ଓଡିଶାରେ ସୃଷ୍ଟି ହେବ ୧୨,୦୦୦ ନୂଆ ପୋଲିସ ପଦବୀ ସହିତ ୨୦୦୦ ଟ୍ରାଫିକ ପୋଲିସ, ଖୁବ ଶିଘ୍ର ନିଯୁକ୍ତି

ଭୁବନେଶ୍ବର: ଗତକାଲି ଦିଲ୍ଲୀରେ ମୁଖ୍ୟମନ୍ତ୍ରୀ ମହାନ ଚରଣ ମାଝୀ ଗୃହମନ୍ତ୍ରୀ ଶ୍ରୀ ଅମିତ ଶାହଙ୍କୁ ଭେଟି ରାଜ୍ୟର ଆଇନ ଶୃଙ୍ଖଳା ପରିସ୍ଥିତି ଏବଂ ସୁରକ୍ଷା ବ୍ୟବସ୍ଥା ସୁଦୃଢ଼ କରିବା ବିଷୟରେ ବିସ୍ତୃତ ଆଲୋଚନା କରିଛନ୍ତି।

ଏହି ବୈଠକରେ ମୁଖ୍ୟ ଭାବେ ନୂଆ ଅପରାଧୀକ ଆଇନ ରୂପାୟଣ, ସାଇବର ଅପରାଧ ଦମନ, ନକ୍ସଲ ସମସ୍ୟା ନିରାକରଣ ଏବଂ ଓଡିଶାକୁ ଶାନ୍ତିପୂର୍ଣ୍ଣ ଏବଂ ନିରାପଦ ରାଜ୍ୟ ଭାବେ ଗଢ଼ି ତୋଳିବା ଉପରେ ଜୋର ଦିଆଯାଇଛି। ସେହି ବୈଠକରେ ଯେଉଁ ବିଷୟରେ ଆଲୋଚନା ହୋଇଛି ତାହା ହେଲା..

• ଓଡିଶାରେ ଆଗାମୀ ଦିନରେ ୧୨,୦୦୦ ନୂଆ ପୋଲିସ ନିଯୁକ୍ତି।

• ୨୦ଟି ସାଇବର ପୋଲିସ ଷ୍ଟେସନ ଖୋଲାଯିବ।

• ପ୍ରତ୍ୟେକ ପୋଲିସ ଷ୍ଟେସନରେ କ୍ରାଇମ ସିନ ଅଫିସର ନିଯୁକ୍ତ।

• ସବୁ ସବ୍-ଡିଭିଜନରେ ଫରେନ୍ସିକ ଭେହିକଲ ରଖାଯିବ।

• ଓଡିଶା ସାଇବର କ୍ରାଇମ କମାଣ୍ଡ ସେଣ୍ଟର ସ୍ଥାପନ ହେବ।

• ନକ୍ସଲ ଦମନ ପାଇଁ ମାଇକ୍ରୋ ପ୍ଲାନିଂ ଏବଂ ଆକ୍ସନ ପ୍ଲାନ ପ୍ରସ୍ତୁତ।

• ଏହାସହିତ ୨୦୦୦ ଟ୍ରାଫିକ ପୋଲିସ ନିଯୁକ୍ତି ପାଇଁ ପଦକ୍ଷେପ।

• Ex-Servicemen ମାନଙ୍କୁ ନେଇ ୩ଟି ସ୍ବତନ୍ତ୍ର ଷ୍ଟ୍ରାଇକିଂ ଫୋର୍ସ ଗଠନ।

• ଓଡିଶା ଇଣ୍ଡଷ୍ଟ୍ରିଆଲ ସିକ୍ୟୁରିଟି ଫୋର୍ସ (OISF) ଗଠନ ପ୍ରସ୍ତାବ।

ଗୃହମନ୍ତ୍ରୀ ଅମିତ ଶାହ ଓଡ଼ିଶାର ଆଇନ-ଶୃଙ୍ଖଳା ପରିସ୍ଥିତି ଓ ରାଜ୍ୟ ସରକାରଙ୍କ ଉଦ୍ୟମକୁ ସ୍ଵୀକୃତି ଦେଇଛନ୍ତି ଏବଂ କେନ୍ଦ୍ର ସହଯୋଗ ଆଶ୍ୱାସନ ଦେଇଛନ୍ତି।