତ୍ୟ ବ୍ୟବହାର୍ଯ୍ୟ ଜିନିଷ ସହିତ ସମ୍ବଲପୁରୀ ବସ୍ତ୍ର, ଶାଢୀ, ଲୁଗାପଟା, ଖାଦ୍ୟ ପଦାର୍ଥ କିଣାବିକା କରୁଛନ୍ତି। ବିଭିନ୍ନ ସୁସ୍ଵାଦୁ ବ୍ୟଞ୍ଜନରେ ଭିଡ ଲାଗି ରହୁଛି।
ଜିଲ୍ଲା ତଥା ଜିଲ୍ଲା ବାହାରୁ ବିଭିନ୍ନ ସ୍ବୟଂ ସହାୟକ ଗୋଷ୍ଠୀ ସେମାନଙ୍କ ଉତ୍ପାଦିତ ହସ୍ତଶିଳ୍ପ, ହସ୍ତତନ୍ତ ଏବଂ ଅନେକ ଉତ୍ପାଦ ର ବିପଣି ନେଇ ଆସିଛନ୍ତି। ପଲ୍ଲୀଶ୍ରୀ ମେଳାରେ ଉଦ୍ଘାଟନର ପ୍ରଥମ ସନ୍ଧ୍ୟାରେ ୯,୩୨,୭୦୦, ବ୍ୟବସାୟ ହୋଇଥିବା ଜଣାପଡିଛି।