କଟକ: ଶନିବାରଠାରୁ ଆରମ୍ଭ ହୋଇଛି ୭୧ ତମ ରାଜ୍ୟ ସ୍ତରୀୟ ଖେଳ କୁଦ ପ୍ରତିଯୋଗିତା। କଟକର ରିଜର୍ଭ ପୋଲିସ ସିନ୍ଥେଠିକ୍ ପଡିଆଠାରେ ପ୍ରତିଯୋଗିତା ଆୟୋଜିତ ହୋଇଛି। ଏହାକୁ ରାଜ୍ୟ ସରକାରଙ୍କ କ୍ରୀଡା ବିଭାଗ ସଚିବ ରାମଚନ୍ଦ୍ର ଯାଦବ ଉଦଘାଟନ କରିଥିଲେ।
ପ୍ରଥମ ଦିନରେ ୫ ହଜାର ମିଟର ମହିଳା ଓ ପୁରୁଷ ବିଭାଗରେ ଦୌଡ ପ୍ରତିଯୋଗିତା ହୋଇଛି। ମହିଳା ବିଭାଗରେ ଓଡିଶା ପୁଲିସର ସସ୍ମିତା ଟିକା ଓ ପୁରୁଷ ବିଭାଗରେ ଓଡିଶା ପୁଲିସର ଅଶୋକ ଦଣ୍ଡସେନା ପ୍ରଥମ ସ୍ଥାନ ଅଧିକାର କରିଛନ୍ତି। ପ୍ରତିଯୋଗୀତାରେ ବିଭିନ୍ନ ଜିଲ୍ଲାର ୧୪୯୨ ଜଣ ଅଂଶଗ୍ରହଣ କରିଛନ୍ତି। ୪ ଦିନ ଧରି ପ୍ରତିଯୋଗିତା ଚାଲିବ। ଉଦଘାଟନୀ କାର୍ଯ୍ୟକ୍ରମରେ କ୍ରୀଡା ବିଭାଗ ନିର୍ଦ୍ଦେଶକ, କଟକ ଜିଲ୍ଲାପାଳ ଓ ଏସପି ପ୍ରମୁଖ ଉପସ୍ଥିତ ଥିଲେ।