ନୂଆଦିଲ୍ଲୀ: ବିଜେପି ନେତା ୟୁମନାମ୍ ଖେମଚାନ୍ଦ ସିଂହଙ୍କୁ ମଣିପୁର ବିଜେପି ବିଧାୟକ ଦଳର ନେତା ନିର୍ବାଚିତ କରାଯାଇଛି। ଦିଲ୍ଲୀରେ ଅନୁଷ୍ଠିତ ମଣିପୁର ବିଧାୟକ ଦଳ ବୈଠକରେ ସର୍ବସମ୍ମତିକ୍ରମେ ତାଙ୍କ ନାମକୁ ଅନୁମୋଦନ କରାଯାଇଛି।
ଦଳର ସୂଚନା ଅନୁଯାୟୀ, ମଣିପୁରର ବର୍ତ୍ତମାନର ରାଜନୈତିକ ପରିସ୍ଥିତିକୁ ଦୃଷ୍ଟିରେ ରଖି ଏହି ନିଷ୍ପତ୍ତିକୁ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି।
କେନ୍ଦ୍ର ଗୃହମନ୍ତ୍ରୀ ଅମିତ ଶାହ, ବିଜେପି ସଭାପତି ନୀତିନ ନବୀନ, ମଣିପୁର ବିଧାୟକ, ଦଳର ପର୍ଯ୍ୟବେକ୍ଷକ ତରୁଣ ଚୁଗ୍, ସଂଗଠନ ସାଧାରଣ ସମ୍ପାଦକ ବିଏଲ ସନ୍ତୋଷ, ଏବଂ ଉତ୍ତର-ପୂର୍ବ ପ୍ରଭାରୀ ସମ୍ବିତ ପାତ୍ର ବୈଠକରେ ଯୋଗ ଦେଇଥିଲେ। ମଣିପୁର ବିଧାୟକଙ୍କ ସହିତ ମଣିପୁର ରାଜ୍ୟ ସଭାପତି ଅଧିକାରୀ ମୟୁମ୍ ଶାରଦା ଦେବୀ ମଧ୍ୟ ଉପସ୍ଥିତ ଥିଲେ।