ରଣପୁର: ରଣପୁର ବିଜ୍ଞାପିତ ଅଞ୍ଚଳ ପରିଷଦରେ ଅନ୍ୟାୟ ଓ ଦୃନୀତି ଅଭିଯୋଗ କରି କିଛି କାଉନସିଲର ଓ ଉପାଧ୍ୟକ୍ଷ ସମେତ ତାଙ୍କର କିଛି ସମର୍ଥକ କାର୍ଯ୍ୟାଳୟ ସମୁଖରେ ଧାରଣା ଦେଇଥିଲେ। ଧାରଣା ର କିଛି ସମୟ ପରେ ନିର୍ବାହୀ ଅଧିକାରୀ କର୍ମଚାରୀ ମାନଙ୍କ ସହ ଧାରଣା ସ୍ଥଳକୁ ଯାଇ ପଚାରି ବୁଝିବା ସହ ସେମାନଙ୍କୁ ବୁଝାସୁଝା କରିଥିଲେ।
ପରିଶେଷରେ ଜିଲ୍ଲା ପ୍ରଶାସନ ନିରପେକ୍ଷ ତଦନ୍ତ ପ୍ରତିଶୃତି ଦେବା ପରେ ଧାରଣା ପ୍ରତ୍ୟାହୃତ ହୋଇଥିବା ଜଣାପଡିଛି। ଆକୁ ନେଇ ରଣପୁର ଏନଏ ସି ଅଞ୍ଚଳରେ ଚର୍ଚ୍ଚା ବିଷୟ ପାଲଟିଛି। ଉଭୟ କାଉନସିଲର ଅଧ୍ୟକ୍ଷା ଓ ଉପାଧ୍ୟାକ୍ଷା ସମସ୍ତେ ବିଜୁ ଜନତା ଦଳର ଅଟନ୍ତି।
ଆନ୍ଦୋଳନ କାରୀ କାଉନସିଲର ମାନଙ୍କ ଅଭିଯୋଗ ଯେ, ରଣପୁର ଏନଏସି ପନ୍ଦର ଗୋଟି ୱାର୍ଡ କୁ ନେଇ ଗଠିତ ହୋଇଥିବା ବେଳେ ପନ୍ଦର ଜଣ କାଉନସିଲର ନିର୍ବାଚିତ ହୋଇଛନ୍ତି। କିନ୍ତୁ ଏନଏସି ଅଧ୍ୟକ୍ଷା ଓ ତାଙ୍କ ସ୍ୱାମୀ ଚକ୍ରାନ୍ତ କରି କାର୍ଯ୍ୟନିର୍ବାହୀ ଅଧିକାରୀଙ୍କୁ ପ୍ରଲୋଭିତ କରାଇ କାଉନସିଲରମାନଙ୍କୁ ଜାଣି ଶୁଣି ଅସହଯୋଗ କରିବା ସହିତ ବିନା ଟେଣ୍ଡରରେ କାର୍ଯ୍ୟ କରିବା ଜାଲ ଦସ୍ତଖତ କରାଇ ସଭା ବହି ପ୍ରସ୍ତୁତ କରିବା ସହ ବିଭିନ୍ନ ଉନ୍ନତି ମୂଳକ କାର୍ଯ୍ୟରେ ବ୍ୟାପକ ଦୁର୍ନୀତି କରି ଅନୁଦାନ ରାଶିକୁ ହଡପ କରୁଛନ୍ତି। କୃଷି, ମତ୍ସ୍ୟ ଆଦିରୁ ସବସିଡି ଅର୍ଥ ହଡପ କରୁଥିବା ଅଭିଯୋଗ ଆଣିଥିଲେ। ପରିଷଦର ବିନାନୁମୋଦନ ରେ ଟେଣ୍ଡର ନକରାଇ ସ୍ପିଟପରେ କାର୍ଯ୍ୟଦେଶ ଦେଇ ଟଙ୍କା ହଡପକରୁଥିବା ଅଭିଯୋଗ ଆଣିଥିଲେ। ବିଜ୍ଞାପିତ ଅଞ୍ଚଳ ପରିଷଦର କୋୖଣସି ଷ୍ଟାଣ୍ଡିଙ୍ଗ କମିଟି ଗଠନ କରାନଯାଇ ମନ ଇଚ୍ଛା ବିଭିନ୍ନ ଯୋଜନା ଗୁଡିକୁ କାର୍ଯ୍ୟକାରୀ କରିଚାଲିଥିବା ଅଭିଯୋଗ ଆଣିଥିଲେ।
ଏହିସବୁ ଦାବି ଉଲେଖ କରି ଜିଲ୍ଲାପାଳଙ୍କୁ ଅଭିଯୋଗ କରିବା ସହିତ ସୋମବାର ସକାଳ ସାତ ଟାରେ ବିଜ୍ଞାପିତ ଅଫିସ ସମ୍ମୁଖରେ ଧାରଣାରେ ବସିବେ ବୋଲି ଜଣାଇଥିଲେ। ଧାରଣା ସମ୍ପର୍କରେ ଖବର ପାଇଁ ଅପରାହ୍ନ ୩ଟାରେ ଜିଲ୍ଲାମୁଖ୍ୟ ପ୍ରଶାସନିକ ଅଧିକାରୀ ପିଡି ଡୁଡ଼ା ଲଗ୍ନଜିତ ରାଉତ ଓ ଜିଲ୍ଲା ପରିଷଦ ଅଧ୍ୟକ୍ଷ ଦେବାଶିଷ ପଟ୍ଟନାୟକ ଧାରଣା ସ୍ଥଳରେ ପହଞ୍ଚି କାଉନସିଲର ଓ ଉପାଧ୍ୟକ୍ଷଙ୍କୁ ବୁଝାସୁଝା କରିବା ସହିତ ଆଗାମୀ ଦୁଇ ଦିନ ମଧ୍ୟରେ ତା ୫. ୦୬. ୨୦୨୫ରିଖରେ କମିଟି ଗଠନ କରି ନିରପେକ୍ଷ ତଦନ୍ତ କରାଯିବା ସହ ପ୍ରମାଣ ମିଳିଲେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ପ୍ରତିଶୃତି ଦେବା ପରେ ଧାରଣା ପ୍ରତ୍ୟାହୃତ ହୋଇଥିଲା।
ରଣପୁର ଏନଏସି ଅଧ୍ୟକ୍ଷାଙ୍କୁ ଏସମ୍ପର୍କରେ ପଚରିବାରେ ଏସବୁ ଦୁର୍ନୀତି ଅଭିଯୋଗକୁ ଅମୂଳକ ଓ ଭିତ୍ତିହୀନ କହିବା ସହିତ ସମସ୍ତ ଅଭିଯୋଗର ନିରପେକ୍ଷ ତଦନ୍ତକୁ ସହଯୋଗ କରିବା ପାଇଁ ପ୍ରସ୍ତୁତ ବୋଲି ମତ ରଖିଥିଲେ।