ଭୁବନେଶ୍ୱର: ରେଳ, ସୂଚନା ଓ ପ୍ରସାରଣ ଏବଂ ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରୀ ଅଶ୍ୱିନୀ ବୈଷ୍ଣବ ଶୁକ୍ରବାର ସନ୍ଧ୍ୟାରେ ପୁରୀ ରେଳ ଷ୍ଟେସନରେ ଚାଲୁରହିଥିବା ପୁନର୍ବିକାଶ କାର୍ଯ୍ୟର କରିଛନ୍ତି। ଅମୃତ ଷ୍ଟେସନ ଯୋଜନା ଅଧୀନରେ ସମଗ୍ର ଓଡ଼ିଶାରେ ପ୍ରମୁଖ ରେଳ ଭିତ୍ତିଭୂମିକୁ ଆଧୁନିକୀକରଣ କରିବା ପାଇଁ ଭାରତୀୟ ରେଳର ପ୍ରତିବଦ୍ଧତାର ଏକ ଅଂଶ ଭାବେ ପୁରୀ ରେଳ ଷ୍ଟେସନର ପୁନର୍ବିକାଶର କାର୍ଯ୍ୟ ଅନ୍ତର୍ଭୁକ୍ତ।
ନିରୀକ୍ଷଣ ସମୟରେ ଶ୍ରୀ ବୈଷ୍ଣବ ନିର୍ମାଣ କାର୍ଯ୍ୟର ଅଗ୍ରଗତି ବିଷୟରେ ବିସ୍ତୃତ ସମୀକ୍ଷା କଲେ ଏବଂ ସମୟସୀମା ମଧ୍ୟରେ ସମ୍ପୂର୍ଣ୍ଣ କରିବା ପାଇଁ ଓ ବାକି କାର୍ଯ୍ୟକୁ ତ୍ୱରାନ୍ୱିତ କରିବାକୁ ଅଧିକାରୀମାନଙ୍କୁ ନିର୍ଦେଶ ଦେଇଛନ୍ତି। ଅମୃତ ଷ୍ଟେସନ ପ୍ରକଳ୍ପ ଗୁଡିକର କାର୍ଯ୍ୟ ଗୁଡିକ ଅଗ୍ରଗତି କରୁଛି ବୋଲି ରେଳମନ୍ତ୍ରୀ କହିଛନ୍ତି। ପୁରୀ କୋଣାର୍କ ରେଳମାର୍ଗ ପାଇଁ ଜମି ଅଧିଗ୍ରହଣ କାର୍ଯ୍ୟ ଅଗ୍ରଗତିରେ ଚାଲୁରହିଛି ବୋଲି ଶ୍ରୀ ବୈଷ୍ଣବ କହିଛନ୍ତି।
ରେଳମନ୍ତ୍ରୀ ଗୁରୁତ୍ୱାରୋପ କରିଛନ୍ତି ଯେ ପୁନର୍ବିକାଶ ହେବା ପରେ ପୁରୀ ରେଳ ଷ୍ଟେସନ ଐତିହ୍ୟ ସୌନ୍ଦର୍ଯ୍ୟ ଏବଂ ଆଧୁନିକ ଯାତ୍ରୀ ସୁବିଧାର ମିଶ୍ରଣ ସହିତ ଏକ ବିଶ୍ୱସ୍ତରୀୟ ସୁବିଧା ଭାବରେ ଦଣ୍ଡାୟମାନ ହେବ। ଷ୍ଟେସନର ପୁନର୍ବିକାଶ 2021-22 ଆର୍ଥିକ ବର୍ଷରେ ମଞ୍ଜୁର ହୋଇଥିବା ବେଳେ ସମନ୍ୱିତ ଷ୍ଟେସନ ପୁନଃବିକାଶ ଯୋଜନା ଅଧୀନରେକାର୍ଯ୍ୟ କରାଯାଉଅଛି ଯାହାର ପ୍ରକଳ୍ପ ମୂଲ୍ୟ ₹177.41 କୋଟି।
ଅମୃତ ଷ୍ଟେସନ ଯୋଜନା ମାନନୀୟ ପ୍ରଧାନମନ୍ତ୍ରୀଙ୍କ ଏକ ପରିକଳ୍ପନା ଯେଉଁଥିରେ ଐତିହ୍ୟ, ସଂସ୍କୃତି ଓ ବିକାଶ ସ୍ଥାନପାଇଛି। ପୁରୀ ଷ୍ଟେସନ ବିକାଶ କ୍ଷେତ୍ରରେ ମଧ୍ୟ ଏଠିକାର ଐତିହ୍ୟ, ସଂସ୍କୃତି ସ୍ଥାନ ପାଇବ “ବିରାସତ ଭି ବିକାଶ ଭି”।
ପୂର୍ବ ତଟ ରେଳପଥର ମହାପ୍ରବନ୍ଧକ ପରମେଶ୍ୱର ଫୁଙ୍କୱାଲ ଏବଂ ଖୋର୍ଦ୍ଧା ରୋଡର ମଣ୍ଡଳ ରେଳବାଇ ପ୍ରବନ୍ଧକ ଏଚ୍.ଏସ୍. ବାଜୱାଙ୍କ ସମେତ ବରିଷ୍ଠ ରେଳ ଅଧିକାରୀମାନେ ଏହି ନିରୀକ୍ଷଣରେ ଯୋଗ ଦେଇଥିଲେ।
ପୁନଃବିକଶିତ ପୁରୀ ଷ୍ଟେସନର ପ୍ରମୁଖ ଆକର୍ଷଣ:
* ସବୁଜ କୋଠା ଡିଜାଇନ୍ (ସ୍ୱର୍ଣ୍ଣ ମାନକ) ଯାହା ପ୍ରତି ଘଣ୍ଟା 250 କିଲୋମିଟର ବେଗ ପର୍ଯ୍ୟନ୍ତ ପବନ ବେଗ ସହ୍ୟ କରିପାରିବ।
* ଷ୍ଟେସନ ଭବନ ଏବଂ କନକୋର୍ସ କ୍ଷେତ୍ର: 24,185 ବର୍ଗ ମିଟର।
* ସର୍କୁଲେଟିଂ କ୍ଷେତ୍ର: 26,100 ବର୍ଗ ମିଟର।
* ପ୍ଲାଟଫର୍ମ କ୍ଷେତ୍ର (8 ପ୍ଲାଟଫର୍ମ): 21,600 ବର୍ଗ ମିଟର।
* ଗଠନ: ଭୂମି + 3 ମହଲା।
* ଯାତ୍ରୀ ସୁବିଧାଗୁଡ଼ିକ ମଧ୍ୟରେ ଅନ୍ତର୍ଭୁକ୍ତ:
– ସ୍ୱୟଂଚାଳିତ ଟିକେଟ୍ ଭେଣ୍ଡିଂ ମେସିନ୍
– ବ୍ୟାଗେଜ୍ ସ୍କାନର
– ପର୍ଯ୍ୟଟକ ସୂଚନା ଏବଂ ବୁକିଂ କେନ୍ଦ୍ର
– ଖାଦ୍ୟ କୋର୍ଟ, ଜନ ଆହାର ଏବଂ ଦୋକାନ
– କେନ୍ଦ୍ରୀୟ ସିସିଟିଭି ମନିଟରିଂ
– 4 ଏସ୍କାଲେଟର, 4 ଯାତ୍ରୀ ଲିଫ୍ଟ, ଏବଂ 1 ଷ୍ଟାଫ୍ ଲିଫ୍ଟ
– 23 ଅବସର କୋଠରୀ ଏବଂ 150 ଶଯ୍ୟା ବିଶିଷ୍ଟ ଛାତ୍ରାବାସ
– 60 ଶଯ୍ୟା ବିଶିଷ୍ଟ TTE ବିଶ୍ରାମ କୋଠରୀ
– ଦେୟଯୁକ୍ତ ଲାଉଞ୍ଜ, ମାଗଣା ଅପେକ୍ଷା ଲାଉଞ୍ଜ, ଶିଶୁ ଖାଦ୍ୟ ଖାଇବା କୋଠରୀ
– ଶିଶୁ ସହାୟତା ଡେସ୍କ ଏବଂ “ମେ ଆଇ ହେଲ୍ପ ୟୁ” ବୁଥ୍
* ଦିବ୍ୟାଙ୍ଗଜନ-ଅନୁକୂଳ ବୈଶିଷ୍ଟ୍ୟଗୁଡ଼ିକ:
– ପ୍ରତିବନ୍ଧକ-ମୁକ୍ତ ପ୍ରବେଶ/ପ୍ରସ୍ଥାନ ରାମ୍ପ
– ନିର୍ଦ୍ଦିଷ୍ଟ ପାର୍କିଂ
– ନ ଖସିବା ପଦପଥ
– ପ୍ରତ୍ୟେକ ପ୍ଲାଟଫର୍ମରେ ସ୍ୱତନ୍ତ୍ର ଭାବରେ ଡିଜାଇନ୍ କରାଯାଇଥିବା ଶୌଚାଳୟ ଏବଂ ପାନୀୟ ଜଳ ଟ୍ୟାପ୍
– ନାଭିଗେସନ୍ ପାଇଁ ଉଚ୍ଚ-ଦୃଶ୍ୟତା ସାଇନେଜ୍
ବର୍ତ୍ତମାନ ପର୍ଯ୍ୟନ୍ତ, ନିର୍ମାଣ କାର୍ଯ୍ୟର 60% ସମାପ୍ତ ହୋଇଛି, ଯାହା ଏକ ଆଧୁନିକ, ସୁଗମ ଏବଂ ଯାତ୍ରୀ-ଅନୁକୂଳ ପୁରୀ ରେଳ ଷ୍ଟେସନର ଦୃଷ୍ଟିକୋଣକୁ ବାସ୍ତବତାର ନିକଟତର କରୁଛି।