ଖୋର୍ଦ୍ଧା: ଗୁରୁବାର ଅପରାହ୍ନରେ ଖୋର୍ଦ୍ଧା ଜିଲ୍ଲା କାର୍ଯ୍ୟାଳୟ ଓସ୍ୱାନ୍ ସମ୍ମିଳନୀ କକ୍ଷରେ ଅତିରିକ୍ତ ଜିଲ୍ଲାପାଳ, ପ୍ରଶାସନ ପ୍ରତାପ ଚନ୍ଦ୍ର ବେଉରାଙ୍କ ଅଧ୍ୟକ୍ଷତାରେ ଆସନ୍ତା ଅକ୍ଟୋବର ମାସ ୨୨ ରୁ ୩୦ ତାରିଖରେ ଅଗ୍ନିବୀର ଅଧିନ ସୈନ୍ୟ ବାହିନୀରେ ନିଯୁକ୍ତି ନିମନ୍ତେ ଶାରୀରିକ ଓମେଡିକାଲ ପରୀକ୍ଷା ଅନୁଷ୍ଠିତ ହେବ। ଯେଉଁ ପ୍ରତିଯୋଗୀମାନେ ଲିଖିତ ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି, ସେହି ଯୁବକ ମାନେ କେବଳ ଉକ୍ତ ରାଲିରେ ଯୋଗଦେଇ ପାରିବେ। ପ୍ରତିଯୋଗୀ ମାନଙ୍କର ଦୌଡ଼ ପରୀକ୍ଷା, ଶାରୀରିକ ପରୀକ୍ଷା ଏବଂ ପରେ ମେଡିକାଲ ପରୀକ୍ଷା କରାଯିବ। ଯେଉଁ ମାନେ ସମସ୍ତ ପରୀକ୍ଷାରେ କୃତକାର୍ଯ୍ୟ ହେବେ ସେମାନଙ୍କୁ ନିଯୁକ୍ତି ମିଳିବ।
ଏହି ପରୀକ୍ଷା ସୈନ୍ୟ ବାହିନୀ ନିଯୁକ୍ତି ପରୀକ୍ଷା ଆର୍ମି ରିକୃତ୍ମେଣ୍ଟ କାର୍ଯ୍ୟାଳୟ କଟକ କରାଇବେ। ଏହା ସମ୍ପୂର୍ଣ୍ଣ ଦକ୍ଷତା ଓ ପାରଦର୍ଶିତା ଭିତିରେ ଅନୁଷ୍ଠିତ ହେବ। ଏଥିପାଇଁ କୌଣସି ଲାଞ୍ଚ ଵା କାହା ପ୍ରରୋଚନାରେ ନିଯୁକ୍ତି ମିଳେ ନାହିଁ ବୋଲି ଆଜି ଅତିରିକ୍ତ ଜିଲ୍ଲାପାଳ ଶ୍ରୀ ବେଉରା ପ୍ରକାଶ କରିବା ସହ କର୍ଣ୍ଣେଲ ପ୍ରସନ୍ନ, ଆର୍ମି ରୀକୃତ୍ମେଣ୍ଟ ଅଫିସ୍ ନିର୍ଦେଶକ, କଟକ ପ୍ରକାଶ କରିଛନ୍ତି।
ଆସନ୍ତା ଅକ୍ଟୋବର ମାସରେ ହେବାକୁ ଥିବା ଏହି ସୈନ୍ୟ ବାହିନୀ ନିଯୁକ୍ତି ପ୍ରକ୍ରିୟା କୁ ସୁଚାରୁରୂପେ ସମ୍ପାଦନ ନିମନ୍ତେ ବାରିକେଡ଼ିଂ,ଆଶୁ ଚିକିତ୍ସା ବ୍ୟବସ୍ଥା, ନିର୍ବାହୀ ମାଜିଷ୍ଟ୍ରେଟ ନିଯୁକ୍ତି , ବସ୍ ଯୋଗାଣ,ମାଇକ ବ୍ୟବସ୍ଥା, ସତର୍କ ସୂଚନା ହୋଡ଼ିଂ ଓ ବି ଏମ୍ ସି ପରିମଳ ଗାଡ଼ିରେ ଅଡିଓ ଜୀଙ୍ଗିଲ ସୂଚନା ବଜାଇବା, ଆଇନଶ୍ରୁଙ୍ଖଳା ପାଇଁ ପୋଲିସ ବ୍ୟବସ୍ଥା, ବିଜୁଳି ଯୋଗାଣ ଓ ଆଳୋକି କରଣ, ଇଣ୍ଟରନେଟ ସେବା, ପାନୀୟଜଳ, ବାୟୋ ଟୟେଲେଟ, ପଡିଆ ସଫା ସୁତରା ଆଦି ବିଭିନ୍ନ କାର୍ଯ୍ୟ ସହଯୋଗ ଯୋଗାଇ ଦେବାକୁ ଶ୍ରୀ ବେଉରା ସଂପୃକ୍ତ ବିଭାଗୀୟ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଥିଲେ।
ବୈଠକରେ ଅନ୍ୟ ମାନଙ୍କ ମଧ୍ୟରେ ଉପାୟୂକ୍ତ,ବି.ଏମ.ସି, ରଶ୍ମିରେଖା ପ୍ରଧାନ, ଜିଲ୍ଲା ମୁଖ୍ୟ ଚିକିତ୍ସା ଓ ଜନସ୍ୱାସ୍ଥ୍ୟ ଅଧିକାରୀ, ଡାକ୍ତର ସଞ୍ଜୟ ଚନ୍ଦ୍ର ରାୟ, ଡେପୁଟି କଲେକ୍ଟର, ସାଧାରଣ ଓ ବିବିଧ,ପ୍ରଧାନ ଟୁଲିଆମା, ଜିଲ୍ଲା ଦକ୍ଷତା ବିକାଶ ତଥା ନିଯୁକ୍ତି ଅଧିକାରୀ ସୁବାସ ଚନ୍ଦ୍ର ବେହେରା, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଲକ୍ଷ୍ମଣ କୁମାର ବେହେରା,ଏ ସି ପି,ଡି ଆଇ ବି, ଭୁବନେଶ୍ୱର କମଳ ଲୋଚନ ଭୂୟାଁ, ଅତିରିକ୍ତ ଆଞ୍ଚଳିକ ପରିବହନ ଅଧିକାରୀ ଅମରେନ୍ଦ୍ର ନାୟକଙ୍କ ନିର୍ବାହୀ ଯନ୍ତ୍ରୀ,ପୂର୍ତ୍ତ, ଭୁବନେଶ୍ୱର ଇଁ ପ୍ରମୋଦ କୁମାର ପ୍ରଧାନ ଙ୍କ ସମେତ ସଂପୃକ୍ତ କାର୍ଯ୍ୟନ୍ଵୟନ ବିଭାଗ ଅଧିକାରୀ ଏବଂ ଲାଇନ୍ ଡିପାର୍ଟମେଣ୍ଟ ଅଧିକାରୀ ଯୋଗ ଦେଇଥିଲେ।