ନୂଆଦିଲ୍ଲୀ: ରାଜ୍ୟସଭା ଓ ଲୋକସଭାରେ ୱାକଫ ସଂଶୋଧନ ବିଲ୍ ପାରିତ ହେବା ପରେ ଜେଡିୟୁରେ ବିରୋଧର ସ୍ୱର ବୃଦ୍ଧି ପାଇଛି। ଅନେକ ମୁସଲମାନ ନେତା ଦଳରୁ ଇସ୍ତଫା ଦେଇଛନ୍ତି। ୱାକଫ ବିଲ ଉପରେ ଦଳର ଆଭିମୁଖ୍ୟକୁ ଅନେକ ଜେଡିୟୁ ନେତା ସମାଲୋଚନା କରିଛନ୍ତି। ଏହି ପରିପ୍ରେକ୍ଷୀରେ ପାର୍ଟି ଏମଏଲସି ଖାଲିଦ ଅନୱାରଙ୍କ ପ୍ରତିକ୍ରିୟା ଆସିଛି। ସେ କହିଛନ୍ତି ଯେ, ମୁସଲମାନ ସମ୍ପ୍ରଦାୟ ଭୟଭୀତ ଅଛନ୍ତି। ଭୟରେ ଅଛନ୍ତି, ବିଶ୍ୱାସ ଭାଙ୍ଗିଯାଇଛି।
ସେ କହିଛନ୍ତି ଯେ, ୱାକଫ ବିଲ୍ କେଉଁ ଉଦ୍ଦେଶ୍ୟରେ ଅଣାଯାଇଥିଲା ସେ ସମ୍ବନ୍ଧରେ କେନ୍ଦ୍ର ସରକାର କହିଥିବା କଥାକୁ ଲୋକମାନେ ବିଶ୍ୱାସ କରିବାକୁ ପ୍ରସ୍ତୁତ ନୁହଁନ୍ତି। ମୁସଲମାନ ସମ୍ପ୍ରଦାୟର ଭୟ ଦୂର କରିବା ଆମର ତଥା କେନ୍ଦ୍ର ସରକାରଙ୍କ ଦାୟିତ୍ଵ ଅଟେ। ଆମ ଦଳ କେନ୍ଦ୍ରର ଏହି ବିଲକୁ ସମର୍ଥନ କରିଛି। କାରଣ ଆମେ ଏକ ସହଯୋଗୀ ଦଳ, ସରକାର ଆମର, କିନ୍ତୁ ହିତାଧିକାରୀମାନେ ସନ୍ତୁଷ୍ଟ ନୁହଁନ୍ତି।
ଖାଲିଦ ଅନୱାର କହିଛନ୍ତି ଯେ, ସମାଜର ଗୋଟିଏ ବର୍ଗକୁ ଅସନ୍ତୁଷ୍ଟ କରିବା ଏବଂ ସମାଜରେ ଘୃଣାଭାବ ସୃଷ୍ଟି କରିବା ପାଇଁ ସରକାର ଚାହିଁବା ଉଚିତ ନୁହେଁ। ସହଯୋଗୀମାନଙ୍କୁ ସନ୍ତୁଷ୍ଟ କରିବାକୁ କେନ୍ଦ୍ର ସରକାର ଚେଷ୍ଟା କରିବା ଉଚିତ୍। ଏହି ସମୟରେ ସେ କହିଥିଲେ ଯେ, ଜେଡିୟୁ ଏକ ଧର୍ମନିରପେକ୍ଷ ଦଳ ଏବଂ ନୀତୀଶ କୁମାର ଜଣେ ଧର୍ମନିରପେକ୍ଷ ନେତା।
ମୁସଲମାନ ନେତାଙ୍କ ଇସ୍ତଫା ସମ୍ପର୍କରେ ସେ କହିଛନ୍ତି ଯେ, ସେମାନେ ଏହି ବିଲ୍ ଉପରେ ଅସନ୍ତୁଷ୍ଟ ଅଛନ୍ତି। ଏହି ନେତାଙ୍କ କ୍ରୋଧ ଜେଡିୟୁ କିମ୍ବା ନୀତୀଶ କୁମାରଙ୍କ ସହ ନୁହେଁ ବରଂ ବିଲ ସହିତ। ଯଦି ଏହା ମୁସଲମାନ ସମ୍ପ୍ରଦାୟ ପାଇଁ ଏକ ବିଲ୍ ତେବେ ସେମାନଙ୍କ ପାଇଁ ନ୍ୟାୟ ରହିବା ଉଚିତ୍। ୱାକଫରେ ବହୁତ ଉନ୍ନତି ହେବା ଉଚିତ୍, ପାସ୍ ହୋଇଥିବା ବିଲ୍ ଏକ କଠୋର ପଦକ୍ଷେପ।