ଭୁବନେଶ୍ଵର: ଭାରତୀୟ ଜନ ସଂଚାର ସଂସ୍ଥାନ-IIMCର କୁଳପତି ଡକ୍ଟର ପ୍ରଜ୍ଞା ପରିୱାଲ୍ ଗୌର ଢେଙ୍କାନାଳ କ୍ୟାମ୍ପସ ପରିଦର୍ଶନ କରିଛନ୍ତି। ଏହି ଅବସରରେ ସେ ନବସୃଜନ, ଷ୍ଟାର୍ଟ-ଅପ୍ ଏବଂ ଉଦ୍ୟୋଗିତାକୁ ପ୍ରୋତ୍ସାହିତ କରିବା ଲକ୍ଷ୍ୟରେ କ୍ୟାମ୍ପସ ପରିସରରେ ଇନକ୍ୟୁବେସନ୍ ସେଣ୍ଟରର ଉଦଘାଟନ କରିଛନ୍ତି। କୁଳପତି ଡକ୍ଟର ଗୌର କର୍ପୋରେଟ୍ କମ୍ୟୁନିକେସନ୍ ଏବଂ ବ୍ରାଣ୍ଡ ମ୍ୟାନେଜମେଣ୍ଟର ଛାତ୍ରଛାତ୍ରୀମାନଙ୍କ ଦ୍ୱାରା ଆୟୋଜିତ ଫଟୋଗ୍ରାଫି ପ୍ରଦର୍ଶନୀକୁ ଉଦଘାଟନ କରିବା ସହ ବନ ବିଭାଗ ସହ ମିଳିତ ଭାବେ ଆୟୋଜିତ କାର୍ଯ୍ୟକ୍ରମକୁ ପ୍ରଶଂସା କରିଥିଲେ।
ଏହି ଇନକ୍ୟୁବେସନ୍ ସେଣ୍ଟରକୁ କାର୍ଯ୍ୟକ୍ଷମ କରିବା ପାଇଁ ସମସ୍ତ ପ୍ରୟାସ କରାଯିବ ବୋଲି ଆଞ୍ଚଳିକ ନିର୍ଦ୍ଦେଶକ ପ୍ରଫେସର ଆନନ୍ଦ ପ୍ରଧାନ ସୂଚନା ଦେଇଥିଲେ। ପରେ, ଫଟୋଗ୍ରାଫି ପ୍ରତିଯୋଗିତାର ବିଜେତାମାନଙ୍କୁ ପୁରସ୍କୃତ କରାଯାଇଥିଲା।