ଭୁବନେଶ୍ଵର: ନବରଙ୍ଗପୁର ଜିଲ୍ଲାର ଉମରକୋଟ ଠାରେ ନିର୍ବାଚନ ମଣ୍ଡଳୀ ଉନ୍ନୟନ କମିଟି ବୈଠକ ଅନୁଷ୍ଠିତ ହୋଇଛି। ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ ଏହି ବୈଠକରେ ଯୋଗ ଦେଇଥିଲେ। ଉମରକୋଟ ନିର୍ବାଚନ ମଣ୍ଡଳୀ ଅନ୍ତର୍ଗତ ଉମରକୋଟ ଓ ରାଇଘର ବ୍ଳକ ଉନ୍ନତି ପାଇଁ ବିଭିନ୍ନ ପ୍ରକଳ୍ପ କାର୍ଯ୍ୟକାରିତା ସମ୍ପର୍କ ରେ ଆଲୋଚନା କରାଯାଇଥିଲା।
ମନ୍ତ୍ରୀ ଶ୍ରୀ ଗଣ୍ଡ ବିଭିନ୍ନ ପ୍ରକଳ୍ପ ସମ୍ପର୍କରେ ଆଲୋଚନା କରି ବାକି ପଡ଼ିଥିବା ପ୍ରକଳ୍ପ କାର୍ଯ୍ୟ ଶୀଘ୍ର ଶେଷ କରିବାକୁ ନିର୍ଦ୍ଦେଶ ଦେଇଛନ୍ତି। ଏଥି ସହ ମନ୍ତୀ ଶ୍ରୀ ଗଣ୍ଡ ରାଇଘର ଓ ଉମରକୋଟ ବ୍ଲକ ର ଆବଶ୍ୟକତାକୁ ଦୃଷ୍ଟି ରେ ରଖି ଯେଉଁ ପ୍ରକଳ୍ପ ଆବଶ୍ୟକ, ତାର ତାଲିକା ପ୍ରସ୍ତୁତ କରିବାକୁ ନିର୍ଦେଶ ଦେଇଥିଲେ।
ଏହି ବୈଠକରେ ଅତିରିକ୍ତ ଜିଲ୍ଲପାଳ ତପନ ଖୁଣ୍ଟିଆ, ଅତିରିକ୍ତ ପ୍ରକଳ୍ପ ନିର୍ଦ୍ଦେଶକ ଯଦୁମଣି ନାୟକ, ରାଇଘର ବ୍ଳକ ସାଂସଦ ପ୍ରତିନିଧି ପ୍ରୀତି ସ୍ନିଗ୍ଧ ମହାପାତ୍ର, ଉମରକୋଟ ବ୍ଳକ ସାଂସଦ ପ୍ରତିନିଧି ରାମ ନାୟକ, ବିଡ଼ିଓ ଉମରକୋଟ ମନୋଜ ମେହେର, ରାଇଘର ଭାରପ୍ରାପ୍ତ ବିଡ଼ିଓ ତଥା ତହସିଲଦାର ରିତୁ ସିଂ , ଉମରକୋଟ ପୌର ପାଳିକା କାର୍ଯ୍ୟ ନିର୍ବାହୀ ଅଧିକାରୀ। ଆଲୋକ ଅନୁଗୁଲିଆ ଙ୍କ ସହ ଉଭୟ ବ୍ଳକ ର ସମସ୍ତ ବିଭାଗୀୟ ଅଧିକାରୀ ଉପସ୍ଥିତ ଥିଲେ।