ମୟୁରଭଞ୍ଜ ବହଳଦାରେ ମଦ ବୋଝେଇ ଟ୍ରକ ଜବତ କରାଯାଇଛି । ପ୍ରାପ୍ତ ସୂଚନା ମୁତାବକ, କୌଣସି ସୂତ୍ରରୁ ଖବର ପାଇଁ ବହଳଦା ପୋଲିସ ଏକ ଟ୍ରକ୍କୁ ଧରିଥିଲା । ଯାଞ୍ଚ କରିବା ପରେ ଟ୍ରକ୍ ଭିତରୁ ବିପୁଳ ପରିମାଣରେ ମଦ ମିଳିଥିଲା । ସମୁଦାୟ 300 ପେଟି ମଦ ଜବତ କରାଯାଇଥିଲା । ଯାହାର ଆନୁମାନିକ ମୂଲ୍ୟ 10 ଲକ୍ଷ ଟଙ୍କା ହେବ ବୋଲି ଆକଳନ କରାଯାଉଛି । ଚଢ଼ାଉ ସମୟରେ 3 ଜଣଙ୍କୁ ଗିରଫ କରାଯାଇଥିବାବେଳେ 4 ଜଣ ଫେରାର ହୋଇଯାଇଛନ୍ତି । ଏତେ ପରିମାଣରେ ମଦ କେଉଁଠୁ ଆସିଲା ଏବଂ କିଏ ଚାଲାଣ କରୁଥିଲା ସେ ନେଇ ପୋଲିସର ତଦନ୍ତ ଜାରି ରହିଛି ।
