ଦିଲ୍ଲୀ: ଆଫ୍ରିକୀୟ ମହାଦେଶରେ ଅବସ୍ଥିତ ମାଲିକୁ ଅଲକାଏଦା ଦଖଲ କରିବାର ଆଶଙ୍କା ବଢ଼ୁଛି। ଏହି ଦେଶଟି ଦୀର୍ଘ ସମୟ ଧରି ଆତଙ୍କବାଦୀ ହିଂସା ଏବଂ ଅବରୋଧର ସମ୍ମୁଖୀନ ହେଉଛି। ଏହି ସମୟରେ ଅଲକାଏଦା ଆତଙ୍କବାଦୀମାନେ ସୁଯୋଗ ଦେଖି ରାଜଧାନୀ ବମାକୋକୁ ଘେରି ଯାଇଛନ୍ତି, ରାଜଧାନୀକୁ ଇନ୍ଧନ ଯୋଗାଣ ବନ୍ଦ କରିଦେଇଛନ୍ତି। ଆଶଙ୍କା କରାଯାଉଛି ଯେ, ଅଲକାଏଦା ଖୁବ୍ ଶୀଘ୍ର ବମାକୋକୁ ଦଖଲ କରିବ।
ଏହା ସହିତ ସମଗ୍ର ମାଲି ଅଲକାଏଦା ନିୟନ୍ତ୍ରଣରେ ରହିବ। ସାଟେଲାଇଟ୍ ଚିତ୍ରଗୁଡ଼ିକ ମାଲିର ପେଟ୍ରୋଲ ପମ୍ପରେ ଯାନବାହାନର ଲମ୍ବା ଧାଡ଼ି ଦେଖାଉଛି। ଜମାତ ନୁସରତ ଅଲ-ଇସଲାମ ଓ୍ଵାଲ-ମୁସଲିମିନ (JNIM) ନାମକ ଏକ ଗୋଷ୍ଠୀ ବମାକୋକୁ ଦଖଲ କରିବା ଉଦ୍ଦେଶ୍ୟରେ ଇନ୍ଧନ ଯୋଗାଣ ବନ୍ଦ କରିଦେଇଛି। ସୂଚନା ଅନୁଯାୟୀ JNIM ମାଲିରେ ଏକ ବିଦ୍ରୋହ କରିବାକୁ ଏବଂ ଅସ୍ତ୍ରଶସ୍ତ୍ର ଏବଂ ପାଣ୍ଠି ସଂଗ୍ରହ କରିବାକୁ ଚାହୁଁଛି।