ରଣପୁର: ୭ନୟାଗଡ ଜିଲ୍ଲାର ଆଠଟି ବ୍ଲକ୍ ର ସମସ୍ତ ସାଧନ କେନ୍ଦ୍ର ସଂଯୋଜକମାନଙ୍କୁ ୨୦୨୫ -୨୬ ଶିକ୍ଷା ବର୍ଷର ପ୍ରଥମ ମାସିକ କ୍ଲଷ୍ଟର ସ୍ତରୀୟ ବୈଠକ ନିମନ୍ତେ ନଯାଗଡ ଜିଲ୍ଳା ଶିକ୍ଷକ ପ୍ରଶିକ୍ଷଣ ଓ ଶିକ୍ଷା ପ୍ରତିଷ୍ଠାନ କେନ୍ଦ୍ରରେ ତାଲିମ ପ୍ରଦାନ କରହାଇଛି। ପ୍ରଭୁ ଜଗନ୍ନାଥଙ୍କ ନିକଟରେ ପୁଷ୍ପ ଓ ଧୂପ ଦେଇ ତାଲିମ କେନ୍ଦ୍ରର ଅଧ୍ୟକ୍ଷ ବିଜୟ କୁମାର ତ୍ରିପାଠୀ, ଶିକ୍ଷକ ପ୍ରଶିକ୍ଷକ ବଟକୃଷ୍ଣ ସାହୁ , ଅନିନ୍ଦିତା ପ୍ରିୟଦର୍ଶିନୀ, ସନ୍ତୋଷ କୁମାର ମହାପାତ୍ର, ମାନସ ରଞ୍ଜନ ସାହୁ ତାଲିମ କାର୍ଯକ୍ରମକୁ ଆରମ୍ଭ କରିଥିଲେ।
ପିରାମଲ ଫାଉଣ୍ଡେସନର ଅମନ କୁମାର ମିଶ୍ର ଓ ଅଙ୍ଗନ ଟ୍ରଷ୍ଟର ସର୍ବେଶ୍ଵର ସାହୁ ପ୍ରମୁଖ ଏହି ତାଲିମରେ ଯୋଗ ଦେଇ ତାଲିମର ଉଦେଶ୍ୟ ଓ ବାଲ୍ୟ ବିବାହର କୁପ୍ରଭାବ ସମ୍ପର୍କରେ ଆଲୋଚନା କରିଥିଲେ। ଏହି ତାଲିମ ଶିବିରରେ ସାଧନ କେନ୍ଦ୍ର ସଂଯୋଜକମାନଙ୍କୁ ଶିଶୁବାଟିକା ଶିକ୍ଷକ ସହାୟକ ପୁସ୍ତିକା ଓ କାର୍ଯପୁସ୍ତିକା ବ୍ୟବହାର, ଜୁଲାଇ ମାସର ଶୈକ୍ଷିକ କ୍ୟାଲେଣ୍ଡର, ଶ୍ରେଣୀ ପରିଚାଳନା, ନମୁନା ପାଠ ଯୋଜନା, ଚତୁର୍ଥ ଓ ପଞ୍ଚମ ଶ୍ରେଣୀ ଅଧାରିତ ଗଣିତ ଶିକ୍ଷଣ କାର୍ଯ୍ୟ, କାର୍ଯ୍ୟ ନିର୍ଘଣ୍ଟ, ବିଦ୍ୟାଳୟ ବିକାଶ ଯୋଜନା, ବିଦ୍ୟାଳୟ ସୁଯକ୍ଷା ଓ ନିରାପତ୍ତା ଯୋଜନା ଆଦି ବିଷୟରେ ତାଲିମ ପ୍ରଦାନ କରଯାଇଥିଲା।