ନୂଆଦିଲ୍ଲୀ: ଝାଡ଼ଖଣ୍ଡ ପ୍ରଥମ ସୟଦ ମୁସ୍ତାକ ଅଲି ଟ୍ରଫି ଟାଇଟଲ ଜିତିଛି। ଗୁରୁବାର ଖେଳାଯାଇଥିବା ଟାଇଟଲ ମ୍ୟାଚରେ ପ୍ରଥମେ ବ୍ୟାଟିଂ କରି ଝାଡ଼ଖଣ୍ଡ ୨୬୨ ରନର ବିଶାଳ ସ୍କୋର କରିଥିଲା। ଇଶାନ କିଶାନ ୧୦୧ ରନର ବିସ୍ଫୋରକ ଇନିଂସ ଖେଳିଥିଲେ। ଟାର୍ଗେଟ ପିଛା କରି ହରିୟାଣା ୧୯୩ ରନରେ ଅଲଆଉଟ ହୋଇଥିଲା। ଝାଡ଼ଖଣ୍ଡ ପାଇଁ ସୁଶାନ୍ତ ମିଶ୍ର ଏବଂ ବାଲ କୃଷ୍ଣ ପ୍ରତ୍ୟେକେ ତିନୋଟି ଲେଖାଏଁ ୱିକେଟ ନେଇଥିଲେ।
ଇଶାନ କିଷାନ ଫାଇନାଲର ହିରୋ
ଫାଇନାଲରେ ପ୍ରଥମେ ବ୍ୟାଟିଂ କରି ଝାଡ଼ଖଣ୍ଡ ୨୬୨ ରନର ବିଶାଳ ସ୍କୋର କରିଥିଲା। ଅଧିନାୟକ ଇଶାନ କିଶାନ ୧୦୧ ରନର ଏକ ଐତିହାସିକ ଇନିଂସ ଖେଳିଥିଲେ। ସେ ୪୯ ବଲରୁ ୧୦ଟି ଛକା ଏବଂ ୬ଟି ଚୌକା ମାରି ୧୦୧ ରନ କରିଥିଲେ। ସେ ସୟଦ ମୁସ୍ତାକ ଅଲି ଟ୍ରଫି ଇତିହାସରେ ପ୍ରଥମ ଅଧିନାୟକ ଭାବରେ ଟାଇଟଲ ମ୍ୟାଚ୍ରେ ଶତକ ହାସଲ କରିଥିଲେ।
ସୟଦ ମୁସ୍ତାକ ଅଲି ଟ୍ରଫି ଫାଇନାଲରେ ଇଶାନ କିଶାନଙ୍କୁ ପ୍ଲେୟାର ଅଫ୍ ଦି ମ୍ୟାଚ୍ ବିବେଚିତ କରାଯାଇଥିଲା। ଝାଡ଼ଖଣ୍ଡର ଅନୁକୂଳ ରୟ ପ୍ଲେୟାର ଅଫ୍ ଦି ଟୁର୍ଣ୍ଣାମେଣ୍ଟ ପୁରସ୍କାର ପାଇଥିଲେ।