Tag: ରଣପୁର

ରଣପୁର: ଆଜି ପ୍ରବିତ୍ର ରାମ ନବମୀ ଉପଲକ୍ଷ ଚଳିତ ବର୍ଷ ରଣପୁର ଚଳଚଂଚଳ ହୋଇ ଉଠିଥିଲା। ରଣପୁର ବଜରଙ୍ଗ ଦଳ ପ୍ରଖଣ୍ଡ ଓ ଶ୍ରୀରାମ ସେନା ସଂଗଠନ ତରଫରୁ ରଣପୁରରେ ଦ୍ୱିତୀୟ ଥର ପାଇଁ ଧୁମ୍‌ଧାମ୍ ସହ ବିଶାଳ ଶୋଭାଯାତ୍ରା କରାଯାଇ ରାମନବମୀ ଉତ୍ସବକୁ ବହୁ ଆଡମ୍ବର ଭାବେ ପାଳନ କରାଯାଇଛି। ରଣପୁର ବଜରଙ୍ଗ ଦଳ ପ୍ରଖଣ୍ଡ ଓ ଶ୍ରୀରାମ ସେନା ସଂଗଠନ ତରଫରୁ ଦୀର୍ଘଦିନ ଧରି ରାମନବମୀ କୁ ଧୁମଧାମରେ ପାଳନ କରିବା ପାଇଁ ପ୍ରସ୍ତୁତି ପର୍ବ ଚଳାଇଥିଲା। ଯାହାଫଳରେ କିଛି ଦିନ ଧରି ରଣପୁର ବଜାର ଓ ବଡଦାଣ୍ଡ ଗେରୁଆ ହନୁମାନ ପତକାରେ ଆଛାଦିତ ହୋଇ ଯାଇଥିଲା।

ପରେ ଏକ ଶୋଭାଯାତ୍ରାରେ ପଚୁଂଦୋଳ ପଡିଆରେ ଥିବା ରଘୁନାଥ ମନ୍ଦିର ସମ୍ମୁଖରେ ପ୍ରଭୁ ଶ୍ରୀ ରାମଙ୍କର ପୂଜା ପାଠ ସହ ମନ୍ତ୍ର ଉଚାରଣ କରାଯାଇଥିଲା। ସେଠାରେ ହଜାର ହଜାର ରାମ ଭକ୍ତମାନଙ୍କ ରାମ ଧ୍ୱନୀରେ ପ୍ରକମ୍ପିତ ହୋଇଥିଲା। ଦୀର୍ଘ ସମୟ ଧରି ପୂଜା ପାଠ ପରେ ଏକ ବିଶାଳ ଶୋଭାଯାତ୍ରା ସହ ବାଜା, ବାଣ ରୋଷଣୀ ସହ ରଣପୁର ପରିକ୍ରମା କରିଥିଲେ।

ରାମଧ୍ୱନିରେ ରଣପୁର ବଡଦାଣ୍ଡ କମ୍ପି ଥିଲା। ଏଥିରେ ଏକ ଦଶପୁଂଟର ରାମମୂତୀ ର୍ ଓ ହନୁମାନଙ୍କ ମୂର୍ତୀ ସାମିଲ ହୋଇଥିଲା। ଢୋଲ ,ଘଂଟ, ମାଦଳ ଓ ରାମ ଧ୍ୱନିରେ ରଣପୁରରେ ଏକ ଭକ୍ତିମୟ ପରିବେଶ ସୃଷ୍ଟି ହୋଇଥିଲା। ଏଥିରେ ମୁଖ୍ୟତଃ ପାରମ୍ପରିକ ନୃତ୍ୟ ଓଡିଶୀ, ଘୋଡା ନାଚ, ହାତୀ-ସିଂହ ଲଢେଇ, ଅଘୋରୀ ନୃତ୍ୟ, ପାଇକ ନୃତ୍ୟ ସହ ବିଭିନ୍ନ ପ୍ରକାର କାର୍ଯ୍ୟକ୍ରମ କରାଯାଇ ନଗର ପରିକ୍ରମା କରାଯାଇ ଥିଲା।

ଏହି ଶୋଭାଯାତ୍ରାରେ ହଜାର ହଜାର ରାମ ଭକ୍ତ ସାମିଲ ହୋଇ ଏହି ମାହୋଲକୁ ଆନନ୍ଦର ସହ ଉପଭୋଗ କରିଥିଲେ। ଶୋଭାଯାତ୍ରାଟି ଜଗନ୍ନାଥ ମନ୍ଦିର ସମ୍ମୁଖରେ ପହଚିଂବା ପରେ ଶ୍ରୀ ରାମଙ୍କର ଆଳତି କରାଯାଇଥିଲା। ହଜାର ହଜାର ରାମ ଭକ୍ତ ହାତ ରେ ପତକା ଧରି ବେକ ଓ ମସ୍ତକରେରେ ଉତରୀୟ ପରିଧାନ କରି ଏହି ଶୋଭାଯାତ୍ରାରେ ସାମିଲ ହୋଇଥିଲେ। ଏଥିରେ ବିଭିନ୍ନ ପାରମ୍ପରିକ ନୃତ୍ୟ ସହ ପ୍ରଭୁ ରାମଚନ୍ଦ୍ରଙ୍କ ଭଜନରେ ଯୁବକ ମାନେ ଗୀତର ତାଳେ ତାଳେ ଝୁମି ଥିବା ଦେଖିବାକୁ ମିଳିଥିଲା।

ଆଜି ରାମନବମୀ ଉପଲକ୍ଷ ରଣପୁର ସମସ୍ତ ମଠ ଓ ମନ୍ଦିରରେ ଧୁମଧାମରେ ପାଳନ ହେଇଥିବା ସାଙ୍ଗକୁ ରଣପୁର ବଜରଙ୍ଗ ଦଳ ଓ ଶ୍ରୀରାମ ସେନା ସଂଗଠନର ଆକର୍ଷଣୀୟ କାର୍ଯ୍ୟକ୍ରମ ସମଗ୍ର ଅଚଂଳକୁ ଉଚ୍ଚାୟତ କରିଥିବା ଦେଖିବାକୁ ମିଳିଥିଲା। ଦୀର୍ଘ ୫ ଘଂଟାର ଶୋଭାଯାତ୍ରା ପରେ ରାମ ଭକ୍ତମାନେ ରଣପୁର ଅଧୀଷ୍ଠତ୍ରି ଦେବୀ ମା ମଣିନାଗଙ୍କ ନିକଟରେ ପହଚିଂଥିଲେ।

ଏହି ଶୋଭାଯାତ୍ରା ରଣପୁର ପରିକ୍ରମା କରିବା ବେଲେ ପ୍ରତି ଛକ ମାନଙ୍କରେ ଶହଶହ ଶ୍ରଦ୍ଧାଳୁ ମାନେ ଭିଡ ଜମାଇ ଥିବା ଦେଖିବାକୁ ମିଳିଥିଲା। ଶେଷରେ ମଣିନାଗ ପୀଠରେ ରାମ ଭକ୍ତ ମାନେ ପ୍ରଶାଦ ସେବନ କରିଥିଲେ। ରଣପୁର ବଜରଙ୍ଗ ଦଳ ପ୍ରଖଣ୍ଡ ଓ ଶ୍ରୀରାମ ସେନା ସଂଗଠନର ସଭ୍ୟମାନେ ଏହି କାର୍ଯ୍ୟକ୍ରମକୁ ଶାନ୍ତି ଶୃଙ୍ଖଳା ସହ ସଫଳ ରୁପାୟନ କରିଥିଲେ। ରଣପୁର ଥାନା ଅଧିକାରୀ ନିହାର ରଂଜନ ମହାନ୍ତିଙ୍କ ତତ୍ୱାବଧାନରେ ରଣପୁର ପୋଲିସ ଦ୍ୱାରା ଶାନ୍ତି ଶୃଙ୍ଖଳା ରକ୍ଷା କରାଯାଇଥିଲା।

ରଣପୁର: ଜଙ୍ଗଲରେ ଖାଦ୍ୟ ଅଭାବ କାରଣରୁ ଖାଦ୍ୟ ଖାଇବା ଆଶାରେ ହାତୀ ପଲ ଗାଁ ମୁହାଁ ହେଉଥିବା ଦେଖିବାକୁ ମିଳୁଛି। ଫଳରେ ଧନ ଜୀବନ ନଷ୍ଟ ହେବା ସହ ହାତୀରେ ଶିକାର ହେଉଛନ୍ତି ମଣିଷ ସମାଜ।

ଗତ କାଲି ରାତିରେ ମୟୁର ଝାଲିଆ ଗାଁ ନିକଟରେ ୧୬ ଟିକିଆ ହାତୀ ପଲକୁ ଦେଖି ଲୋକେ ଭୟଭୀତ ହୋଇଥିବା ଦେଖିବାକୁ ମିଳିଛି। ଫଳରେ ହାତୀକୁ ଦେଖି ଲୋକେ ଭୟଭୀତ ହୋଇଥିଲେ। ଲୋକଙ୍କ ଠାରୁ ଖବର ପାଇ ହାତୀ ଘଉଡ଼ାଇବାକୁ ଘଟଣା ସ୍ଥଳରେ ପହଞ୍ଚିଥୀଲା ରଣପୁର ବନ ବିଭାଗ।

ବନ କର୍ମଚାରୀ ମାନେ ଘଟଣାସ୍ଥଳରେ ପହଁଚି ଡ୍ରୋନ ସାହାଯ୍ୟରେ ହାତୀଙ୍କର ଗତି ବିଧି ଉପରେ ନଜର ରଖିଥିଲେ। ପରେ ହାତୀ ଘଉଡ଼ାଇବାକୁ ବନ ବିଭାଗ ଆରମ୍ଭ କରିଥିଲା ଅପରେସନ। ଦୀର୍ଘ ସମୟ ପର୍ଯ୍ୟନ୍ତ ବନ ବିଭାଗ କର୍ମଚାରୀମାନେ ଚେଷ୍ଟା କରିବା ପରେ ହାତୀ ପଲ ଜଙ୍ଗଲକୁ ପଳାଇ ଯାଇଥିଲେ।

ହାତୀ ପଲରେ ୪ଟି ଦନ୍ତା, ୬ଟି ମାଇ ହାତୀ ସହ ୬ଟି ଛୁଆ ହାତୀ ଥିବା ଜଣା ପଡିଛି।  ସ୍ଥାନୀୟ ଅଞ୍ଚଳରେ ବ୍ୟାପକ ଫସଲ ହାନୀ ହୋଇଥିବା ଜଣା ପଡିଛି।

ରଣପୁର: ଐତିହାସିକ ଗଡ଼ ରଣପୁର ବିଧାନସଭା ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀ ଭାବେ ସତ୍ୟ ନାରାୟଣ ପ୍ରଧାନଙ୍କ ଉପରେ ପୁନର୍ବାର ବିଜେଡି ସୁପ୍ରିମୋ ଭରସା କରିଛନ୍ତି। ରଣପୁର ନିର୍ବାଚନ ମଣ୍ଡଳୀର ବିକାଶ କରିବା ପାଇଁ ପୁଣି ସତ୍ୟ ନାରାୟଣ ପ୍ରଧାନଙ୍କୁ ବିଜେଡି ଦଳ ବିଧାୟକ ଟିକେଟ ଦେଇଛି। ଏହି ଖବର ରଣପୁର ଞ୍ଚଳରେ ପ୍ରକାଶ ପାଇବା ପରେ ସ୍ଥାନୀୟ ଲୋକ ମାନଙ୍କ ମଧ୍ୟରେ ଖେଳି ଯାଇଛି ଖୁସିର ଲହରୀ।

ସ୍ଥାନୀୟ ଲୋକମାନଙ୍କ ସହ ଦଳୀୟ କର୍ମୀ ମାନେ ମିଠା ଖୁଆଇ ଖୁସି ମନାଇଛନ୍ତି। ରଣପୁର ନିର୍ବାଚନ ମଣ୍ଡଳୀର ରାଇପଡା ଗ୍ରାମରେ ବିଧାୟକ ପ୍ରାର୍ଥୀ ସତ୍ୟ ନାରାୟଣ ପ୍ରଧାନଙ୍କୁ ଦଳୀୟ କର୍ମୀମାନେ ପୁଷ୍ପ ଗୁଚ୍ଛ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଛନ୍ତି। କର୍ମୀମାନଙ୍କ ମଧ୍ୟରେ ଉତ୍ସାହ ଉଦ୍ଦୀପନା ଦ୍ୱଗୁଣିତ ହୋଇଥିବା ଦେଖିବାକୁ ମିଳିଛି।

ରଣପୁର: ଶିକ୍ଷାର ଉନ୍ନତି ପାଇଁ ସରକାର ବିଭିନ୍ନ ପଦକ୍ଷେପ ନେଇ ବିଭିନ୍ନ ଯୋଜନା କାର୍ଯ୍ୟକାରୀ କରୁଛନ୍ତି। ଏହି ଯୋଜନା ଠିକ ଭାବରେ କାର୍ଯ୍ୟକାରୀ ହେଉଛି କି ନାହିଁ, ଆଉ କେଉଁ ଅସୁବିଧା ରହୁଛି, ତାହାର ପ୍ରତିକାର ପାଇଁ କଣ ପଦକ୍ଷେପ ନିଆ ଯାଇପାରିବ ତାହାକୁ ସମୀକ୍ଷା କରିବା ପାଇଁ ବ୍ଲକର ପ୍ରତ୍ୟକ୍ଷ କ୍ଲଷ୍ଟରରେ ଜଣେ ଜଣେ ସି.ଆର.ସି.ସି. ଙ୍କୁ ନିଯୁକ୍ତ କରାଯାଇଛି। ସେମାନଙ୍କ କାର୍ଯ୍ୟ କ୍ଷେତ୍ରରେ କଣ ସୁବିଧା ଅସୁବିଧା ରହିଛି ତାହାକୁ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ ଦ୍ୱାରା ସମୀକ୍ଷା କରାଯାଇଥାଏ।

ଏହି ସମୀକ୍ଷା ବୈଠକ ପ୍ରତି ଦୁଇ ମାସରେ ଥରେ କରାଯାଇଥାଏ। ଏହି ପରିପ୍ରେକ୍ଷୀରେ ନୟାଗଡ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ରାଜସୁନାଖଳା ଦ୍ୱାରା ମାର୍ଚ୍ଚ ୧୫ ଓ ୧୬ ତାରିଖରର ଏହି ଦୁଇ ମାସିକ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା। ମାର୍ଚ୍ଚ ୧୫ ତାରିଖ ଦିନ ଗଣିଆ, ଖଣ୍ଡପଡା, ଓଡଗାଁ, ନୂଆଗାଁ ବ୍ଲକର ସି.ଆର.ସି.ସି. ମାନଙ୍କୁ ନେଇ ସମୀକ୍ଷା କରାଯାଇଥିଲା ବେଳେ ମାର୍ଚ୍ଚ ୧୬ ତାରିଖ ଦିନ ରଣପୁର, ନୟାଗଡ, ଦଶପଲ୍ଲା, ଭାପୁର ସି.ଆର.ସି.ସି. ମାନଙ୍କୁ ନେଇ ସମୀକ୍ଷା କରାଯାଇଥିଲା।

ଏହି ସମୀକ୍ଷା ବୈଠକ ନୟାଗଡ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନର ଅଧ୍ୟକ୍ଷ ଡ଼. ବିଜୟ କୁମାର ତ୍ରିପାଠୀଙ୍କ ଅଧକ୍ଷତାରେ ଅନୁଷ୍ଠିତ ହୋଇଥିଲା। ଶିକ୍ଷକ ପ୍ରଶିକ୍ଷକ ମନୋରଞ୍ଜନ ଦାଶ, ବଟକୃଷ୍ଣ ସାହୁ, ଅନିନ୍ଦିତା ପ୍ରିୟଦର୍ଶିନୀ, ମାନସ କୁମାର ସାହୁ, ସନ୍ତୋଷ କୁମାର ମିଶ୍ର, ଦୀପକ କୁମାର ପ୍ରଧାନ ପ୍ରମୁଖ ଏହି ସମୀକ୍ଷା ବୈଠକରେ ବିଭିନ୍ନ ବିଦ୍ୟାଳୟର ସୁବିଧା ଅସୁବିଧା ବିଷୟରେ ସି.ଆର.ସି.ସି. ମାନଙ୍କ ସହିତ ଆଲୋଚନା କରିଥିଲେ।

ଏହା ସହିତ ରାଜ୍ୟ ସରକାରଙ୍କ ଦ୍ୱାରା ନୟାଗଡ ଜିଲ୍ଲାର ଉତ୍ତମ ସି.ଆର.ସି.ସି. ଭାବେ ମୁଖ୍ୟମନ୍ତ୍ରୀ ପୁରସ୍କାର ପାଇଥିବା ନୟାଗଡ ବ୍ଲକ ସି.ଆର.ସି.ସି. ମୃତ୍ୟୁଞ୍ଜୟ ଷଡ଼ଙ୍ଗୀଙ୍କୁ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନର ଅଧ୍ୟକ୍ଷ ଡ଼. ବିଜୟ କୁମାର ତ୍ରିପାଠୀ, ସମସ୍ତ ଶିକ୍ଷକ ପ୍ରଶିକ୍ଷକ ଏବଂ ସମସ୍ତ ସି.ଆର.ସି.ସିମାନଙ୍କ ଦ୍ୱାରା ଉପଢୌକନ ଓ ପୁଷ୍ପଗୁଚ୍ଛ ଦିଆଯାଇ ସମ୍ବର୍ଦ୍ଧିତ କରାଯାଇଥିଲା।

ରଣପୁର: ସାରା ରାଜ୍ୟରେ ମାର୍ଚ୍ଚ ୫ ତାରିଖରେ ଓଡିଶାର ବରପୁତ୍ର ତଥା ପ୍ରବାଦ ପୁରୁଷ ବିଜୁ ବାବୁଙ୍କ ଜନ୍ମ ଜୟନ୍ତୀ ପାଳନ ହେଉଛି। ଆଜି ହେଉଛି ସେହି ପ୍ରବାଦ ପୁରୁଷଙ୍କ ୧୦୮ତମ ଜନ୍ମବାର୍ଷିକୀ। ୧୯୧୬ ମସିହା ମାର୍ଚ୍ଚ ୫ ତାରିଖରେ ବିଜୁ ବାବୁ ଜନ୍ମ ଗ୍ରହଣ କରିଥିଲେ।  ସ୍ୱାଧୀନତା ସଂଗ୍ରାମର ବହ୍ନି ପିଲାଟି ଦିନରୁ ତାଙ୍କ ଭିତରେ ଜାଗି ଉଠିଥିଲା। ଗାନ୍ଧିଜୀଙ୍କ ଆହ୍ୱାନରେ ସେ ୧୯୪୨ ମସିହାରେ ଭାରତ ଛାଡ଼ ଆନ୍ଦୋଳନରେ ସାମିଲ ହୋଇଥିଲେ।

ଭାରତର ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବରହରଲାଲ ନେହେରୁଙ୍କ ସେ ଅତିପ୍ରିୟ ଅନୁଗତ ଥିଲେ। ସ୍ୱାଧୀନତା ପରେ ଓଡିଶାକୁ ଏକ ସମୃଦ୍ଧ ରାଜ୍ୟ ଭାବେ ଗଢି ତୋଳିବାର ସ୍ବପ୍ନ ଦେଖିଥିଲେ। ୬୦ ଦଶକର ଆରମ୍ଭରେ ରାଜ୍ୟ କଂଗ୍ରେସର ମଙ୍ଗ ଧରିଥିଲେ। ତାଙ୍କ ନେତୃତ୍ୱରେ ୧୪୦ ରୁ ୮୨ ଆସନ କଂଗ୍ରେସ ଜିତିଥିଲା। ୧୯୬୧ ମସିହାରେ ମାତ୍ର ୪୫ ବର୍ଷ ବୟସରେ ସେ ହୋଇଥିଲେ ଓଡିଶାର ମୁଖ୍ୟମନ୍ତ୍ରୀ। ବିଜୁ ବାବୁଙ୍କୁ ଆଧୁନିକ ଓଡ଼ିଶାର ନିର୍ମାତା ବୋଲି କୁହାଯାଏ। ସମାଜର ସବୁ ବର୍ଗର ଲୋକଙ୍କୁ ନେଇ ବିକାଶକୁ ବଳିଷ୍ଠ କରିବା ପାଇଁ ସେ ପଦକ୍ଷେପ ନେଇଥିଲେ ବୋଲି କୁହାଯାଏ।

ଏହି ଅବସରରେ ରଣପୁରରେ ବିଜୁ ଜୟନ୍ତୀ ପାଳିତ ହୋଇ ଯାଇଛି। ପ୍ରଥମେ ପଞ୍ଚୁଦୋଳ ପଡିଆରେ ଶହୀଦ ରଘୁଦିବାକରଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇ କାର୍ଯ୍ୟକ୍ରମର ଅୟମ ଆରମ୍ଭ କରାଯାଇଥିଲା। ଏହା ପରେ ପଞ୍ଚୁଦୋଳ ପଡିଆ ଠାରୁ ମଣିନାଗ ମନ୍ଦିର ପର୍ଯ୍ୟନ୍ତ ଏକ ସାଇକେଲ ଶୋଭାଯାତ୍ରା କରାଯାଇଥିଲା। ଏହା ପରେ ମଣିନାଗ କଲ୍ୟାଣ ମଣ୍ଡପ ଠାରେ ବିଜୁ ବାବୁଙ୍କ ପ୍ରତିମୂର୍ତ୍ତି ପୁନଃ ସ୍ଥାପନା କରାଯାଇଥିଲା। ଏହା ସହିତ ରଣପୁର ଡାକ୍ତରଖାନାରେ ଥିବା ରୋଗୀମାନଙ୍କୁ ଫଳ ବଣ୍ଟନ କରାଯାଇଥିଲା। ଅପରାହ୍ନରେ ପଞ୍ଚୁଦୋଳ ପଡିଆରେ ଏକ ସଭାକାର୍ଯ୍ୟ ଆୟୋଜନ କରାଯାଇ ବିଜୁ ବାବୁଙ୍କ ଜୀବନୀ କଥା ପ୍ରଦର୍ଶନ କରାଯାଇଥିଲା।

ଏହି କାର୍ଯ୍ୟକ୍ରମରେ ରଣପୁର ବିଧାୟକ ସତ୍ୟ ନାରାୟଣ ପ୍ରଧାନ, ନୟାଗଡ ଜିଲ୍ଲା ପରିଷଦ ଅଧ୍ୟକ୍ଷ ଇଂ. ଦେବାଶିଷ ପଟ୍ଟନାୟକ, ରଣପୁର ବିଜ୍ଞାପିତ ପରିଷଦ ଅଧ୍ୟକ୍ଷା ରଙ୍ଗୀନ ମହାନ୍ତି, ଉପାଧ୍ୟକ୍ଷ ବିଶ୍ୱରଂଜନ ପଟ୍ଟନାୟକ, ନଗର ସଭାପତି ଲିଙ୍ଗରାଜ ନାୟକ, ସାଂସଦ ପ୍ରତିନିଧି ସ୍ୱରାଜ ମହାନ୍ତି, ବ୍ଲକ ସଭାପତି ସଚିକାନ୍ତ ଷଡ଼ଙ୍ଗୀ, କିଶୋର ପଟ୍ଟନାୟକ, ଆଇନୀଜୀବୀ ବନମାଳୀ ମହାପାତ୍ର, ସୁଦର୍ଶନ ମାନସିଂହ, ଦିନେଶ ପରିଡା, କାମଳାକ୍ଷୀ ଦେବୀଦର୍ଶିନୀଙ୍କ ସମେତ ସମସ୍ତ କାଉନସିଲର, ସରପଞ୍ଚ, ସମିତିସଭ୍ୟ ଓ ସମସ୍ତ ବିଜେଡି କର୍ମୀ ଉପସ୍ଥିତ ଥିଲେ।

ରଣପୁର: ଜାତୀୟ ବାଳିକା ଦିବସ ଅବସରରେ ରଣପୁର ବ୍ଲକ ଶିକ୍ଷା କାର୍ଯ୍ୟାଳୟ ତରଫରୁ ବ୍ଲକ ଶିକ୍ଷା ଅଧିକାରୀ ବନଲତା ବେହେରାଙ୍କ ତତ୍ୱାବଧାନରେ ବ୍ଲକ କାର୍ଯ୍ୟାଳୟ ପରିସରରେ ପାଳିତ ହୋଇ ଯାଇଛି। ଏଥିରେ ମୁଖ୍ୟ ଅତିଥି ଭାବେ ରଣପୁର ବ୍ଲକ ଚେୟାରମ୍ୟାନ ନିର୍ମଳା ବେହେରା, ମୁଖ୍ୟ ବକ୍ତା ଭାବେ ପ୍ରବଚିକା ଡ଼. କଳ୍ପନା ରଥ, ସମ୍ମାନିତ ଅତିଥି ଭାବେ ରଣପୁର ଏନ.ଏ.ସି. ଚେୟାରମ୍ୟାନ ରଙ୍ଗୀନ ମହାନ୍ତି, ରଣପୁର ବିଡ଼ିଓ ସୁଧୀର କୁମାର ନାୟକ, ସିଡିପିଓ ମାଧୁରୀ ପଣ୍ଡା, ସହକାରୀ ବ୍ଲକ ଶିକ୍ଷା ଅଧିକାରୀ ବସନ୍ତ କୁମାର ରାଉତ, ରସାନନ୍ଦ ପ୍ରଧାନ, ନିଖିଳ ପ୍ରାଥମିକ ଶିକ୍ଷକ ସଙ୍ଘର ରାଜ୍ୟ ସଂଯୋଜକ ଜ୍ୟୋତି ରଞ୍ଜନ ଦାଶ ପ୍ରମୁଖ ଯୋଗ ଦେଇଥିଲେ।

ରଣପୁର ବ୍ଲକ ଚେୟାରମ୍ୟାନ ନିର୍ମଳା ବେହେରା ଝିଅ ଓ ପୁଅ ମଧ୍ୟରେ ତଫାତ କରିବା ନାହିଁ ବୋଲି ମତ ପ୍ରକାଶ କରିଥିଲେ। ସେହିପରି ରଣପୁର ଏନ.ଏ.ସି. ଚେୟାରମ୍ୟାନ ରଙ୍ଗୀନ ମହାନ୍ତି ଝିଅମାନଙ୍କୁ ସମ୍ମାନ ଅଧିକାର ଦେଇ ପାଠ ପଢେଇବା ପାଇଁ କହିଥିଲେ। ଅଙ୍ଗନବାଡି ସିଡିପିଓ ନିଜ ଲକ୍ଷରେ ଅଟଳ ରହି କଠିନ ପରିଶ୍ରମ କଲେ ନିଶ୍ଚିତ ସଫଳ ହେବେ ବୋଲି ମତ ରଖିଥିଲେ।

ଏହି ଅବସରରେ ବିଭିନ୍ନ କ୍ଷେତ୍ରରେ କୃତିତ୍ୱ ହାସଲ କରିଥିବା ଛାତ୍ରୀମାନଙ୍କୁ ଅତିଥିମାନେ ଟ୍ରଫି ଦେଇ ପୁରସ୍କୃତ କରିଥିଲେ। କୈଳାଶ ଚନ୍ଦ୍ର ମାଝୀ, ସୁଶୀଲ କୁମାର ରଣା, ଜ୍ୟୋତି ରଞ୍ଜନ କର, ସୁଧାକର ମିଶ୍ରଙ୍କ ସମେତ ସମସ୍ତ ସାଧନ କେନ୍ଦ୍ର କର୍ମୀ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଅନ୍ୟମାନଙ୍କ ମଧ୍ୟରେ ବିଭିନ୍ନ ସ୍ୱୟଂ ସହାୟିକା ଗ୍ରୁପ, ଅଙ୍ଗନବାଡି କର୍ମୀ, ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀମାନେ ଉପସ୍ଥିତ ଥିଲେ।

ରଣପୁର: ରଣପୁର ଏନଏସି ସ୍ଥିତ ପାମ୍ପଡା ଠାରେ ଥିବା ପ୍ରସିଦ୍ଧ ଶୈବ ପୀଠ ବେଲେଶ୍ୱର ଦେବ ଙ୍କ ଦ୍ୱାଦଶ ବାର୍ଷିକ ବିଶ୍ୱଶାନ୍ତି ମହାଯଜ୍ଞ ଆରମ୍ଭ ହୋଇଛି। ପ୍ରାପ୍ତ ସୂଚନା ଅନୁସାରେ ଏହି କାର୍ଯ୍ୟକ୍ରମରେ ଗତ ମଙ୍ଗଳବାର ଅଙ୍କୁରାରୋପଣ, ବୁଧବାର କଳସ ଯାତ୍ରା, ପ୍ରବଚକ ରତ୍ନାକର ରାୟଙ୍କ ଦ୍ୱାରା ଭାଗବତ କଥାମୃତ, ଗୁରବାର ସୂର୍ଯ୍ୟପୂଜା, ଦେବତା ବରଣ ପ୍ରଥମ ଆହୁତି, ପ୍ରବଚକ କିଶୋର ଚନ୍ଦ୍ର ଭଞ୍ଜଙ୍କ ଦ୍ୱାରା ଭାଗବତ କଥାମୃତ ପରିବେଷଣ କରାଯାଇଥିଲା।

ସେହିଭଳି ଆଜି ସୂର୍ଯ୍ୟପୂଜା ଓ ଯଜ୍ଞକର୍ମ ପରେ ପ୍ରବଚିକା ଡଃ କଳ୍ପନା ରଥଙ୍କ ଦ୍ୱାରା ଭାଗବତ କଥାମୃତ ରହିଥିବା ବେଳେ ଶନିବାର ଶାମ୍ବ ଦଶମୀ ଦିନ ପୂର୍ଣ୍ଣାହୁତି, ସାଧୁ ଧର୍ମସଭା, ପ୍ରବଚକ ବିରଂଚି ନାରାୟଣ ତ୍ରିପାଠୀଙ୍କ ଦ୍ୱାରା ଭାଗବତ କଥାମୃତ ପରିବେଷଣ କରାଯିବାର କାର୍ଯ୍ୟକ୍ରମ ରହିଛି।

ଏହି କାର୍ଯ୍ୟକ୍ରମରେ ଚୈତନ୍ୟ ମଠର ମହନ୍ତ ଶ୍ରୀ ପର୍ଶୁରାମ ଦାସ ମହାରାଜ, ଦଧିବାମନ ମଠର ମହନ୍ତ ଶ୍ରୀ ରାମଚରଣ ଦାସ ମହାରାଜ, ବଡ ମଠର ମହନ୍ତ ଶ୍ରୀ ହରିଶରଣ ଦାସ ମହାରାଜ, ଗୋଡଖୋଲ ମଠ ମହାରାଜ ଶ୍ରୀ ଗୋପାଳଚରଣ ଦାସ ମହାରାଜ, ରାଧାକାନ୍ତ ମଠର ମହନ୍ତ ଶ୍ରୀ ସନ୍ଥଚରଣ ଦାସ ମହାରାଜ ଙ୍କ ସହ ସମସ୍ତ ଆଂଚଳିକ ମଠର ମହନ୍ତ ମାନେ ଯୋଗ ଦେବାର କାର୍ଯ୍ୟକ୍ରମ ରହିଛି।

ଏହି କାର୍ଯ୍ୟକ୍ରମରେ ପାମ୍ପଡା, ଜୟପୁର, ବାଉରୀ ସାହି, ମାର୍ଥାପଦର ଓ ନୂଆଗାଁ ବାସୀ ଙ୍କର ପୂର୍ଣ୍ଣ ସହଯୋଗ ରହିଛି।

ରଣପୁର: ଆଜି ୫ ଟି ଅଧକ୍ଷ ଭିକେ ପାଣ୍ଡିଆନ ରଣପୁର ଆସି ସରକାରଙ୍କର ବିଭିନ୍ନ ଲୋକାଭିମୁଖ୍ୟ ଯୋଜନା ସର୍ମ୍ପକରେ ଉଦବୋଧନ ଦେଇଛନ୍ତି। ଆଜି ମଧ୍ୟହ୍ନରେ ବାଣପୁରରେ ଏକ ସାଧାରଣ ସଭାରେ ଉଦବୋଧନ ଦେବାପରେ ଏକ ହେଲିକ୍ଟରରେ ରଣପୁର ଆସି ପହଚିଂଥିଲେ। ପରେ ସେ ଜେଲ ପଡିଆଠାରେ ଏକ ସାଧାରଣ ସଭାରେ ଉଦବୋଧନ ଦେଇଥିଲେ।

ଗତ ଜୁଲାଇ ୨୦ ରେ ସେ ରଣପୁର ଆସିଥିଲେ। ସେତେବଳେ ୩୫୦ ଟି ଅଭିଯୋଗ ସେ ଗ୍ରହଣ କରିଥିଲେ। ସେଥି ମଧ୍ୟରୁ ୩୦୦ ଟି ଫାଇସଲା ହୋଇଯାଇଛି ବୋଲି ସେ ମତ ଦେଇଥିଲେ। ଆମ ଓଡିଶା ନବୀନ ଓଡିଶା କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ୨୭ କୋଟି ୫୦ଲକ୍ଷ ଅନୁଦାନ କେବଳ ରଣପୁର ପାଇଁ ଯୋଗେଇ ଦେଇଥିବା କହିଛନ୍ତି। ସେହିପରି ରଣପୁର ମନ୍ଦିରର ରୂପାନ୍ତରିତ କରିବା ପାଇଁ ମୁଖ୍ୟମନ୍ତ୍ରୀ ଅର୍ଥ ଯୋଗାଇଛନ୍ତି ବୋଲି ସେ କହିଥିଲେ।

ରଣପୁର ଜଗନ୍ନାଥ ମନ୍ଦିର ପାଇଁ ୪କୋଟି ୬୦ ଲକ୍ଷ, ତଳ ଓ ଉପରମଣିନାଗ ପାଇଁ ୫ କୋଟି, ଶରଣକୂଳ ଲଡୁବାବା ମନ୍ଦିରର ପାଇଁ ୫ କୋଟି ,ରଣପୁର କଲେଜ ଓ ସୁନାଖଳା କଲେଜ ପାଇଁ କୋଟି ଟଙ୍କା ଲେକ୍ଷାଏଁ ଅନୁଦାନ ଯୋଗାଇ ଦେଇଛନ୍ତି। ଜୁଲାଇ ମାସ ରୁ ଆଜି ମଧ୍ୟରେ ରଣପୁର ନିର୍ବାଚନ ମଣ୍ଡଳିରେ ୮୦ କୋଟି ଟଙ୍କା ଦିଆଯାଇଛି ବୋଲି ସେ ମତ ଦେଇଥିଲେ ।ସେ ଆଜି ମଧ୍ୟ ଲୋକ ମାନଙ୍କ ଠାରୁ ମନ୍ଦିର ,ମସଜିଦ ଓ କମ୍ୟୁନିଟି ସେଟଂର ପାଇଁ ଅଭିଯୋଗ ଗ୍ରହଣ କରିଥିଲେ। ଯେଉଁ ି ସବୁ ଅଭିଯୋଗ ଆସୁଛି ତାହା ୧୦ ଦିନ ଭିତରେ ପୁରଣ କରାଯିବ ବୋଲି ସେ ମତ ଦେଇଥିଲେ।

ବିଜୁ ସ୍ୱାସ୍ଥ୍ୟା କଲ୍ୟାଣ ଯୋଜନା ଏକ ଯୁଗାନ୍ତକାରୀ ପଦକ୍ଷପ ବୋଲି ସେ ମତ ଦେଇଥିଲେ।ଏହି ଯୋଜନାରେ ମହିଳା ମାନଙ୍କ ପାଇଁ ୧୦ ଲକ୍ଷ ଟଙ୍କା, ପୁରୁଷ ମାନଙ୍କ ପାଇଁ ୫ଲକ୍ଷ ଟଙ୍କା ସ୍ୱାସ୍ଥ୍ୟ ବୀମାରେ ଯୋଗାଇ ଦେଇଛନ୍ତି। କେହି ଲୋକ ଅସୁସ୍ଥ ହୋଇ ପଡିଲେ ବଡ ବଡ ମେଡିକାଲରେ ଚିକିତ୍ସା ହୋଇ ପାରିବେ। ଲୋକମାନେ ଧନି ଲୋକ ଭଳିଆ ବଡବଡ ମେଡିକାଲରେ ଯାଇ ଚିକିତ୍ସା ହୋଇ ପାରିବେ। ଅର୍ଥ ପାଇଁ କାହାର ଜୀବନ ଜୀବନ ନାହିଁ।

ପ୍ରତ୍ୟେକ ଗରିବର ଜୀବନ ଆମ ପାଇଁ ମୂଲ୍ୟ ବାନ। ଯେଉଁ ମାନେ ବିଜୁସ୍ୱାସ୍ଥ୍ୟ କଲ୍ୟାଣ ଯୋଜନାରେ ସାମିଲ ହୋଇ ପାରିନାହାନ୍ତି ସେମାନେ ନବୀନ କାର୍ଡ ଯୋଗେଇ ଦିଆଯିବ ବୋଲି ସେ ମତ ଦେଇଥିଲେ। ଜାନୁଆରୀ ୬ ତାରିଖରୁ ୧୬ ତାରିଖ ପର୍ଯ୍ୟନ୍ତ ଲୋକମାନେ ଆବେଦନ କରିପାରିବେ। ପ୍ରତରକ ପଚଂୟତରେ ଲକ୍ଷ୍ମୀ ବସ ଯୋଜନାରେ ବସ ଚାଲିବ ଏଥିରେ ମହିଳା ଓ ଛାତ୍ରଛାତ୍ରୀ ୫ ଟଙ୍କାରେ ଜାତାୟତ କରିପାରିବେ। ଏହି ବସ ପଚାଂୟତ ରୁ ବ୍ଲକ ପର୍ଯ୍ୟନ୍ତ ଯିବ। ପ୍ରତି ପଚାଂୟତ ରେ ବ୍ୟାଙ୍କ ମଧ୍ୟ ଖୋଲାଯାଉଛି। ଆଗାମି ଦିନରେ ବାର୍ଦ୍ଧକ୍ଷ ,ଭିନ୍ନକ୍ଷମ ଓ କଳାକାରା ଭତା ବଢିବ ବୋଲି ସେ ମତ ଦେଇଥିଲେ। ଆଜିର ଏହି କାର୍ଯ୍ୟକ୍ରମରେ ଜିଲ୍ଲପାଳ ରବିନ୍ଦ୍ର କୁମାର ସାହୁ, ବିଜେଡି ସଂଗଠନିକ ସଂପାଦକ ବବିଦାସ,ନୟାଗଡ ବିଧାୟକ ଅରୁଣ ସାହୁ,ରଣପୁର ବିଧାୟକ ସତ୍ୟନାରାୟଣ ପ୍ରଧାନ, ନୟାଗଡ ଜିଲ୍ଲା ପରିଷଦ ଅଧକ୍ଷ ଦେବାଶିଷ ପଟନାୟକ ପ୍ରମୁଖ ଯୋଗ ଦେଇଥିଲେ। ଏହି କାର୍ଯ୍ୟକ୍ରମରେ ୧୦ ହଜାର ଉର୍ଦ୍ଦ ପୁରୁଷ ଓ ମହିଳା ଯୋଗ ଦେଇଥିଲେ।

ଅର୍ଜୁନ ରାଉତଙ୍କୁ ସହିଦ ଘୋଷଣା ଦାବି କଲା ରଣପୁର ପ୍ରେସ କ୍ଲବ

ଆଜି ୫ ଟି ଅଧକ୍ଷ ରଣପୁର ଗ୍ରସ୍ତ ବେଳେ ରଣପୁର ପ୍ରେସ କ୍ଲବ ତରଫରୁ ୨ ଟି ଦାବି ପତ୍ର ଦିଆଯାଇଛି। ଦେଶ ସ୍ୱାଧିନତାରେ ରଣପୁର ର ଅବଦାନ ଅତୁଳନିଅ। ବେଜେଲଗ୍ରେଟ ଗୁଳିରେ ଅର୍ଜୁନ ରାଉତ ସହିଦ ହୋଇଥିଲେ। ପରେ ଉତେକ୍ତ ଲୋକ ବାଡେଇ ମାରିଦେଇଥିଲେ ପରେ ଏହି ଘଟଣାରେ ରଘୁଦିବାକର ଙ୍କୁ ଫାଇସି ହୋଇଥିଲା। କିନ୍ତୁ ଆଜି ପର୍ଯ୍ୟନ୍ତ ଅର୍ଜୁନ ରାତଉ କୁ ସହିଦ ଘୋଷଣା କରାଯାଇନଥିବାରୁ ପ୍ରେସକ୍ଲବ ସହିଦ ଦାବି କରିଛି। ସେହିପରି ରଣପୁର ଖିଲାମୁଣ୍ଡା ଏକ ଐାତିହାସି ପୀଠ ହୋଇଥିବା ବେଳେ ସରକାରଙ୍କର ଏଥିପ୍ରତି ଦୃଷ୍ଟି ପଡିନାହିଁ। ସେହିପରି ଅସୁରକୁମାରୀ ପୀଠ ରେ ପ୍ରତିଦିନ ଭିଡ ଜମୁଥିବା ବେଳେ ଏହି ପୀଠର ଏହି ପୀଟର ଉନ୍ନତି କରଣ ପାଇଁ ଓ ରଣପୁର କୁ ଏକ ସର୍ବଡିଭିଜନ କରେିବା ପାଇଁ ଦାବି ହୋଇଛି।

ରଣପୁର: ସବୁଆଡେ ଆଜି ପୁରୁଣା ବର୍ଷ ୨୦୨୩ କୁ ବିଦାୟ ଦେଇ ନୂତନ ବର୍ଷ ୨୦୨୪ କୁ ସ୍ୱାଗତ କରାଯାଇଛି। ଏହି ଅବସରରେ ଲୋକମାନେ ପରିବାର, ବନ୍ଧୁବର୍ଗଙ୍କୁ ନୂତନ ବର୍ଷର ଶୁଭେଚ୍ଛା ଓ ଅଭିନନ୍ଦନ ଜଣାଇବା ସହ ବିଭିନ୍ନ ସ୍ଥାନ ବୁଲି ଭୋଜି ଭାତରେ ମଜି ଥିଲେ।

ଓଡିଶାରେ ଦ୍ଵିତୀୟ ଶ୍ରୀ କ୍ଷେତ୍ର ଭାବେ ପରିଚିତ ରଣପୁର ଜଗନ୍ନାଥ ମନ୍ଦିରରେ ମଧ୍ୟ ଆଜି ହଜାର ହଜାର ଭକ୍ତଙ୍କ ସମାଗମ ଦେଖିବାକୁ ମିଳିଥିଲା। ନୂତନ ବର୍ଷରେ ଭକ୍ତମାନେ ଜଗତର ନାଥ ଜଗନ୍ନାଥଙ୍କୁ ଦର୍ଶନ କରି ନୂତନ ବର୍ଷଟି ଭଲରେ ବିତିବା ପାଇଁ ପ୍ରଭୁଙ୍କୁ ନିବେଦନ କରିଥିଲେ। ଏହି ସମୟରେ ରଣପୁର ବଜାରରେ ସାମୟିକ ଭାବେ ଟ୍ରାଫିକ ସମସ୍ୟା ଦେଖା ଦେଇଥିଲା।

ଅନ୍ୟ ପଟେ ବେଶ ଜଣାଶୁଣା ସୁନାଖଳା ନିକଟସ୍ଥ କୋଟଗଡ଼ ପାର୍କର ସୌନ୍ଦର୍ଯ୍ୟକୁ ଉପଭୋଗ କରିବା ପାଇଁ ଆଜି ଲକ୍ଷାଧିକ ଲୋକଙ୍କ ଭିଡ଼ ଲାଗିଥିବା ଦେଖିବାକୁ ମିଳି ଥିଲା।  ଏଥିପାଇଁ ପ୍ରାୟ ୪ ଘଣ୍ଟା ଧରି କୋଟଗଡ଼ ପାର୍କ ଠାରୁ ସୁନାଖଳା ପର୍ଯ୍ୟନ୍ତ ଏବଂ ସୁନାଖଳା ଠାରୁ ଖୋର୍ଦ୍ଧା-ନୟାଗଡ଼ ରାସ୍ତାରେ ଯାନବାହାନଗୁଡିକ ଅଟକି ରହିଥିଲା। ଏଥିପାଇଁ ଘଣ୍ଟା ଘଣ୍ଟା ଧରି ଟ୍ରାଫିକ ସମସ୍ୟା ଦେଖା ଦେଇଥିଲା, ଯାହା ଫଳରେ ଯାତ୍ରୀମାନେ ଯିବା ଆସିବାରେ ବହୁ ସମସ୍ୟାର ସମ୍ମୁଖୀନ ହୋଇଥିଲେ।

ଶେଷରେ ସୁନାଖଳା ଫାଣ୍ଡି ଅଧିକାରୀ ପ୍ରୀତି ପ୍ରକାଶ ମହାନ୍ତି ପାର୍କରେ ପହଞ୍ଚି ଲୋକମାନଙ୍କ ପ୍ରବେଶକୁ ବନ୍ଦ କରି ପାର୍କର ଗେଟ ବନ୍ଦ କରିଥିଲେ। ଏହା ସ୍ୱତେ ଟ୍ରାଫିକ ସମସ୍ୟା ନ କମିବାରୁ ରଣପୁର ଥାନାର ସହାୟତା ନେଇଥିଲେ। ଫଳରେ ରଣପୁର ପୋଲିସ ଓ ସୁନାଖଳା ଫାଣ୍ଡି ପୋଲିସ ମିଳିତ ଭାବେ ପାର୍କ ନିକଟକୁ ଯାଇ ଟ୍ରାଫିକ ସମସ୍ୟାକୁ ଧୀରେ ଧୀରେ ଆୟତ୍ତଧୀନ କରିବା ପାଇଁ ଚେଷ୍ଟା କରିଥିଲେ। ପ୍ରଶାସନ ଏଥି ପ୍ରତି ଦୃଷ୍ଟି ଦେଇ ଏହାର ସ୍ଥାୟୀ ସମସ୍ୟା କରିବା ପାଇଁ ଗାଡିଚାଳକ, ପର୍ଯ୍ୟଟକ ଓ ବୁଦ୍ଧିଜୀବୀମାନେ ଦାବି କରିଛନ୍ତି।

ରଣପୁର: ଗତ କାଲି ରାତିରେ ଅସୁସ୍ଥ ଦନ୍ତାର ମୃତ୍ୟୁ ହୋଇ ଯାଇଥିବା ଜଣା ପଡିଛି। ନୟାଗଡ଼ ଜିଲ୍ଲା ରଣପୁର ବନ ବିଭାଗ ଅଧୀନରେ ଥିବା କାଞ୍ଚନପୁର କାଜୁ ଜଙ୍ଗଲରେ ଏକ ଅସୁସ୍ଥ ଦନ୍ତା ହାତୀ କିଛି ଦିନ ହେବ ବୁଲୁ ଥିବା ଦେଖିବାକୁ ମିଳିଥିଲା। ଏ ନେଇ ସ୍ଥାନୀୟ ଗ୍ରାମବାସୀମାନେ ବନ ବିଭାଗରେ ଜଣାଇ ଥିଲେ। ବିଭିନ୍ନ ଗଣ ମାଧ୍ୟମରେ ମଧ୍ୟ ଏହି ଖବର ପରିବେଷଣ କରାଯାଇଥିଲା। ତୁରନ୍ତ ବନ ବିଭାଗ ହାତୀଟିକୁ ଟାଙ୍କୁ ଲାଇଜାର କରି ଚିକିତ୍ସା କରିବା ପାଇଁ ସ୍ଥାନୀୟ ଗ୍ରାମବାସୀମାନେ ଦାବି କରିଥିଲେ।

ଯାହା ଫଳରେ ଅସୁସ୍ଥ ଦନ୍ତାକୁ ଟ୍ରାଙ୍କୁଲାଇଜ କରି ଚିକିତ୍ସା କରିବା ଆରମ୍ଭ କରିଥିଲା ବନ ବିଭାଗ। ହାତୀକୁ ଚିକିତ୍ସା କରିବା ପାଇଁ ଭୁବନେଶ୍ୱରରୁ ସ୍ୱତନ୍ତ୍ର ବିଶେଷଜ୍ଞ ଦଳ ଆସିଥିଲେ। କିନ୍ତୁ ଗୋଟାଏ ଦିନ ଚିକିତ୍ସା କରି ସେମାନେ ସେଠାରୁ ପଳାଇ ଯାଇଥିଲେ।

ଚିକିତ୍ସା ପରେ ମଧ୍ୟ ହାତୀଟିର ଅବସ୍ଥାରେ କୌଣସି ଉନ୍ନତି ପରିଲକ୍ଷିତ ହୋଇ ନ ଥିଲା। ଏପରିକି ହାତୀଟି ଠିଆ ହେବା ପାଇଁ ଅସମର୍ଥ ହୋଇଥିଲା। ହାତୀର ଆଗ ପଟ ଗୋଡ଼ରେ ଗଭୀର କ୍ଷତ ସହ ସଂକ୍ରମଣ ଥିଲା। ଗତ କାଲି ରାତିରେ ଅସୁସ୍ଥ ଦନ୍ତା ହାତୀର ମୃତ୍ୟ ହୋଇଯାଇଥିବା ଜଣାପଡିଛି।

ରଣପୁର: ନୟାଗଡ ଜିଲ୍ଲା ରଣପୁର ବ୍ଲକ ରାଜସୁନାଖଳା “କାଉଁରୀ ମହୋତ୍ସବ” ପଞ୍ଚମ ବର୍ଷରେ ସଫଳତାର ସହ ପାଦ ଥାପିଛି। ଏହି ପଞ୍ଚମ ବର୍ଷର”କାଉଁରୀ ମହୋତ୍ସବ-୨୦୨୩” ପ୍ରଥମ ଦିବସର ମୁଖ୍ୟ ଅତିଥି ତଥା ଓଡ଼ିଶାର ରାଜ୍ୟପାଳ ରଘୁବର ଦାସଙ୍କ କରକମଳରେ ଉଦଘାଟିତ ହୋଇ ଯାଇଛି।

ମୁଖ୍ୟ ବକ୍ତା ଭାବେ ଜାତୀୟ ପର୍ଯ୍ୟଟକ ବିଭାଗର ଅଧ୍ୟକ୍ଷ ସମ୍ବିତ ପାତ୍ର, ସମ୍ମାନିତ ଅତିଥି ଭାବେ ନୟାଗଡ ଜିଲ୍ଲାପାଳ ରବିନ୍ଦ୍ରନାଥ ସାହୁ, ସେବା ଉତ୍ସବ ଅଧ୍ୟକ୍ଷ ଶିବରାମ ମହାପାତ୍ର, ରଣପୁର ବାର ଆସୋସିଏସନର ଅଧ୍ୟକ୍ଷ ଗିରିଜାକାନ୍ତ ମହାପାତ୍ର ପ୍ରମୁଖ ଯୋଗ ଦେଇଥିଲେ।

ଏହି ପରିପ୍ରେକ୍ଷୀରେ ରାଜସୁନାଖଳାର ଐତିହ୍ୟ ପରମ୍ପରା, ଶିକ୍ଷା, କଳା, ସଂସ୍କୃତି ଓ ଇତିହାସକୁ ନେଇ ଏକ ବାର୍ଷିକ ବିଶେଷାଙ୍କ ”କାଉଁରୀ” ଉନ୍ମୋଚିତ ହୋଇ ଯାଇଛି।  ରାଜସୁନାଖଳାକୁ ଭଲ ପାଉଥିବା ପ୍ରତ୍ୟେକ କବି, ଲେଖକ ତଥା ବାହୁ ମାନ୍ୟଗଣ୍ୟ ବ୍ୟକ୍ତିମାନଙ୍କର ଗଳ୍ପ, କବିତା ଆଦି ଏହି ପତ୍ରିକାରେ ସ୍ଥାନିତ ହୋଇଛି।

ରାଜସୁନାଖଳା ମହୋତ୍ସବ ପାଇଁ ନିର୍ଦ୍ଧିଷ୍ଟ ଜାଗା ଯୋଗାଇ ଦେବା ପାଇଁ ଜିଲ୍ଲାପାଳଙ୍କୁ ରଣପୁର ବାର ଆସୋସିଏସନର ଅଧ୍ୟକ୍ଷ ଗିରିଜା କାନ୍ତ ମହାପାତ୍ର ବକ୍ତବ୍ୟ ମାଧ୍ୟମରେ ନିବେଦନ କରିଥିଲେ।

ଏହି ଅବସରରେ ବିଭିନ କ୍ଷେତ୍ରରେ କୃତି ଅର୍ଜନ କରିଥିବା ପ୍ରତିଭାମାନଙ୍କୁ ରାଜ୍ୟପାଳ ସମ୍ବର୍ଦ୍ଧିତ କରିଥିଲେ। ଏହା ପରେ ମହୋତ୍ସବ କମିଟି ତରଫରୁ କମିଟିର ଅଧ୍ୟକ୍ଷ ଆର୍ତ୍ତତ୍ରାଣ ପ୍ରଧାନ ରାଜ୍ୟପାଳ ମହୋଦୟଙ୍କୁ ମୁମେଣ୍ଟମ ଉପହାର ଭାବେ ପ୍ରଦାନ କରିଥିଲେ।

ମହାମହିମ ରାଜ୍ୟପାଳ କହିଥିଲେ ଯେ ମୁଁ ଏଠି ଜନସାଧାରଣଙ୍କ ସେବକ ଭାବେ ଉପସ୍ଥିତ ଅଛି। ଶହୀଦ ରଘୁଦିବାକରଙ୍କ ସମେତ ସମସ୍ତ ସ୍ୱାଧୀନତା ସଂଗ୍ରାମୀଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ। ଉତ୍ସବ ବିନା ଜୀବନ ବ୍ୟର୍ଥ ଅଟେ। ତେଣୁ ସମୟ ସମୟରେ ଉତ୍ସବ କରି ଜୀବନକୁ ସାର୍ଥକ କରିବାର ଆବଶ୍ୟକତା ରହିଛି।

ଏହି ଉତ୍ସବ ମାଧ୍ୟମରେରେ ସଂସ୍କୃତି, ପ୍ରଥା, ପରମ୍ପରାର ପ୍ରଚାର ପ୍ରସାର ହୋଇ ପାରିଛି।  ଏହା ମାଧ୍ୟମରେ ସ୍ଥାନୀୟ କଳାକାରମାନଙ୍କ କଳା ପ୍ରଦର୍ଶନ କରିବାର ସୁଯୋଗ ମଧ୍ୟ ପାଇ ପାରନ୍ତି। ସଭାକାର୍ଯ୍ୟ ପରେ ବିଭିନ୍ନ ଆକର୍ଷଣୀୟ ସାଂସ୍କୃତିକ କାର୍ଯ୍ୟ ପରିବେଷଣ କରାଯାଇଥିଲା।