ବାଣପୁର: ଆଜି ସନ୍ଧ୍ୟାରେ ସ୍ଥାନୀୟ ଲୋକ ବାଣପୁର ପୋଲିସ ସହାୟତାରେ ଜାତୀୟ ରାଜପଥ ଉପରେ ଏକ କଣ୍ଟେନରରେ ବିପୁଳ ପରିମାଣର ଗୋ ମାଂସ ଜବତ ହୋଇଛି। ପ୍ରକାଶ ଥାଉକି ଜାତୀୟ ରାଜପଥ ଉପରେ ଡାଙ୍ଗୁଆ ଗ୍ରାମର ଜିତେନ୍ଦ୍ର ବିଶ୍ୱାଳ ମୋଟର ସାଇକେଲରେ ବାଲୁଗାଁ ଆସୁଥିବା ବେଳେ MH25AJ5330 ନମ୍ବର ଥିବା ଏକ କଣ୍ଟେନରରୁ ରକ୍ତ ଓ ପାଣି ଝରୁଥିବା ଦେଖି ସନ୍ଦେହ ହେବାରୁ ଗାଡିକୁ ପିଛା କରି ଗୋପୀନାଥପୁର ଛକ ପାଖରେ ସ୍ଥାନୀୟ ଲୋକଙ୍କ ସହାୟତରେ ଅଟକ ରଖି ୧୧୨କୁ କଲ କରି ପୋଲିସ ସହାୟତା ମାଗିଥିଲେ। ସ୍ଥାନୀୟ ଲୋକ ଚାଲାଣ ମାଗିବାରୁ ଡ୍ରାଇଭର ଓ ହେଲଫର ଲୁହା ରଡ଼ ଓ ଛୁରୀ ଦେଖାଇ ଭୟଭୀତ କରିଥିଲେ।
ପୋଲିସ ପହଞ୍ଚି ସ୍ଥାନୀୟ ଲୋକଙ୍କ ସହାୟତରେ ଡ୍ରାଇଭର ଓ ହେଲ୍ପରକୁ କାବୁ କରି ଗାଡିକୁ ଜବତ କରିଥିଲା। ଗାଡି ତନଖରେ ସେଥିରେ ୬୦୦୦କେଜି ଗୋମାଂସ ଥିବା ଜଣାପଡିଥିଲା। ଉକ୍ତ ଗୋମାଂସ ଗାଡିଟି କଲିକତା ରୁ ହାଇଦ୍ରାବାଦ ଯାଉଥିବା ଜଣାପଡିଛି। ଉକ୍ତ ଘଟଣାକୁ ନେଇ ଜିତେନ୍ଦ୍ର ବାଣପୁର ଥାନାରେ ଏତଲା ଦେବାପରେ ଗାଡିକୁ ଜବତ କରି ତଦନ୍ତ ଜାରି ରଖିଛି।
