ଚିଲିକା: ଦିନକୁଦିନ ବାଲୁଗାଁ-ବାଣପୁର ଅଞ୍ଚଳରେ ବେଆଇନ ଭାବେ ଚୋରା ମଦ କାରବାର ବୃଦ୍ଧି ପାଉଥିବା ବେଳେ ଆଜି ସକାଳେ ବାଲୁଗାଁ ଅବକାରୀ ନିରୀକ୍ଷକ ଅଜିତ କୁମାର ପାତ୍ରଙ୍କ ନେତୃତ୍ୱରେ ବାଣପୁର ଥାନା ଅନ୍ତର୍ଗତ ପ୍ରତାପ, ଲାଠିପଡ଼ା, ଝିଣ୍ଟିକାପଲ୍ଲୀ ଓ ଦଣ୍ଡିଗାଡିଆ ଅଞ୍ଚଳର ଚଢାଉ କରି ୧୦୩ ଲିଟର ଦେଶୀମଦ ଜବତ କରି ୪ ଜଣଙ୍କୁ ଗିରଫ କରିଛି ବାଲୁଗାଁ ଅବକାରୀ ବିଭାଗ। ଯାହାର ଆନୁମାନିକ ମୁଲ୍ୟ ୨୦ ହଜାର ୬୦୦ ଟଙ୍କା ହେବ ବୋଲି ଜଣାପଡିଛି। ସମସ୍ତ ଅଭିଯୁକ୍ତ ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅନ୍ତର୍ଗତ ଛକାସିଂହ ଗ୍ରାମର ହୋଇଥିବା ବେଳେ ତ୍ରିନାଥ ଶବରଙ୍କ (୫୦) ନିକଟରୁ ୨୦ ଲିଟର, ଭାସ୍କର ଶବରଙ୍କ (୪୦) ନିକଟରୁ ୨୮ ଲିଟର, ଲକ୍ଷ୍ମଣ ଶବରଙ୍କ (୪୫) ନିକଟରୁ ୨୬ ଲିଟର ଓ ଲଖିଆ ଶବରଙ୍କ (୪୦) ନିକଟରୁ ୨୯ ଲିଟର ଦେଶୀ ମଦ ଜବତ ହୋଇଛି।
ଅଭିଯୁକ୍ତଙ୍କ ବିରୁଦ୍ଧରେ ପୃଥକ ଭାବେ ବାଲୁଗାଁ ଅବକାରୀ କେଶ ନଂ ୨୮୯ ଓ ୨୯୦/୨୫-୨୬ ଏବଂ ଟାଙ୍ଗୀ ରେଞ୍ଜ ଅବକାରୀ କେଶ ନଂ ୯୩ ଓ ୯୪/୨୫-୨୬ ରେ ମାମଲା ରୁଜୁକରି କୋର୍ଟ ଚାଲାଣ କରାଯାଇଥିବା ବାଲୁଗାଁ ଅବକାରୀ ଅଧିକ୍ଷକ ଶ୍ରୀ ପାତ୍ର କହିଛନ୍ତି। ଉକ୍ତ ଚଢ଼ାଉରେ ଏସଆଇ ମୀନକେତନ ମହାଳିକ, କନେଷ୍ଟବଳ ସୁନିତା ମହାରଣା, ଅଶେଷ କୁମାର ପ୍ରଧାନ, ରଞ୍ଜିତ ପଟେଲ, ମନୋଜ କୁମାର ଜୟସିଂହ ପ୍ରମୁଖ ସାମିଲ ଥିଲେ।