ଭୁବନେଶ୍ଵର: ଆସନ୍ତା ଏପ୍ରିଲରେ ରାଜ୍ୟରେ ପ୍ରଥମ ପର୍ଯ୍ୟାୟ ଜନଗଣନା କାର୍ଯ୍ୟ ଆରମ୍ଭ ହେବ। ସେହିପରି ଦ୍ୱିତୀୟ ପର୍ଯ୍ୟାୟ ଜନଗଣନା ୨୦୨୭ ଫେବୃଆରୀ ମାସରେ ହେବ ବୋଲି ରାଜ୍ୟ ଜନଗଣନା ନିର୍ଦ୍ଦେଶକ ପବନ କଲ୍ୟାଣ କହିଛନ୍ତି।
ପ୍ରଥମ ପର୍ଯ୍ୟାୟରେ ଘର ଓ ଆସବାପତ୍ର ଗଣନା ହେବାକୁ ଥିବାବେଳେ ଦ୍ୱିତୀୟ ପର୍ଯ୍ୟାୟରେ ଘରକୁ ଘର ବୁଲି ଜନଗଣନା କରାଯିବ। ଏଥିପାଇଁ ଲକ୍ଷାଧିକ ଜନଗଣନା ଅଧିକାରୀ ନିଯୁକ୍ତ ହେବେ। ତେବେ ଲୋକେ ନିଜେ ଚାହିଁଲେ, ୱେବସାଇଟ୍ ଜରିଆରେ ପଞ୍ଜିକୃତ ହୋଇ ନିଜ ନିଜର ତଥ୍ୟ ଦେଇପାରିବେ ବୋଲି କୁହାଯାଇଛି।