ରାଜ୍ୟରେ ନୂତନ ଭାବରେ ୪ଟି ପ୍ଲାନେଟୋରିୟମ୍ ନିର୍ମାଣ ହେବ ବୋଲି ଜଣାପଡିଛି। ଆଜି ବିଧାନସଭାରେ ବିଭାଗୀୟ ମନ୍ତ୍ରୀ ଅଶୋକ ପଣ୍ଡା ଏହି ସୂଚନା ଦେଇଛନ୍ତି। ରାଜ୍ୟରେ ବର୍ତ୍ତମାନ ୨ଟି ପ୍ଲାନେଟୋରିୟମ୍ ରହିଥିବା ବେଳେ ନୂତନ ଭାବରେ ଗୋପାଳପୁର, ରାୟଗଡା, କେନ୍ଦୁଝର ଏବଂ ବାରିପଦାରେ ଏହି ପ୍ଳାନେଟୋରିୟମ୍ ନିର୍ମିତ ହେବ। ୩୦ କୋଟି ଟଙ୍କାର ବ୍ୟୟବରାଦରେ ଏହି ପ୍ଲାନେଟୋରିୟମ୍ ନିର୍ମିତ ହେବ ବୋଲି ମନ୍ତ୍ରୀ ଶ୍ରୀ ପଣ୍ଡା ସୂଚନା ଦେଇଛନ୍ତି। ଗୋପାଳପୁର ନିମନ୍ତେ ୯ କୋଟି ଟଙ୍କା ଅଟକଳ କରାଯାଇଥିବା ବେଳେ ଅନ୍ୟ ତିନୋଟି ପ୍ରକଳ୍ପ ନିମନ୍ତେ ୭ କୋଟିର ଅଟକଳ ରଖାଯାଇଛି। ଏହା ସହିତ ରାଜ୍ୟର ସମସ୍ତ ଜିଲ୍ଲାରେ ସାଇନ୍ସ ପାର୍କ ପ୍ରତିଷ୍ଠା କରାଯିବ ବୋଲି ଜଣାପଡିଛି। ପ୍ରାରମ୍ଭିକ ଭାବରେ ୧୦ଟି ସାଇନ୍ସ ପାର୍କର କାର୍ଯ୍ୟ ଆରମ୍ଭ କରାଯିବ ବୋଲି ଜଣାପଡିଛି।
Tags:
