ଖୋର୍ଦ୍ଧା: ଭାରତ ସରକାରଙ୍କ ସଂସ୍କୃତି ମନ୍ତ୍ରାଳୟ ପକ୍ଷରୁ ଜିଲ୍ଲା ସ୍ତରୀୟ ସେବା ପର୍ବ – ୨୦୨୫ ମାନକ ପରିଚାଳନା ପ୍ରକ୍ରିୟା ଅନୁଯାୟୀ ଆସନ୍ତା ୨୦ .୦୯.୨୦୨୫ ରିଖ ରେ ଜିଲ୍ଲା ପ୍ରଶାସନ ପକ୍ଷରୁ ଏକ ଜିଲ୍ଲା ସ୍ତରୀୟ ଚିତ୍ରକଳା ପ୍ରତିଯୋଗିତା ଜିଲ୍ଲା ସଂସ୍କୃତି କାର୍ଯ୍ୟାଳୟ ପରିସରରେ ପୂର୍ବାହ୍ନ ୧୦.୦୦ ଘଟିକା ସମୟରେ ଅନୁଷ୍ଠିତ ହେବ। ଏହି ପ୍ରତିଯୋଗିତାରେ ପେଶାଦାର ସ୍ଥାନୀୟ ଚିତ୍ର ଶିଳ୍ପୀ ମାନେ ଅଂଶ ଗ୍ରହଣ କରିବେ। କୌଣସି ବିଦ୍ୟାଳୟ, ମହାବିଦ୍ୟାଳୟ ବା ବିଶ୍ୱବିଦ୍ୟାଳୟ ପ୍ରତିଯୋଗୀ ଉକ୍ତ ପ୍ରତିଯୋଗିତାରେ ଅଂଶ ଗ୍ରହଣ କରି ପାରିବେ ନାହିଁ।
ବିକଶିତ ଭାରତ ୨୦୪୭ ଯାହାକି ସ୍ବାଧୀନତାର ୧୦୦ ବର୍ଷ ପୂର୍ତ୍ତିରେ ଏକ ବିକଶିତ ସମାବେଶୀ ଓ ସ୍ୱୟଂ ନିର୍ଭର ଭାରତ ଗଠନର ଦୃଷ୍ଟି କୋଣକୁ ଆଖି ଆଗରେ ରଖି ବିଷୟବସ୍ତୁ “ଭାରତର ପ୍ରଗତିକୁ ଆକାର ଦେଉଥିବା ନବସୃଜନ ଏବଂ ପ୍ରଯୁକ୍ତି ବିଦ୍ୟା /ସବୁଜ ଓ ସ୍ଥାୟୀ ବିକାଶର ମଡେଲ/ନାରୀ ସଶକ୍ତିକରଣ ଓ ଯୁବ ନେତୃତ୍ବ/ସାଂସ୍କୃତିକ ପରମ୍ପରାର ସରଂକ୍ଷଣ ଏବଂ ପ୍ରଚାର / ଶାନ୍ତି, ସଦୟତା ଏବଂ ଜ୍ଞାନରେ ବିଶ୍ୱଗୁରୁ ଭାରତ ଆଦି ବିଷୟ ଗୁଡ଼ିକ ଉପରେ ଚିତ୍ର କଳା ପ୍ରତିଯୋଗିତା ଅନୁଷ୍ଠିତ ହେବ। ଶ୍ରେଷ୍ଠ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ଚିତ୍ର ଶିଳ୍ପୀମାନେ ଆସନ୍ତା ୨୫ ସେପ୍ଟେମ୍ବର ୨୦୨୫ରେ ଭୁବନେଶ୍ଵରଠାରେ ରାଜ୍ୟ ସ୍ତରୀୟ ପ୍ରତିଯୋଗିତାରେ ଅଂଶ ଗ୍ରହଣ କରିବେ।
ଚିତ୍ରକଳା ପ୍ରତିଯୋଗିତାରେ ଭାଗ ନେବାକୁ ଚାହୁଁ ଥିବା ଆଗ୍ରହୀ ପ୍ରତିଯୋଗୀମାନେ dcokhordha@gmail.com କୁ ଇ – ମେଲ୍ କରିପାରିବେ କିମ୍ବା ଫୋନ୍ ୭୯୭୮୦୩୧୫୦୪ ମାଧ୍ୟମରେ ବିସ୍ତୃତ ସବିଶେଷ ସୂଚନା ଓ ତଥ୍ୟ ସଂଗ୍ରହ କରି ପାରିବେ ବୋଲି ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲା ସଂସ୍କୃତି ଅଧିକାରୀ ଚୌଧୁରୀ ଅରବିନ୍ଦ ଦାସ ପ୍ରକାଶ କରିଛନ୍ତି।