କ୍ରମାଗତ ଦ୍ବିତୀୟ ଦିନ ପାଇଁ ଆକ୍ସନ୍ ମୋଡ୍ରେ ରହିଛି କମିଶନରେଟ ପୋଲିସ୍ । ବରଗଡର ଚିଲିପୋଖରୀ ଅଞ୍ଚଳରେ ସଙ୍ଗଠିତ ଏନ୍କାଉଣ୍ଟରରେ ପୋଲିସ୍ ଦୁଇ ଅପରାଧୀଙ୍କୁ ଗିରଫ କରିବାରେ ସକ୍ଷମ ହୋଇଛି । ଦୁଇ ଅପରାଧୀଙ୍କ ନାମ ସିପୁନ କବି ଏବଂ ହରେକୃଷ୍ଣ ସ୍ବାଇଁ ବୋଲି ଜଣାପଡିଛି । ଉଭୟଙ୍କ ନିକଟରୁ ପୋଲିସ୍ ଏକ ମାଉଜର, ଏକ ଖେଳନା ବନ୍ଧୁକ, ଗାଡି ଏବଂ ପଇସା ଜବତ କରିଛି । ପୋଲିସ୍କୁ ଦେଖି ଉଭୟ ଅପରାଧୀ ଖସିଯିବାକୁ ଉଦ୍ୟମ କରି ଗୁଳିଚାଳନା କରିଥିଲେ । ପୁଲିସ୍ ପକ୍ଷରୁ ପାଲଟା ଗୁଳିଚାଳନାରେ ଉଭୟ ଅପରାଧୀ ଆହତ ହୋଇଥିଲେ । ଉଭୟଙ୍କୁ ଏସ୍ସିବି ସ୍ଥାନାନ୍ତର କରାଯାଇଛି । ଉଲ୍ଳେଖଯୋଗ୍ୟ ଯେ, ଏହି ଦୁଇ ଅଭିଯୁକ୍ତ ଗତକାଲି ଏନ୍କାଉଣ୍ଟରରେ ଆହତ ଗ୍ୟାଙ୍ଗର ସଦସ୍ୟ ଅଟନ୍ତି ବୋଲି କମିଶନରେଟ୍ ପୋଲିସ୍ ପକ୍ଷରୁ କୁହାଯାଇଛି ।
Tags:
