The Samikhsya Desk: ଶୁକ୍ରବାର ଦିନ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଙ୍କ ଏକ ଫ଼ଟୋ ବେଶ ଚର୍ଚ୍ଚାକୁ ଆସିଛି। ବେଶ ଭାଇରାଲ ମଧ୍ୟ ହୋଇଛି। ସେହି ଫଟୋରେ ନିର୍ମଳା ଲୋକମାନଙ୍କୁ ଖାଦ୍ୟ ପରିବେଷଣ ଦେଖିବାକୁ ମିଳିଛି। ସେ ହେଉଛନ୍ତି ଦେଶର ଅର୍ଥମନ୍ତ୍ରୀ ହେଲେ ତାଙ୍କୁ କାହିଁକି ଖାଦ୍ୟ ପରଷିବା କାମ କରିବାକୁ ପଡିଲା ବୋଲି ପ୍ରଶ୍ନ ସୃଷ୍ଟି ହୋଇଛି। ସମସ୍ତେ ଏହାର କାରଣ କଣ ଜାଣିବାକୁ ଆଗ୍ରହୀ ହେବାରେ ଲାଗିଛନ୍ତି।
ତେବେ ପ୍ରକୃତ କଥା ହେଲା ସୀତାରମଣ ତାଙ୍କ ପରିବାର ସହିତ ତିରୁମାଲାର ଭଗବାନ ଭେଙ୍କଟେଶ୍ୱରଙ୍କ ମନ୍ଦିର ଦର୍ଶନରେ ଯାଇଥିଲେ। ସେଠାରେ ସେ ପ୍ରାର୍ଥନା କରିଥିଲେ। ତିରୁମାଲ ତିରୁପତି ଦେବସ୍ଥାନମ (ଟିଟିଡି)ର ଅତିରିକ୍ତ କାର୍ଯ୍ୟନିର୍ବାହୀ ଅଧିକାରୀ ଭେନକାଇ ଚୌଧୁରୀ କେନ୍ଦ୍ରମନ୍ତ୍ରୀଙ୍କୁ ସ୍ୱାଗତ କରିଥିଲେ ଏବଂ ତାଙ୍କ ସହିତ ଦର୍ଶନ ପାଇଁ ଗର୍ଭଗୃହକୁ ଯାଇଥିଲେ।
ଦର୍ଶନ ପରେ ବୈଦିକ ପଣ୍ଡିତମାନେ ରଙ୍ଗନାୟକକୁଲା ମଣ୍ଡପମରେ ବେଦସୀରବଚନମ୍ ପରିବେଷଣ କରିଥିଲେ। ଏହା ହେଉଛି ପଣ୍ଡିତମାନେ ତାଙ୍କୁ ବେଦମନ୍ତ୍ର ପାଠ କରି ଶକ୍ତି ବୃଦ୍ଧି ଆର୍ଶିବାଦ କରିଥିଲେ। ଏହାପରେ ମନ୍ଦିର କର୍ତ୍ତୃପକ୍ଷ ତାଙ୍କୁ ତୀର୍ଥ ପ୍ରସାଦମ୍ ପ୍ରଦାନ କରିଥିଲେ। ଏଥିରେ ସୀତାରମଣ ଭକ୍ତ ତଥା ପଣ୍ଡିତମାନଙ୍କୁ ପ୍ରସାଦ ପରିବେଷଣ କରିଥିଲେ। ଏହି କାର୍ଯ୍ୟରେ ମନ୍ଦିର କର୍ତ୍ତୁପକ୍ଷ ସମସ୍ତ ସାହାଯ୍ୟ ଯୋଗାଇ ଦେଇଥିଲେ।