ରେଢ଼ାଖୋଲ (କନ୍ଦର୍ପ ବେହେରା): ସମ୍ବଲପୁର ଜିଲ୍ଲା ଚାରମାଳ ଓ ଯୁଯୁମୁରା ଥାନାର ବିଭିନ୍ନ ସ୍ଥାନରୁ ଗତ କିଛି ମାସ ହେଲା ଚୋରି ହେବା ଅଭିଯୋଗରେ ପୋଲିସ ୪ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି।
ଶନିବାର ସନ୍ଧ୍ୟାରେ ରେଢ଼ାଖୋଲ ଥାନାରେ ଏକ ସାମ୍ବାଦିକ ସମ୍ମିଳନୀରେ ରେଢ଼ାଖୋଲ ଏସ୍ଡ଼ିପିଓ ସୂଚନା ଦେଇ ପ୍ରକାଶ କରିଛନ୍ତି ଯେ, ଗତ ୧୯ ତାରିଖରେ ଚାରମାଳ ଥାନା ଅନ୍ତର୍ଗତ ପଣ୍ଡକିମାଳ ଗ୍ରାମର ଜଣେ ମହିଳାଙ୍କ ଘରୁ ସୁନାହାର ଓ କାନଫୁଲ ଚୋରି ହୋଇଥିଲା। ଏନେଇ ମହିଳା ଜଣଙ୍କ ଚାରମାଳ ଥାନାରେ ଅଭିଯୋଗ ପରେ ପୋଲିସ ଏଡିପିଓ ପ୍ରଶାନ୍ତ କୁମାର ମେହେରଙ୍କ ନିର୍ଦ୍ଦେଶ କ୍ରମେ ଯୁଯୁମୁରା ଓ ଚାରମାଳ ପୋଲିସର ଏକ ସ୍ୱତନ୍ତ୍ର ଟିମ୍ ଗଠନ କରିବା ସହ ତଦନ୍ତ କରି ବିଭିନ୍ନ ସ୍ଥାନରେ ଛାନ ଭିନ୍ କରି ଚୋରଦୁଇ ଜଣଙ୍କୁ ଗିରଫ କରିଥିଲେ।
ଗିରଫ ମାନେ ହେଲେ ସମ୍ବଲପୁର ଧନୁପାଲି ଥାନା ଅନ୍ତର୍ଗତ ଭଦ୍ରା ଗ୍ରାମର ବିମଳ ରାଜହଂସ ଓ ଅତୁଲ୍ୟ କର ଏହି ଦୁଇଜଣ ଚୋରି କରି ଚୋରି ସାମଗ୍ରୀ ସବୁ ଧନୁପାଲିର ବ୍ରାହ୍ମଣ ପଡ଼ାରେ ଦୁଇ ଟି ସୁନା ଦୋକାନରେ ବିକ୍ରି କରୁଥିଲେ। ଦୁଇ ସୁନା ଦୋକାନୀ ହେଲେ ସୁରଜ ସାହୁ ଓ ପରେସ ସାହୁ ସେମାନଙ୍କୁ ମଧ୍ୟ ପୋଲିସ ଗିରଫ କରିଛି। ଚୋରି ସୁନା ଗହଣା ସବୁ ଜବତ କରି ଶନିବାର ଅପରାହ୍ନ ୫ଟା ସମୟରେ କୋର୍ଟ ଚାଲାଣ କରାଯାଇଛି ବୋଲି ପୋଲିସ ଏସପିଓ ପ୍ରେସମିଟ୍ କରି ସୂଚନା ଦେଇଛନ୍ତି।