ଭାରତ ଏବଂ ଓ୍ବିଣ୍ଡିଜ୍ ମଧ୍ୟରେ ଦ୍ବିତୀୟ ଦିନିକିଆ ମ୍ୟାଚ ଆଜି ଆରମ୍ଭ ହେବାକୁ ଯାଉଛି । ଗୁଏନାରେ ଅନୁଷ୍ଠିତ ପ୍ରଥମ ଦିନିକିଆ ବର୍ଷାରେ ଧୋଇ ଯାଇଥିବା ବେଳେ ଦ୍ବିତୀୟ ଦିନିକିଆରେ ଭାରତର ପଲ୍ଲା ଭାରି ରହିଛି । ଟି 20 ସିରିଜ୍କୁ କ୍ଲିନ୍ ସୁଇପ୍ କରିଥିବା ଭାରତ ପକକ୍ଷରୁ ପ୍ରଥମ ଦିନିକିଆରେ ମହମ୍ମଦ ସାମି ଅତ୍ୟନ୍ତ ଚମତ୍କାର ବୋଲିଂ କରିଥିଲେ । ଏହି ମ୍ୟାଚ୍ରେ ଭାରତ ପକ୍ଷରୁ ଶ୍ରେୟସ୍ ଆୟାର ଏବଂ ମନୀଷ ପାଣ୍ଡେଙ୍କୁ ସୁଯୋଗ ମିଳିପାରେ । କ୍ବିନ୍ସ ପାର୍କ ଓଭାଲ୍ରେ ଏହି ଦ୍ବିତୀୟ ଦିନିକିଆରେ ପିଚ୍ ସ୍ପିନ୍ ସହାୟକ ରହିବ ବୋଲି ଜଣାପଡିଛି । ଭାରତ ଏହି ମ୍ୟାଚ୍ ପାଇଁ ମଧ୍ୟ ଦୁଇ ସ୍ପିନର ଖେଳାଇବା ନେଇ ଅଧିନାୟକ ବିରାଟ କୋହଲି ସୂଚନା ଦେଇଛନ୍ତି ।
