ଭୁବନେଶ୍ଵର: ଚଳିତମାସ ୨୮ ତାରିଖରୁ ରାଜ୍ୟରେ କିଶୋରୀ କନ୍ୟାଙ୍କ ପାଇଁ ଆରମ୍ଭ ହେବ ଜରାୟୁ କର୍କଟ ଟିକାକରଣ କାର୍ଯ୍ୟକ୍ରମ। ଦେଶରେ ମହିଳାମାନଙ୍କ ସ୍ବାସ୍ଥ୍ୟ ସୁରକ୍ଷା କ୍ଷେତ୍ରରେ କେନ୍ଦ୍ର ସରକାରଙ୍କ ଏହା ଏକ ଯୁଗାନ୍ତକାରୀ ପଦକ୍ଷେପ ବୋଲି ରାଜ୍ୟ ସ୍ବାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ ସୂଚନା ଦେଇଛନ୍ତି। କିଶୋରୀମାନଙ୍କୁ ସର୍ଭାଇକାଲ କ୍ୟାନସର ବା ଜରାୟୁ କର୍କଟରୁ ସୁରକ୍ଷିତ ରଖିବା ପାଇଁ ସମଗ୍ର ଦେଶରେ ଏଚପିଭି- ହ୍ୟୁମାନ ପାପିଲୋମା ଭାଇରସ୍ ଟିକାକରଣ ଆରମ୍ଭ କରାଯାଉଛି ବୋଲି ସ୍ବାସ୍ଥ୍ୟମନ୍ତ୍ରୀ କହିଛନ୍ତି। ଏହି ଟିକା ୧୪ବର୍ଷ ପର୍ଯ୍ୟନ୍ତ ଝିଅଙ୍କୁ ସିଙ୍ଗଲ ଡୋଜ୍ ଭାବେ ଦିଆଯିବ। ୧୪ ବର୍ଷରୁ ଊର୍ଦ୍ଧ୍ବ ଏବଂ ବିବାହ ପର୍ଯ୍ୟନ୍ତ ଯୁବତୀମାନଙ୍କୁ ତିନୋଟି ଡୋଜ୍ ଟିକା ଦିଆଯିବ ବୋଲି ଶ୍ରୀ ମହାଲିଙ୍ଗ ସୂଚନା ଦେଇଛନ୍ତି।
Cervical Cancer Vaccination Drive for girls to begin