The Samikhsya Desk: କାହାର ଭାଗ୍ୟ କେତେବେଳେ କଣ ହେବ ତାହା କହି ହେବ ନାହିଁ। ସେ ଦିଲ୍ଲୀରେ କନେଷ୍ଟବଳ ଚାକିରୀ କରିଥିଲେ। ପରେ ସେ ପଦନ୍ନୋତି ପାଇ ହେଡ କନେଷ୍ଠବଳ ହେଲେ। କିନ୍ତୁ ଆଶ୍ଚର୍ଯ୍ୟର କଥା ସେ ପରେ ହେଲେ କଲେକ୍ଟର। କନେଷ୍ଟବଳ ରୁ କଲେକ୍ଟର ଏହି କଥାଟି ନିଶ୍ଚିତ ସମସ୍ତଙ୍କୁ ବଡ ଅଜବ ଲାଗୁଥିବା। କିନ୍ତୁ କଥାଟି ସତ। ଆସନ୍ତୁ ଜାଣିବା କନେଷ୍ଟବଳରୁ ଜଣେ କିପରି କଲେକ୍ଟର ହେଲେ।
ସେ ହେଉଛନ୍ତି ରାଜସ୍ଥାନର ଏକ ଅଖ୍ୟାତ ପଲ୍ଲୀରେ ଜନ୍ମ ଗ୍ରହଣ କରିଥିବା ରାମ ଭଜନ କୁମାର। ବାପା ଶ୍ରମିକ ଭାବେ କାମ କରନ୍ତି। ଘରେ ଦୁଇଥର ଖାଇବା ସେହି ପରିବାର ପାଇଁ ବଡ କଷ୍ଟକର। ପୁଅ ରାମ ଭାଜନଙ୍କୁ ପାଠ ପଢାଇବା ବାପାମାଙ୍କ ପାଖରେ ବଡ କଷ୍ଟ ଦାୟକ ଥିଲା। ହେଲେ ସେମାନେ ନିଷ୍ପତି କଲେ ଯେ, ଯେପରି ହେଉ ପୁଅ ପାଠ ପଢାଇବୁ। ଚାକିରୀ କରୁ କିନ୍ତୁ ତାଙ୍କ ପରି ଶ୍ରମିକ ନ ହେଉ।
ତାହା ହିଁ ହେଲା ପୁଅ ପାଠ ପଢିଲା ଆଉ ବହୁ ଚେଷ୍ଠା ପରେ ସେ ଦିଲ୍ଲୀରେ କନେଷ୍ଠବଳ ଚାକିରୀ ପାଇଲା। ପରବର୍ତ୍ତି ସମୟରେ ସେ ହେଲେ ହେଡ କନେଷ୍ଠବଳ। ତେବେ ଚାକିରୀ ଭିତରେ ସେ ଆଇଏଏସ ପରୀକ୍ଷା ଦେଲେ ଆଉ ଭାଗ୍ୟ ସାଥ ଦେଲା ସେ ତାହା ପାଇଗଲେ। ତେବେ ଥରେ ନୁହେଁ ଆପଣ ଜାଣିଲେ ଆଶ୍ଚର୍ଯ୍ୟ ହେବେ ସେ ଆଠ ଥର ଆଇଏଏସ ପରୀକ୍ଷା ଦେଇଛନ୍ତି। ହେଲେ ସେ ସବୁ ସମୟରେ ଫେଲ ମାରିଛନ୍ତି। କିନ୍ତୁ ଗତଥର ସେ ଏହି ପରୀକ୍ଷା ଦେଇ ଆଇଏଏସ ଅଫିସର ବନିଯାଇଛନ୍ତି।
ରାମ ଭଜନ କହନ୍ତି ଯେ, ତାଙ୍କର ଜଣେ କନେଷ୍ଠବଳ ବନ୍ଧୁ ଏହିପରି ଆଇଏଏସ ଦେଇ ସଫଳ ହୋଇଥିଲେ। ତାଙ୍କ ଦ୍ବାରା ଅନୁପ୍ରାଣୀତ ହୋଇ ମୁଁ ମଧ୍ୟ ପରୀକ୍ଷା ଦେଲି। ହେଲେ ପାଇଲି ନାହିଁ। ତେବେ ମୋରି ଆଇଏଏସ ହେବାର ନିଶା ଜୋର ଧରିଥିଲା। ହତାଶ ନ ହୋଇ ବାରମ୍ବାର ପରୀକ୍ଷା ଦେଲି। ଆଠଥର ପରୀକ୍ଷା ଦେବା ପରେ ଏଥିରେ ମୁଁ ସଫଳ ହେଲି। ରାମ ଭଜନଙ୍କ ଏହି ଉଦ୍ୟମକୁ ନେଇ ସମସ୍ତେ ବେଶ ପ୍ରଶଂସା କରୁଛନ୍ତି।
Read More- East Coast Railway Wins 4th Senior Men’s Hockey State Championship 2025