ରଣପୁର/ରାଜସୁନାଖଳା: ଓଡିଶାର ନୟାଗଡ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ଚାନ୍ଦପୁର ଠାରେ ଏସିଆ ମହାଦେଶର ଦ୍ୱିତୀୟ ଓ ଭାରତର ପ୍ରଥମ ଯକ୍ଷ୍ମା ଚିକିତ୍ସାଳୟ ଭାବେ କ୍ଷ୍ୟାତି ଲାଭ କରିଥିବା ଚିକତ୍ସାଳୟ ବସନ୍ତମଞ୍ଜରୀ ସ୍ୱାସ୍ଥ୍ୟ କେନ୍ଦ୍ର ଅଟେ , ଯାହାକୁ କି ରଣପୁରର ରାଣୀ ତଥା ତତକାଳୀନ ବିଧାୟିକା ତଥା ଓଡ଼ିଆ ପ୍ରଥମ ମହିଳା ମନ୍ତ୍ରୀ ବସନ୍ତ ମଞ୍ଜରୀ ଦେବୀଙ୍କ ଆପ୍ରାଣ ପ୍ରଚେଷ୍ଟା ଓ ନିଜସ୍ୱ ଉଦ୍ୟମରେ ୧୧୭ଏକର ଜାଗାରେ ଏହା ପ୍ରତିଷ୍ଠା ହୋଇଥିଲା। ପରାଵର୍ତ୍ତୀ ସମୟରେ ବିଶ୍ୱ ମହାମାରୀ କରୋନା ସମୟରେ ସମଗ୍ର ନୟାଗଡ ଜିଲ୍ଲାରେ କୋଭିଡ ହସ୍ପିଟାଲ ପାଇଁ ସମଗ୍ର ହସ୍ପିଟାଲ ଯୋଗ୍ୟ ନହେବା ବେଳେ, ସେହିଠାରେ ହିଁ କୋଭିଡ ହସ୍ପିଟାଲ ହୋଇଥିଲା। ବର୍ତ୍ତମାନ ଓଡ଼ିଶା ରାଜ୍ୟ ସରକାର ପ୍ରତି ଜିଲ୍ଲାରେ ମେଡିକାଲ କଲେଜ କରିବାକୁ ନିଷ୍ପତି ନେଇଥିବା ବେଳେ, ସେଥିରେ ବସନ୍ତ ମଞ୍ଜରୀ ସ୍ୱାସ୍ଥ୍ୟ କେନ୍ଦ୍ର ରହିବା ସ୍ବାଗତ ଯୋଗ୍ୟ ବିଷୟ ଅଟେ।
ଉକ୍ତ ବିସ୍ତିନ୍ନ ଏରିଆ ରାଜ୍ୟ ସରକାରଙ୍କ ମେଡିକାଲ କଲେଜ ପାଇଁ ଏକମାତ୍ର ଯୋଗ୍ୟ ସ୍ଥାନ ଅଟେ। ଏହାକୁ ଅନ୍ୟତ୍ର ସ୍ଥାନାନ୍ତର ପାଇଁ କିଛି କୁଚକ୍ରୀ ଆପ୍ରାଣ ଉଦ୍ୟମ କରୁଥିବା ବେଳେ, ଏହାକୁ ବିରୋଧ କରି ଚାନ୍ଦପୁରରେ ହିଁ ମେଡିକାଲ କଲେଜ ପ୍ରତିଷ୍ଠା ଦବୀରେ, ଉତ୍କଳୀୟମ୍ ଫାଉଣ୍ଡେସନ ତରଫରୁ ଫାଉଣ୍ଡେସନର ଅଧ୍ୟକ୍ଷ ତଥା ଆଇନଜୀବି ରାଜୀବ ଲୋଚନ ପ୍ରଧାନଙ୍କ ନେତୃତ୍ୱରେ ଓ ଉପଦେଷ୍ଟା ସ୍ବର୍ଣ୍ଣ ପ୍ରକାଶ ରାଉତରାୟଙ୍କ ସଂଯୋଜନା କ୍ରମେ ଏକ ଦାବୀପତ୍ର ମାନ୍ୟବର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ରଣପୁର ବି.ଡ଼ି.ଓଙ୍କୁ ପ୍ରଦାନ କରାଯାଇଅଛି। କାରଣ ଗମନାଗମନ ଓ ବିଭିନ୍ନ ପାରିପାର୍ଶ୍ବକ ଦୃଷ୍ଟିକୋଣ ଓ ଭିତିଭୂମି ଓ ଅନ୍ୟାନ୍ୟ ଆଇନତଃ ପକ୍ରିୟାକୁ ଲକ୍ଷ୍ୟ କରି ନିଷ୍ପତ୍ତି ନିଆଯାଇଥାଏ ଯେଉଁଥିପାଇଁ କି ଚାନ୍ଦପୁର ବସନ୍ତ ମଞ୍ଜରୀ ସ୍ୱାସ୍ଥ୍ୟ କେନ୍ଦ୍ର ଯୋଗ୍ୟ ଅଟେ।
ଉକ୍ତ କାର୍ଯ୍ୟକ୍ରମରେ ରଣପୁର ପ୍ରେସ କ୍ଳବର ସମ୍ପାଦକ ସୁକାନ୍ତ କୁମାର ପଟ୍ଟନାୟକ, ରଣପୁର ଓକିଲ ସଂଘ ସଭାପତି ସତ୍ୟରଞ୍ଜନ ମତ୍ତା, ରାଜ୍ ଯୁବ ପ୍ରତିଷ୍ଠାନର ସଭାପତି ବଲ୍ଳଭ ପ୍ରଧାନ, ରାଜସୁନାଖଳା ଦୁର୍ଗା ବଜାର ବଣିକ ସଂଘର ପୂର୍ବତନ ସଭାପତି ଗୋବିନ୍ଦ ଚନ୍ଦ୍ର ସାହୁ, ସନାତନ ରଣା, ବସନ୍ତ କୁମାର ସ୍ୱାଇଁ, ଭୂଷଣ ରାଉତରାୟ, ପ୍ରମୋଦ ରଗଡ଼ ପ୍ରମୁଖ ଉପସ୍ଥିତ ରହିଥିଲେ। ଆଗାମୀ ଦିନରେ ଯଦି ଚାନ୍ଦପୁରରୁ ବିଚ୍ୟୁତ ହୋଇ ଅନ୍ୟତ୍ର ଯାଏ, ସମ୍ପୂର୍ଣ ରଣପୁର ଅଚଳ ସହ ଖୋର୍ଦ୍ଧା – ବଲାଙ୍ଗୀର ଜାତୀୟ ରାଜପଥ ଓ କଲିକତା – ଚେନ୍ନାଇ ଜାତୀୟ ରାଜପଥକୁ ବନ୍ଦକରି ବଡ଼ଧରଣର ଜନଆନ୍ଦୋଳନ କରାଯିବ ବୋଲି ଉତ୍କଳୀୟମ୍ ଫାଉଣ୍ଡେସନର ଅଧ୍ୟକ୍ଷ ରାଜୀବ ଲୋଚନ ପ୍ରଧାନ ଜଣାଇଛନ୍ତି।
