ନୂଆଦିଲ୍ଲୀ: IPL-୨୦୨୬ ନିଲାମର କିଛି ସପ୍ତାହ ପୂର୍ବରୁ ଅଭିଷେକ ନାୟାରଙ୍କୁ କୋଲକାତା ନାଇଟ୍ ରାଇଡର୍ସର ମୁଖ୍ୟ ପ୍ରଶିକ୍ଷକ ନିଯୁକ୍ତ କରାଯାଇଛି। ସେ ଲଗାତାର ତିନି ସିଜନ ପାଇଁ KKR ର ମୁଖ୍ୟ ପ୍ରଶିକ୍ଷକ ଭାବରେ କାର୍ଯ୍ୟ କରିଥିବା ଚନ୍ଦ୍ରକାନ୍ତ ପଣ୍ଡିତଙ୍କ ସ୍ଥାନ ନେବେ। ଚନ୍ଦ୍ରକାନ୍ତ ଏହି ବର୍ଷ ଆରମ୍ଭରେ ମୁଖ୍ୟ ପ୍ରଶିକ୍ଷକ ପଦରୁ ଇସ୍ତଫା ଦେଇଥିଲେ, ଫ୍ରାଞ୍ଚାଇଜ୍ ନୂତନ ପ୍ରଶିକ୍ଷକ ଖୋଜିବାରେ ଲାଗି ପଡ଼ିଥିଲା। ଅଭିଷେକ କୋଲକାତା ଦଳକୁ ଫେରି ଆସୁଛନ୍ତି, ପୂର୍ବରୁ ସେ ପାଞ୍ଚ ବର୍ଷ ପାଇଁ KKR ସପୋର୍ଟ ଷ୍ଟାଫ୍ ର ଅଂଶ ଭାବରେ କାର୍ଯ୍ୟ କରିଥିଲେ।
୪୨ ବର୍ଷୀୟ ଅଭିଷେକ ନାୟାର ତାଙ୍କର ଅନନ୍ୟ ପ୍ରଶିକ୍ଷକ ଶୈଳୀ ପାଇଁ ଜଣାଶୁଣା। ନାୟାର ୨୦୨୫ ରେ KKR ପରିଚାଳନାର ଅଂଶ ନଥିଲେ, କିନ୍ତୁ ସେ IPL ୨୦୨୫ ସମୟରେ ଭାରତୀୟ କ୍ରିକେଟ୍ ଦଳର ସହାୟକ ପ୍ରଶିକ୍ଷକ ଭାବରେ କାର୍ଯ୍ୟ କରିଥିଲେ। ଉଲ୍ଲେଖନୀୟ ଯେ, ରୋହିତ ଶର୍ମା ସମ୍ପ୍ରତି ଅଭିଷେକ ନାୟାରଙ୍କ ସହିତ ତାଲିମ ନେଇଥିଲେ। ନାୟାର କହିଥିଲେ ଯେ, ରୋହିତ ଆଗାମୀ ମାସଗୁଡ଼ିକରେ ଅଧିକ ଓଜନ ହ୍ରାସ କରିପାରିବେ। KL ରାହୁଲ ଏବଂ ଶ୍ରେୟସ ଆୟର ମଧ୍ୟ ନାୟାରଙ୍କ ଅଧୀନରେ ତାଲିମ ନେଇଛନ୍ତି।
ଅଭିଷେକ ନାୟାର ପୂର୍ବରୁ KKR ପାଇଁ ସ୍କାଉଣ୍ଟିଂ କରିଛନ୍ତି। ସେ ରିଙ୍କୁ ସିଂହ ଏବଂ ହର୍ଷିତ ରାଣାଙ୍କ ଭଳି ଯୁବ ପ୍ରତିଭାଙ୍କୁ ଖୋଜିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି। ଏହି ବର୍ଷ ଭାରତୀୟ ଦଳର ସହାୟକ ପ୍ରଶିକ୍ଷକ ପଦ ଛାଡିବା ପରେ, ଅଭିଷେକ ନାୟାର WPL-୨୦୨୫ ରେ UP ୱାରିୟର୍ସର ମୁଖ୍ୟ ପ୍ରଶିକ୍ଷକ ଭାବରେ କାର୍ଯ୍ୟ କରିଥିଲେ। ଦୁର୍ଭାଗ୍ୟବଶତଃ, UP ଦଳ ଆଠଟି ମ୍ୟାଚ୍ ମଧ୍ୟରୁ କେବଳ ତିନୋଟିରେ ଜିତିଥିଲା ଏବଂ ଟେବୁଲର ସବୁଠାରୁ ତଳେ ଥିଲା।
କୋଲକାତା ନାଇଟ୍ ରାଇଡର୍ସ IPL-୨୦୨୫ ରେ ନିରାଶାଜନକ ପ୍ରଦର୍ଶନ କରିଥିଲା। ସେମାନେ ସିଜନରେ କେବଳ ପାଞ୍ଚଟି ବିଜୟ ପଞ୍ଜିକୃତ କରି ଟେବୁଲରେ ଅଷ୍ଟମ ସ୍ଥାନ ଅଧିକାର କରିଥିଲେ। ଏହି ପ୍ରଦର୍ଶନ ବିଶେଷ ଭାବରେ ନିରାଶାଜନକ ଥିଲା। କାରଣ KKR IPL-୨୦୨୪ ର ଟାଇଟଲ ଜିତିଥିଲା। ଡିଫେଣ୍ଡିଂ ଚାମ୍ପିଅନ୍ ହେବା ସତ୍ତ୍ୱେ, କୋଲକାତା ପ୍ଲେଅଫ ଠାରୁ ବହୁତ ଦୂରରେ ଥିଲା।
