ନୂଆଦିଲ୍ଲୀ: କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ନିତ୍ୟାନନ୍ଦ ରାୟ ଲୋକସଭାରେ ଏକ ପ୍ରଶ୍ନର ଲିଖିତ ଉତ୍ତରରେ ଭାଇବ୍ରାଣ୍ଟ ଗ୍ରାମ କାର୍ଯ୍ୟକ୍ରମ-II ବିଷୟରେ ସୂଚନା ପ୍ରଦାନ କରିଛନ୍ତି। ସେ କହିଛନ୍ତି ଯେ, କେନ୍ଦ୍ର ସରକାର ଆନ୍ତର୍ଜାତୀୟ ଭୂମି ସୀମାନ୍ତବର୍ତ୍ତୀ ବ୍ଲକଗୁଡ଼ିକରେ ଥିବା ମନୋନୀତ ଗ୍ରାମଗୁଡ଼ିକ ପାଇଁ ୬,୮୩୯ କୋଟି ଟଙ୍କାର ମୋଟ ବ୍ୟୟବରାଦ ସହିତ ଏକ କେନ୍ଦ୍ରୀୟ କ୍ଷେତ୍ର ଯୋଜନା ଭାବରେ ଭାଇବ୍ରାଣ୍ଟ ଗ୍ରାମ କାର୍ଯ୍ୟକ୍ରମ-II (VVP-II)କୁ ଅନୁମୋଦନ କରିଛନ୍ତି।
ଏହି ଯୋଜନା ଆନ୍ତର୍ଜାତୀୟ ସୀମା ସହିତ ଚୟନିତ ଗ୍ରାମଗୁଡ଼ିକୁ ବିକଶିତ କରିବ। ଏଥିରେ ଉତ୍ତର ପ୍ରଦେଶର ବହରାଇଚ୍ ଜିଲ୍ଲାର ମିହିପୁରୱା ଏବଂ ନବାବଗଞ୍ଜ ବ୍ଲକ୍ରେ ନେପାଳ ସୀମା ସହିତ ୩୩ ଟି ଗ୍ରାମ ଅନ୍ତର୍ଭୁକ୍ତ। ଏହି ଯୋଜନା ଜୀବିକା, ସଡ଼କ ସଂଯୋଗ, ବିଦ୍ୟୁତ୍, ସ୍ୱାସ୍ଥ୍ୟ, ଶିକ୍ଷା, ପର୍ଯ୍ୟଟନ, ଆର୍ଥିକ ଅନ୍ତର୍ଭୁକ୍ତି ଏବଂ ଟେଲିକମ୍ ସଂଯୋଗ ଭଳି କ୍ଷେତ୍ର ଉପରେ ଧ୍ୟାନ ଦେବ।