ଆନ୍ଧ୍ର-ଓଡିଶା ଉପକୂଳରେ ସୃଷ୍ଟ ଅବପାତ ଲଘୁଚାପର ରୂପ ନେଇଛି । ଫଳରେ ଗତକାଲିଠାରୁ ରାଜ୍ୟରେ ବର୍ଷା ଲାଗି ରହିଛି । ଗତକାଲି ଠାରୁ ମୌସୁମୀ ପୁଣି ସକ୍ରିୟ ହୋଇ ଉଠିଛି । ମନସୁନ ଟ୍ରପ ଲାଇନ ପ୍ରଭାବରେ ସାରା ରାଜ୍ୟରେ ବର୍ଷା ଆରମ୍ଭ ହୋଇଛି । ବିଶେଷ କରି ଉତର ଓ ଆଭ୍ୟନ୍ତରୀଣ ଓଡିଶାର ଏହାର ପ୍ରଭାବ ଅଧିକ ରହିବ । ଆହୁରି ତିନି ବର୍ଷା ବର୍ଷା ଲାଗି ରହିବ ବୋଲି ଆଂଚଳିକ ପାଣିପାଗ କେନ୍ଦ୍ର ତରଫରୁ ସୂଚନା ମିଳିଛି । ବର୍ଷା ପ୍ରଭାବରେ ଆଜି ସକାଳ 5ଟା ସୁଧା ପୁରୀରେ ସର୍ବାଧିକ 87 ମିମି ବର୍ଷା ରେକର୍ଡ ହୋଇଥିବା ବେଳେ ଭୁବନେଶ୍ୱରରେ 51 ମିମି, ଗୋପାଳପୁରରେ 26 ମିମି ଓ ଚାନ୍ଦବାଲିରେ 31 ମିମି ବର୍ଷା ରେକର୍ଡ ହୋଇଛି ।
