ବ୍ରହ୍ମପୁର (କୈଳାଶ ଚନ୍ଦର ଚୌଧୁରୀ): ମାଇଁକୁ ଆକ୍ରମଣ ମାମଲାରେ ଅଭିଯୁକ୍ତ ଭଣଜାଙ୍କୁ ପୋଲିସ୍ ଗିରଫ କରିଛି। ଗତ ଦୁଇଦିନ ପୁର୍ବେ ଘଟିଥିବା ଗୁଳିକାଣ୍ଡରେ ଗୁରୁତର ଆହତ ଭବାନୀ ରାଉତ ବ୍ରହ୍ମପୁର ବଡ଼ ଡ଼ାକ୍ତରଖାନା ଆଇସିୟୁ ରେ ଚିକିତ୍ସିତ ହେଉଥିବା ବେଳେ କୋଦଳା ପୋଲିସ ଛାନଭିନ୍ କରି ଶେଷରେ ଆକ୍ରମଣକାରୀ ସମ୍ପର୍କୀୟ ଭଣଜା ସୁରେଶ ପ୍ରଧାନକୁ ଗିରଫ କରିଛି। ଅଭିଯୁକ୍ତଜଣଙ୍କ ନିକଟସ୍ଥ ଛୁଞ୍ଚିପଡା ଜଙ୍ଗଲରେ ଲୁଚିରହିଥିବା ବେଳେ କାବୁ କରି ଥାନାରେ ରଖି ଜେରା କରାଯାଉଛି।
ସେ ଗୁଳି କରିଥିବା ବନ୍ଧୁକ କୁ ଗାଁ ଶେଷ କୁଅଁରେ ପକାଇ ଦେଇଛି ବୋଲି କହିବା ପରେ କୋଦଳା ପୋଲିସ, ପୁରୁଷୋତ୍ତମ ପୁର ଏସ୍ ଡି ପି ଓ ଦୀପକ ମିଶ୍ର ପ୍ରମୁଖ ଅଗ୍ନିଶମ ବିଭାଗ ସହାୟତାରେ ବନ୍ଧୁକ ଉଦ୍ଧାର ପାଇଁ ଚେଷ୍ଟା କରୁଛନ୍ତି। ଅଭିଯୁକ୍ତ ସୁରେଶକୁ ଘଟଣା ବିଷୟରେ ଜେରା କରିବା ପରେ କୋର୍ଟ ଚାଲାଣ କରାଯିବ ବୋଲି ଜଣାପଡିଛି।