ଆମେରିକାର ପେନ୍ସିଲ୍ଭାନିଆର ଏକ ଡେ କେୟାର ସେଣ୍ଟରରେ ଅଗ୍ନିକାଣ୍ଡ ଘଟି 5 ଜଣ ଶିଶୁ ପ୍ରାଣ ହରାଇଛନ୍ତି । ରବିବାର ରାତିରୁ ଏହି ସେଣ୍ଟରରେ ଅବସ୍ଥାନ କରିଥିବା ଶିଶୁ ମାନେ ଏହି ଅଗ୍ନିକାଣ୍ଡରେ ପ୍ରାଣ ହରାଇଛନ୍ତି । ଗତକାଲି ରବିବାର ଥିବାରୁ ଅଭିଭାବକ ମାନେ ନିଜ ଶିଶୁଙ୍କୁ ଛାଡିଥିଲେ । ଘଟଣାସ୍ଥଳରୁ ସିଗାରେଟ୍ ଜବତ ହୋଇଥିବା ନେଇ ସୂଚନା ଦେଇଛନ୍ତି ଅଗ୍ନିଶମ ବିଭାଗ କର୍ମଚାରୀ ଜାଏ ସାଣ୍ଟୋନେ । ମୃତ ଶିଶୁଙ୍କ ବୟସ 8 ମାସରୁ 7 ବର୍ଷ ମଧ୍ୟରେ ରହିଥିବା ଜଣାପଡିଛି । ରବିବାର ରାତି 1.15 ମିନିଟ୍ ସମୟରେ ଏହି ଅଗ୍ନିକାଣ୍ଡ ଘଟିଥିଲା ।
