ବାଲୁଗାଁ: ଖୋର୍ଦ୍ଧା ଅବକାରୀ ଅଧିକ୍ଷିକା ସୁମତି ତ୍ରିପାଠୀଙ୍କ ନିର୍ଦ୍ଦେଶ କ୍ରମେ ବାଲୁଗାଁ ଅବକାରୀ ନିରୀକ୍ଷକ ଅଜିତ ପାତ୍ରଙ୍କ ତତ୍ୱବଧାନରେ ଗୁରୁବାର ସକାଳେ ବାଣପୁର ଥାନା ଅନ୍ତର୍ଗତ ମୁଦୁଲିଡିହ ବନ୍ୟାଞ୍ଚଳ ନିକଟରେ ଚଢ଼ାଉ କରି ୧୧ ହଜାର ଏକ ଶହ କେଜି ମହୁଲ ପୋଚ ନଷ୍ଟ କରିବାସହ ୧୫୬୦ ଲିଟର ଦେଶୀ ମଦ ଜବତ କରାଯାଇଛି। ଜବତ ମହୁଲ ପୋଚ ଓ ଦେଶୀ ମହୁଲିର ଆନୁମାନିକ ମୂଲ୍ୟ ୮ ଲକ୍ଷ ୬୭ ହଜାର ଟଙ୍କା ହେବ ବୋଲି ଜଣାପଡିଛି।
ଏ ସଂକ୍ରାନ୍ତରେ କେଶ ନଂ ୨୫୯,୨୬୦,୨୬୧ ଓ ୨୬୨/୨୫-୨୬ ରେ ମାମଲା ରୁଜୁ କରାଯାଇଥିବା ବେଳେ କୌଣସି ଅଭିଯୁକ୍ତଙ୍କୁ ଧରି ନଥିବା ବାଲୁଗାଁ ଅବକାରୀ ଅଧିକ୍ଷକ ଶ୍ରୀ ପାତ୍ର କହିଛନ୍ତି।ଉକ୍ତ ଚଢ଼ାଉରେ ଟାଙ୍ଗୀ ଅବକାରୀ ଅଧିକାରୀ ରମେଶ ଚନ୍ଦ୍ର ବାରିକ ଓ ଟିମ, ବେଗୁନିଆ ଅବକାରୀ ଅଧିକାରୀ ସଞ୍ଜୟ କୁମାର ସୁବୁଦ୍ଧି ଓ ଟିମ, ଜଟଣୀ ଅବକାରୀ ଏଏସଆଇ ରାମଚନ୍ଦ୍ର ବାରିକ ଓ ଟିମ,ବାଲୁଗାଁ ଅବକାରୀ ଏଏସଆଇ ମୀନକେତନ ମହାଳିକଙ୍କ ସମେତ ବାଲୁଗାଁ ଅବକାରୀ କର୍ମଚାରୀମାନେ ସାମିଲ ଥିଲେ।