ନୂଆଦିଲ୍ଲୀ: ପହଲଗାମ ଆତଙ୍କବାଦୀ ଆକ୍ରମଣରେ ପାକିସ୍ତାନର ପୂର୍ବତନ କ୍ରିକେଟର ଦାନିଶ କାନେରିଆ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ଯେ, ଆଜି ହିନ୍ଦୁମାନେ ବାଂଲାଦେଶ, ବଙ୍ଗଳା ଠାରୁ କାଶ୍ମୀର ପର୍ଯ୍ୟନ୍ତ ଟାର୍ଗେଟରେ ଅଛନ୍ତି।
ଦାନିଶ କାନେରିଆ X ରେ ଲେଖିଛନ୍ତି ଯେ, “ପହଲଗାମରେ ଆଉ ଏକ ବର୍ବରତା। ବାଂଲାଦେଶ ଠାରୁ ବଙ୍ଗଳା ଏବଂ କାଶ୍ମୀର ପର୍ଯ୍ୟନ୍ତ ସମାନ ମାନସିକତାର ଲୋକ ହିନ୍ଦୁମାନଙ୍କୁ ଟାର୍ଗେଟ କରୁଛନ୍ତି। କିନ୍ତୁ ଯେଉଁମାନେ ‘ଧର୍ମନିରପେକ୍ଷ’ ଏବଂ ନ୍ୟାୟପାଳିକାରେ ବିଶ୍ଵାସ କରନ୍ତି ସେମାନେ ଏହି କାପୁରୁଷ ଆକ୍ରମଣକାରୀଙ୍କୁ ‘ଦଳିତ ସଂଖ୍ୟାଲଘୁ’ ବୋଲି ଭାବନ୍ତି। ଏହି ଆକ୍ରମଣରେ ପରିବାର ମଧ୍ୟ କ୍ଷତିଗ୍ରସ୍ତ ହୋଇଛନ୍ତି।
ପହଲଗାମ, ଜାମ୍ମୁ କାଶ୍ମୀରରେ ହୋଇଥିବା ଆତଙ୍କବାଦୀ ଆକ୍ରମଣ ଉପରେ ପଡୋଶୀ ଦେଶ ପାକିସ୍ତାନ କହିଛି ଯେ, ଏହି ଆକ୍ରମଣରେ ତାଙ୍କର କୌଣସି ଭୂମିକା ନାହିଁ। ପାକିସ୍ତାନୀ ପ୍ରତିରକ୍ଷା ମନ୍ତ୍ରୀ ଖ୍ୱାଜା ଆସିଫ କହିଛନ୍ତି ଯେ, ଏହି ଆକ୍ରମଣ ସହିତ ଆମର କୌଣସି ସମ୍ପର୍କ ନାହିଁ। ଆମେ ସମସ୍ତ ପ୍ରକାର ଆତଙ୍କବାଦକୁ ପ୍ରତ୍ୟାଖ୍ୟାନ କରୁଛୁ। ପାକିସ୍ତାନୀ ଟିଭି ନ୍ୟୁଜ୍ ଚ୍ୟାନେଲକୁ ଏକ ବିବୃତ୍ତି ଦେବାବେଳେ ଖ୍ୱାଜା ଆସିଫ ଅଭିଯୋଗ କରିଛନ୍ତି ଯେ, ଏହି ଆକ୍ରମଣ ପଛରେ ଭାରତର ଲୋକ ଅଛନ୍ତି। ସେଠାକାର ଲୋକମାନେ ସରକାରଙ୍କ ବିରୁଦ୍ଧରେ ବିଦ୍ରୋହ କରିଛନ୍ତି।