ଭୁବନେଶ୍ବର: ଗତକାଲି ଦୁଷ୍କର୍ମ ଅଭିଯୋଗରେ ବ୍ରହ୍ମପୁରରୁ ଗିରଫ ହୋଇଥିବା ଭବାନୀ ଶଙ୍କର ଦାସ ବିଜେପି ନେତା। ସେ ବିଜେପିର ନେତା ମନ୍ତ୍ରୀଙ୍କଠାରୁ ଆରମ୍ଭ କରି ମୁଖ୍ୟମନ୍ତ୍ରୀ ପର୍ଯ୍ୟନ୍ତ ତାଙ୍କର ହାତ ରହିଛି। ଯାହାକୁ ନେଇ ବ୍ରହ୍ମପୁର କାହିଁକି ସାରା ରାଜ୍ୟର ରାଜନୀତିର ବେଶ ସରଗରମ ହୋଇପଡିଛି। ନିକଟରେ ସେହି ବ୍ରହ୍ମପୁରରେ ନାବାଳିକାକୁ ଦୁଷ୍କର୍ମ ଅଭିଯୋଗ ଆସିଥିଲା। ଏବେ ପୁଣି ସେହିପରି ଅଭିଯୋଗ ପରେ ରାଜ୍ୟରେ ଆଇନ ବ୍ୟବସ୍ଥା ସ୍ଥିତି କଣ ତାହା ସ୍ପଷ୍ଟ ଅନୁମେୟ କରି ହେଉଛି।
ଗତକାଲି ନାବାଳିକା ଦୁଷ୍କର୍ମ ଅଭିଯୋଗରେ ବ୍ରହ୍ମପୁର ବୈଦ୍ୟନାଥପୁର ଥାନା ପୁଲିସ ବିଶ୍ଵହିନ୍ଦୁ ପରିଷଦର ସଦସ୍ୟ ତଥା ବିଜେପି ନେତା ଏବଂ ବାଜପେୟ କ୍ଲିନିକ ମାଲିକ ଭବାନୀ ଶଙ୍କର ଦାଶଙ୍କୁ ଗିରଫ କରିଛି। ଜଣେ ୧୭ ବର୍ଷର ନାବାଳିକାଙ୍କୁ ଦୁଷ୍କର୍ମ କରିଥିବା ଅଭିଯୋଗ ପରେ ପୋଲିସ ଗିରଫ କରିଛି। ଉଭୟଙ୍କ ଡାକ୍ତରୀ ମାଇନା ବ୍ରହ୍ମପୁର ଏମକେସିଜି ହସପିଟାଲରେ କରାଯାଇଛି। ଦୁଷ୍କର୍ମ ର ଶିକାର ହୋଇଥିବା ନାବାଳିକା ଖ୍ରୀଷ୍ଟିଆନ ବୋଲି ଜଣାପଡିଛି। ଏହି ଘଟଣାର ତଦନ୍ତ ଦାୟିତ୍ବ ନେଇଛନ୍ତି ବ୍ରହ୍ମପୁର ଟାଉନ ଏସଡିପିଓ।
ତେବେ ଏହାକୁ ନେଇ ଉଭୟ ବିଜେଡି ଓ କଂଗ୍ରେସ ସାମାଜିକ ଗଣମାଧ୍ୟମରେ ତୁମ୍ବିତୋଫାନ ଆରମ୍ଭ କରିସାରିଲେଣି। ଏପରିକି ଖୁବ ଶିଘ୍ର ଉଭୟ ଦଳ ରାଜରାସ୍ତାକୁ ଓହ୍ଲାଇବେ ବୋଲି ପ୍ରସ୍ତୁତ ହେଉଥିବା ଜଣାପଡିଛି। ତା ପୂର୍ବରୁ ରାଜ୍ୟରେ ନାରୀ ନିର୍ଯ୍ୟାତନା ବୃଦ୍ଦି ଏବଂ ଆଇନ ଶୃଙ୍ଖଳା ପରିସ୍ଥିତି ବିପର୍ଯ୍ୟସ୍ତ ଉପରେ ଅନୁଧ୍ୟାନ କରିବାରେ ଲାଗିଛି କଂଗ୍ରେସ। ଦଳର ଏକ କେନ୍ଦ୍ରୀୟ ଟିମ ବିଭିନ୍ନ ଘଟଣା ସ୍ଥଳ ଅନୁଧ୍ୟାନ କରିବାରେ ଲାଗିଛନ୍ତି।
