ସ୍ୱାସ୍ଥ୍ୟ ଟିପ୍ସ: ଆଜିକାଲି ଉଚ୍ଚ କୋଲେଷ୍ଟ୍ରଲ ଏକ ଗୁରୁତର ସମସ୍ୟା ପାଲଟିଛି, ଯାହା ହୃଦରୋଗର ଆଶଙ୍କା ବଢାଇପାରେ। କିନ୍ତୁ, ଆପଣ ଜାଣିଛନ୍ତି କି ରସୁଣ ଏହି ସମସ୍ୟାର ଏକ ପ୍ରଭାବଶାଳୀ ସମାଧାନ ହୋଇପାରେ? ରସୁଣ କେବଳ ମସଲା ନୁହେଁ, ସ୍ୱାସ୍ଥ୍ୟ ପାଇଁ ଅମୃତ ପରି। ଯଦି ସଠିକ୍ ଭାବରେ ଖାଆନ୍ତି, ଏହା କୋଲେଷ୍ଟ୍ରଲ୍ କୁ ହ୍ରାସ କରିବା ସହିତ ହୃଦୟକୁ ମଜବୁତ କରିଥାଏ। ଆସନ୍ତୁ ଜାଣିବା ରସୁଣର ଉପକାରିତା ଏବଂ ଏହାକୁ କିପରି ସଠିକ୍ ଭାବରେ ଖାଇବା…..
ରସୁଣ କିପରି ଉଚ୍ଚ କୋଲେଷ୍ଟ୍ରଲ ହ୍ରାସ କରେ?:
ରସୁଣରେ ଥିବା ଆଲିସିନ୍ ନାମକ ଯୌଗିକରେ ଆଣ୍ଟିଅକ୍ସିଡାଣ୍ଟ ଏବଂ ଆଣ୍ଟି-ଇନ୍ଫ୍ଲାମେଟୋରୀ ଗୁଣ ରହିଛି। ଏହା ଖରାପ କୋଲେଷ୍ଟ୍ରଲ (LDL) କୁ ହ୍ରାସ କରିଥାଏ ଏବଂ ଭଲ କୋଲେଷ୍ଟ୍ରଲ (HDL) ବୃଦ୍ଧି କରିବାରେ ସାହାଯ୍ୟ କରେ।
ରକ୍ତରେ ଥିବା କୋଲେଷ୍ଟ୍ରଲ ସ୍ତରକୁ ନିୟନ୍ତ୍ରଣ କରିଥାଏ।
ଧମନୀରେ ଜମା ହୋଇଥିବା ପ୍ଲେକ୍ ସଫା କରିବାରେ ସାହାଯ୍ୟ କରେ।
ରକ୍ତ ସଞ୍ଚାଳନରେ ଉନ୍ନତି ଆଣେ ଏବଂ ହୃଦଘାତର ଆଶଙ୍କା କମିଯାଏ।
ରସୁଣ ହୃଦୟକୁ ସୁସ୍ଥ ରଖିବାରେ କିପରି ସାହାଯ୍ୟ କରେ?:
ରକ୍ତଚାପକୁ ନିୟନ୍ତ୍ରଣ କରେ। ଧମନୀକୁ ସଫା ରଖେ ଏବଂ ରକ୍ତ ପ୍ରବାହକୁ ସୁଗମ କରିଥାଏ। ଜମାଟ ବାନ୍ଧିବାର ସମ୍ଭାବନାକୁ ହ୍ରାସ କରେ, ଯାହାଦ୍ୱାରା ଷ୍ଟ୍ରୋକର ଆଶଙ୍କା କମିଯାଏ।
ରସୁଣ ଖାଇବାର ସଠିକ୍ ଉପାୟ:
୧- ଖାଲି ପେଟରେ କଞ୍ଚା ରସୁଣ ଖାଆନ୍ତୁ
ସକାଳେ ଖାଲି ପେଟରେ ରସୁଣର ଏକ କିମ୍ବା ଦୁଇଟି ପାଖୁଡା ଚୋବାଇ ଖାଇଲେ ଏହାର ପୋଷାକ ତତ୍ତ୍ଵ ସିଧାସଳଖ ରକ୍ତରେ ମିଶ୍ରଣ ହୁଏ। ଏହା ହୃଦୟକୁ ମଜବୁତ କରେ ଏବଂ କୋଲେଷ୍ଟ୍ରଲକୁ ନିୟନ୍ତ୍ରଣରେ ରଖେ।
୨- ମହୁ ସହିତ ରସୁଣ:
ମହୁ ସହିତ ରସୁଣ ଖାଇବା ଦ୍ୱାରା ଏହା ଅଧିକ ପ୍ରଭାବଶାଳୀ ହୋଇଥାଏ। ଏହା ପ୍ରତିରକ୍ଷା ପ୍ରଣାଳୀକୁ ମଧ୍ୟ ମଜବୁତ କରିପାରିବ।
୩- ରସୁଣ ପାଣି ପିଅନ୍ତୁ:
ଏକ ଗ୍ଲାସ୍ ଉଷୁମ ପାଣିରେ ରସୁଣର ଏକ ପାଖୁଡା ମିଶାଇ ଏହାକୁ ପିଇବା ଦ୍ଵାରା ଶରୀରକୁ ଡିଟକ୍ସାଇଟ୍ କରିଥାଏ। ଏହା କୋଲେଷ୍ଟ୍ରଲ ଏବଂ ରକ୍ତଚାପକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ।
୪- ରସୁଣକୁ ଅଧିକ ରାନ୍ଧିବା ଠାରୁ ଦୂରେଇ ରୁହନ୍ତୁ
ରସୁଣକୁ ଅଧିକ ସମୟ ଧରି ରାନ୍ଧିବା ଦ୍ଵାରା ରସୁଣରେ ଥିବା ପୋଷାକ ତତ୍ତ୍ଵ ନଷ୍ଟ ହୋଇଯାଏ। ଏହାକୁ ହାଲୁକା ଭାଜନ୍ତୁ କିମ୍ବା ସାଲାଡରେ କଞ୍ଚା ମିଶାଇ ଖାଆନ୍ତୁ।
ଉଚ୍ଚ କୋଲେଷ୍ଟ୍ରଲ୍ର ସମସ୍ୟାକୁ ଏଡାଇବା ଏବଂ ହୃଦୟକୁ ସୁସ୍ଥ ରଖିବା ପାଇଁ ରସୁଣ ଖାଇବା ଅତ୍ୟନ୍ତ ଲାଭଦାୟକ ହୋଇପାରେ। କିନ୍ତୁ, ଏହାକୁ ସଠିକ୍ ଉପାୟରେ ଖାଇବା ଜରୁରୀ। ଯଦି ଆପଣ ଏହାକୁ ଆପଣଙ୍କର ଦୈନନ୍ଦିନ ଖାଦ୍ୟରେ ଅନ୍ତର୍ଭୁକ୍ତ କରନ୍ତି, ତେବେ ଆପଣଙ୍କର ହୃଦୟର ସ୍ୱାସ୍ଥ୍ୟ ଏବଂ କୋଲେଷ୍ଟ୍ରଲ ସ୍ତର ଉନ୍ନତ ହେବ।