ଭୁବନେଶ୍ଵର: ସରକାରୀ କର୍ମଚାରୀଙ୍କ ଯାତ୍ରା ଭତ୍ତା ଦାବି ପାଇଁ ବିଭିନ୍ନ ବର୍ଗର ମୋଟର କ୍ୟାବ୍ ଭଡ଼ା ଦର ନିର୍ଦ୍ଧାରଣ ସମ୍ପର୍କରେ ବାଣିଜ୍ୟ ଓ ପରିବହନ ବିଭାଗ ଦ୍ବାରା ବିଜ୍ଞପ୍ତି ପ୍ରକାଶ ପାଇଛି।
ଏଥିରେ ଉଭୟ କାର୍ ଏବଂ ତିନିଚକିଆ ଶ୍ରେଣୀର ଠିକା ଯାନବାହନଗୁଡ଼ିକ ପାଇଁ ଭଡ଼ା ଦର ନିର୍ଦ୍ଧାରିତ ହୋଇଛି।
ଏହି ବିଜ୍ଞପ୍ତି ଅନୁଯାୟୀ, ନିର୍ଦ୍ଧାରିତ ଭଡ଼ା ଦରଗୁଡ଼ିକ ବିଜ୍ଞପ୍ତି ଜାରି ତାରିଖଠାରୁ କାର୍ଯ୍ୟକାରୀ ହେବ ଏବଂ କେବଳ ସରକାରୀ କର୍ମଚାରୀଙ୍କ ଯାତ୍ରା ଭତ୍ତା (Travelling Allowance) ଦାବି ଉଦ୍ଦେଶ୍ୟରେ ଲାଗୁ ହେବ।
– ଇ-ରିକ୍ସା /ବ୍ୟାଟେରୀ ଚାଳିତ ରିକ୍ସା: ପ୍ରତି କି.ମି. ୮ ଟଙ୍କା; ସର୍ବନିମ୍ନ ଭଡ଼ା ୩୦ ଟଙ୍କା
– ଅଟୋ ରିକ୍ସା: ପ୍ରତି କି.ମି. ୯ ଟଙ୍କା; ସର୍ବନିମ୍ନ ଭଡ଼ା ୩୦ ଟଙ୍କା
– ସାଧାରଣ ମୋଟର କାର (ସୌଖୀନ A/C ଓ ପ୍ରିମିୟମ ସୌଖୀନ କାର ବ୍ୟତୀତ): ପ୍ରତି କି.ମି. ୧୪ ଟଙ୍କା; ସର୍ବନିମ୍ନ ଭଡ଼ା ୭୫ ଟଙ୍କା
– ସୌଖୀନ A/C କାର (ବୋଲେରୋ/ନିଓ/ଇର୍ଟିଗା ଇତ୍ୟାଦି): ପ୍ରତି କି.ମି. ୧୬ ଟଙ୍କା; ସର୍ବନିମ୍ନ ଭଡ଼ା ୮୫ ଟଙ୍କା
– ପ୍ରିମିୟମ ସୌଖୀନ କାର୍ (ସ୍କର୍ପିଓ/XUV ୫୦୦/ଇନୋଭା ଇତ୍ୟାଦି): ପ୍ରତି କି.ମି. ୧୯ ଟଙ୍କା; ସର୍ବନିମ୍ନ ଭଡ଼ା ୧୦୦ ଟଙ୍କା।