ଭୁବନେଶ୍ବର: ଭୋଟ ଚୋରିର ପର୍ଦ୍ଦାଫାସ କରି ସାରା ଭାରତବର୍ଷରେ ଆଲୋଡନ ସୃଷ୍ଟି କରିଥିବା ଲୋକସଭାର ବିରୋଧୀ ଦଳ ନେତା ରାହୁଳ ଗାନ୍ଧୀଙ୍କ ବିହାରରେ “ ଭୋଟ ଅଧିକାର ଯାତ୍ରା ” ବର୍ତ୍ତମାନ ବିପୁଳ ଜନ ସମର୍ଥନ ହାସଲ କରୁଛି। ଏହି ପରିପ୍ରେଷୀରେ ଅସହିଷ୍ଣ୍ଣୁ ବିଜେପି ଦଳ ହୀନ ଚକ୍ରାନ୍ତ କରି ରାଜ୍ୟରେ ହିଂସାକାଣ୍ଡ ଭିଆଊଛି। ଯାହାର ଊଦାହରଣ ଆଜି ବିହାରରେ ଘଟିଥିବା ଘଟଣାରୁ ଜଣାଯାଊଛି ବୋଲି କହିଛି କଂଗ୍ରେସ। ଗତ ୨୭ ତାରିଖ ରାହୁଳ ଗାନ୍ଧୀଙ୍କ ଭୋଟ ଅଧିକାର ଯାତ୍ରାକୁ ଭଣ୍ଡୁର କରିବା ପାଇଁ ବିହାରରେ ବିଜେପି ତାର ସଂଖ୍ୟାଲଘୁ ବିଭାଗର ଜଣେ କର୍ମୀଙ୍କୁ ନିୟୋଜିତ କରିଥିଲା ବୋଲି କଂଗ୍ରେସ କହିଛି।
ଊକ୍ତ କର୍ମୀ ପ୍ରଧାନମନ୍ତ୍ରୀଙ୍କର ସ୍ୱର୍ଗୀୟା ମାଆଙ୍କୁ ଗାଳି ଦେଇଥିଲା। ସଦାକତ ଆଶ୍ରମ ଯାହା କି ଏବେ ପ୍ରଦେଶ କଂଗ୍ରେସ କାର୍ଯ୍ୟାଳୟ ଭାବେ କାର୍ଯ୍ୟ କରୁଛି ଏବଂ ଉକ୍ତ ଆଶ୍ରମ ଏକଦା ଭାରତର ପ୍ରଥମ ରାଷ୍ଟ୍ରପତି ଡକ୍ଟର ରାଜେନ୍ଦ୍ର ପ୍ରସାଦଙ୍କର ବାସଭବନ ଥିଲା। ସେଠାରେ ଆଜି ବିଜେପିର ଗୁଣ୍ଡାବାହିନୀ ପ୍ରବେଶ କରି ବ୍ୟାପକ ହିଂସାକାଣ୍ଡ ଭିଆଇବା ସହ ଭଙ୍ଗାରୁଜା କରିଥିଲେ।।
ଏହି ଘଟଣାକୁ ପାଟନା ଗସ୍ତରେ ଥିବା ଓଡିଶା ପ୍ରଦେଶ କଂଗ୍ରେସ ସଭାପତି ଭକ୍ତ ଚରଣ ଦାସ ଆଜି ପାଟନାଠାରେ ବରିଷ୍ଟ କଂଗ୍ରେସ ନେତୃବୃନ୍ଦଙ୍କ ଊପସ୍ଥିତିରେ ସାମ୍ବାଦିକ ସମ୍ମଳନୀରେ ଦୃଢ ନିନ୍ଦା କରିଛନ୍ତି। ସେ କହିଥିଲେ ଗତ ୨୭ ତାରିଖ ଦରଭଙ୍ଗାରେ ରାଲି ସମୟରେ ପ୍ରଧାନମନ୍ତ୍ରୀ ମୋଦୀ ଏବଂ ତାଙ୍କ ମାଆଙ୍କ ପାଇଁ ଅପମାନଜନକ ଶବ୍ଦ ବ୍ୟବହାର କରିଥିଲେ ଉକ୍ତ ବିଜେପି କର୍ମୀ। ଏହି ସମୟରେ ରାହୁଲ ଗାନ୍ଧୀ ଉପସ୍ଥିତ ନ ଥିଲେ।
ସାଧାରଣ ଜନତା ଏଭଳି ଘଟଣାରେ କେବେ ବି ବିଜେପିକୁ କ୍ଷମା ଦେବେ ନାହିଁ। ବିଜେପିର ଏହି ହୀନ ଚକ୍ରାନ୍ତ ଆଜି ସମସ୍ତଙ୍କ ସାମନାକୁ ଚାଲି ଆସିଛି। ବିଜେପିର ଅସଲ ଚରିତ୍ର ଓ ଚେହେରା ଆଜି ଆଉ କାହାକୁ ଅଛପା ନାହିଁ। ବିଜେପି ସଂଙ୍ଖ୍ୟାଲଘୁ ସେଲର ଜଣେ କର୍ମୀଙ୍କୁ ଏଭଳି କାର୍ଯ୍ୟରେ ନିୟୋଜିତ କରି ନିଜର ସ୍ବରୂପକୁ ପଦାରେ ପକାଇଛି। ସୋସିଆଲ ମିଡିଆରେ ବିଜେପି ସଂଙ୍ଖ୍ୟା ଲଗୁ ବିଭାଗର ସଂପୃକ୍ତ କର୍ମୀଙ୍କ ଫଟୋ ବିଜେପିର ପୂର୍ବତନ ମୁଖ୍ୟମନ୍ତ୍ରୀ ତଥା କେନ୍ଦ୍ର ମନ୍ତ୍ରୀ ଶିବରାଜ ସିଂହ ଚୌହାନ ଏବଂ ଅନ୍ୟ ବିଜେପି ନେତାମାନଙ୍କ ସହିତ ଘୂରିବୁଲୁଛି।