ଭୁବନେଶ୍ବର: ପୁରୀ ରଥାଯାତ୍ରାରେ ବ୍ୟବହୃତ ରଥର ତିନୋଟି ଚକା ବର୍ତ୍ତମାନ ଭାରତର ସଂସଦରେ ସ୍ଥାନିତ ହେବ। ଏ ନେଇ ଲୋକସଭା ବାଚସ୍ପତି ଓମ ବିର୍ଲା ସମ୍ମତି ପ୍ରଦାନ କରିଛନ୍ତି। ଫଳରେ ଏହା ଏକ ବଡ ଐତିହାସିକ ଘଟଣା ହେବ ବୋଲି କୁହାଯାଉଛି।
ଓମ ବିର୍ଲା ବର୍ତ୍ତମାନ ଓଡିଶା ଗସ୍ତରେ ଅଛନ୍ତି। ସେ ଏହି ଗସ୍ତ ସମୟରେ ପୁରୀ ଯାଇ ଶ୍ରୀମନ୍ଦିରରେ ଶ୍ରୀଜିୟୁଙ୍କୁ ଦର୍ଶନ କରିଥିଲେ। ସେଠାରେ ଶ୍ରୀମନ୍ଦିର ପ୍ରଶାସନ ତରଫରୁ ତାଙ୍କୁ ସ୍ବାଗତ କରାଯିବା ସହିତ ରଥଯାତ୍ରାରେ ବ୍ୟବହୃତ ରଥ ଚକା ସଂସଦରେ ସ୍ଥାପନ କରିବା ପାଇଁ ପ୍ରସ୍ତାବ ଦିଆଯାଇଥିଲା। ଏଥିରେ ସେ ରାଜି ହୋଇଛନ୍ତି। ଖୁବ ଶିଘ୍ର ଏହା କାର୍ଯ୍ୟକାରୀ ହେବ ବୋଲି ଜଣାପଡିଛି।
ବର୍ତ୍ତମାନ ପୁରୀରେ ତିନି ରଥର ଭଙ୍ଗା କାର୍ଯ୍ୟ ଚାଲିଛି। ଏହାର ବିଭିନ୍ନ ଅଂଶକୁ ଶ୍ରୀମନ୍ଦିର ପ୍ରଶାସନ ତରଫରୁ ନିଲାମ କରାଯାଉଛି। ଯେଉଁମାନେ ଏହାକୁ ଭକ୍ତିମାର୍ଗରେ ବ୍ୟବହାର କରିବେ ତାଙ୍କୁ ଦିଆଯିବ ବୋଲି ନିୟମ ରହିଛି। ସେହି ହିସାବରେ ପ୍ରଭୃ ଜଗନ୍ନାଥଙ୍କ ଏହି ରଥଚକା ସଂସଦ ଭବନରେ ସ୍ଥାପନ କରାଯଯିବ।