ମୁମ୍ବାଇ: ଏପର୍ଯ୍ୟନ୍ତ ବଲିଉଡ ଅଭିନେତା ସିଦ୍ଧାନ୍ତ ଚତୁର୍ବେଦୀଙ୍କ ନାମ ଅମିତାଭ ବଚ୍ଚନଙ୍କ ନାତୁଣୀ ନଭ୍ୟା ନନ୍ଦ ନଭେଲିଙ୍କ ସହ ଯୋଡା ହେଉଥିଲା। କିନ୍ତୁ ଏବେ ଖବର ଆସିଛି ଯେ, ସିଦ୍ଧାନ୍ତ ମହାନ କ୍ରିକେଟର ସଚିନ ତେନ୍ଦୁଲକରଙ୍କ ଝିଅ ସାରା ତେନ୍ଦୁଲକରଙ୍କୁ ଡେଟ୍ କରୁଛନ୍ତି। ପୂର୍ବରୁ ସାରା ତେନ୍ଦୁଲକର ଶୁଭମନ ଗିଲଙ୍କ ସହ ସମ୍ପର୍କରେ ଥିବା ଖବର ଆସିଥିଲା।
ଫିଲ୍ମଫେୟାରର ଏକ ରିପୋର୍ଟ ଅନୁଯାୟୀ, ସିଦ୍ଧାନ୍ତ ଚତୁର୍ବେଦୀ ଏବଂ ସାରା ତେନ୍ଦୁଲକରଙ୍କୁ ଅନେକ ଥର ଏକାଠି ଦେଖାଯାଇଛି। ଏପରି ପରିସ୍ଥିତିରେ ସେମାନଙ୍କ ଡେଟିଂର ଖବର ଆସିବା ଆରମ୍ଭ ହୋଇଛି। ରିପୋର୍ଟରେ ଲେଖାଯାଇଛି ଯେ, ଉଭୟ ସମ୍ପ୍ରତି ଏକ ସମ୍ପର୍କରେ ଆସିଛନ୍ତି ଏବଂ ସେମାନେ ସେମାନଙ୍କ ସମ୍ପର୍କକୁ ଗୋପନ ରଖିବାକୁ ଚାହୁଁଛନ୍ତି।
ପ୍ରକାଶ ଯୋଗ୍ୟ ଯେ, ସାରା ତେନ୍ଦୁଲକରଙ୍କ ନାମ ପୂର୍ବରୁ କ୍ରିକେଟର ଶୁଭମନ ଗିଲଙ୍କ ସହ ଯୋଡା ଯାଇଛି। ତଥାପି, କ୍ରିକେଟର ଜଣକ କିଛି ସମୟ ପୂର୍ବରୁ ସ୍ପଷ୍ଟ କରିଛନ୍ତି ଯେ, ସେ କାହାକୁ ଡେଟ୍ କରୁନାହାଁନ୍ତି।
ସିଦ୍ଧାନ୍ତ ଚତୁର୍ବେଦୀ ରଣବୀର ସିଂହଙ୍କ ଫିଲ୍ମ ‘ଗଲି ବୟ’ରୁ ବହୁତ ପ୍ରସିଦ୍ଧି ହାସଲ କରିଥିଲେ। ଏହି ଅଭିନେତାଙ୍କୁ ଶେଷ ଥର ପାଇଁ ‘ଯୁଦ୍ଧ୍ରା’ ଫିଲ୍ମରେ ଦେଖିବାକୁ ମିଳିଥିଲା। ଏହି ଫିଲ୍ମରେ ତାଙ୍କ ସହିତ ମାଲବିକା ମୋହନନ ମଧ୍ୟ ନଜର ଆସିଥିଲେ। ଏହି ଫିଲ୍ମଟି ବକ୍ସ ଅଫିସରେ ଫ୍ଲପ୍ ହୋଇଥିଲା। ବର୍ତ୍ତମାନ ସିଦ୍ଧନ୍ତଙ୍କ ପାଖରେ ‘ଧଡକ ୨’ ଅଛି ଯେଉଁଥିରେ ତୃପ୍ତି ଡିମ୍ରି ତାଙ୍କୁ ରୋମାନ୍ସ କରୁଥିବା ନଜର ଆସିବେ। ଏହା ବ୍ୟତୀତ ସେ ‘ଦିଲ୍ କା ଦରୱାଜା ଖୋଲ୍ ନା ଡାର୍ଲିଂ’ରେ ମଧ୍ୟ ନଜର ଆସିବେ। ଏହି ଫିଲ୍ମରେ ତାଙ୍କ ସହିତ ଜୟା ବଚ୍ଚନ ଏବଂ ଭାମିକା ଗବ୍ବି ମଧ୍ୟ ରହିବେ। ତଥାପି, ଉଭୟ ଫିଲ୍ମର ମୁକ୍ତିଲାଭ ତାରିଖ ଏପର୍ଯ୍ୟନ୍ତ ପ୍ରକାଶ ପାଇନାହିଁ।