ଭୁବନେଶ୍ବର: ବିଜେଡି କେବେ ବି ଏନଡିଏର ଉପରାଷ୍ଟ୍ରପତି ପ୍ରାର୍ଥୀଙ୍କୁ ସମର୍ଥନ କରିବ ନାହିଁ। ଏହିପରି ଏକ ଘୋଷଣା କରିଛନ୍ତି ବିଜେଡି ନେତା ତଥା ପୂର୍ବତନ ସାଂସଦ ମହେଶ ସାହୁ। ଆଜି ଗଣମାଧ୍ୟମକୁ ଏକ ସାକ୍ଷାତକାର ଦେଇ ସେ କହିଛନ୍ତି ଯେ, ଉପରାଷ୍ଟ୍ରପତି ନିର୍ବାଚନରେ ଏନଡିଏକୁ ବିଜେଡି ସମର୍ଥନ କରିବ ନାହିଁ। ରାଷ୍ଟ୍ରପତି ନିର୍ବାଚନରେ ଓଡିଶାରୁ ଦ୍ରୌପଦୀ ମୁର୍ମୁ ପ୍ରାର୍ଥୀ ହୋଇଥିବାରୁ ତାଙ୍କୁ ସମର୍ଥନ କରିଥିଲୁ। ହେଲେ ବର୍ତ୍ତମାନ ସେହି ପରିସ୍ଥିତି ନାହିଁ।
ସେ ଆହୁରି କହିଛନ୍ତି ଯେ, ୱାକଫ ବିଲ ଉପରେ ଦଳର ନିଷ୍ପତି କଣ ଥିଲା ତାହା ବର୍ତ୍ତମାନ ଆଲୋଚ୍ୟର ବିଷୟ ନୁହେଁ। ହେଲେ ଉପରାଷ୍ଟ୍ରପତି ନିର୍ବାଚନ ଭିନ୍ନ କଥା। ଏଥିରେ ଦଳ ଆଉ ସମର୍ଥନ କରିବ ନାହିଁବୋଲି ସେ ରୋକଠକ କହିଛନ୍ତି। ତେବେ ଏହି ବିଜେଡି ଦଳର ନିଷ୍ପତି ନା ଆପଣଙ୍କ ନିଷ୍ପତି ସେ ନେଇ ମହେଶ କିଛି କହି ନ ଥିଲେ। ତେବେ ତାଙ୍କ କଥା ଅନୁସାରେ ବିଜେଡି ପ୍ରକୃତରେ ବିରୋଧ କରିବ କି ସମର୍ଥନ କରିବ ସେ ନେଇ ସ୍ପଷ୍ଟତା ଆସିପାରି ନାହିଁ।